Nekemiya 10:34 - Ala Wone Peenok Peebi Mbanak

³⁴ Nit aap Ala unde inom, aap Lewi mendek inom, aakumi ugun mendek inom, abok aret nen eeko logorak wone yugu liiru mbanak wonage nogo ndak-ndak, tahun ambi eekak paga, Ne ndi paga it aap inanebunu ndi mendek nen ninogoba awi wurik me ake warogo kani kunggak yuurak ake kani wonok pi wogo logorak nogo, yugum paga wakkagak eekwi,

Nekemiya 10:34 ပူးပေါင်းရင်းမြစ်များ

1 Mbinineegwaarak 24:5

At Eleyatat paga wiganak inom, at Itamat paga wiganak inom, Ala awi wurik mage menggim yabu eekwi, it Ala unde logonet eekwi, eeko nogogwaarak me, inete lombongga'lek logonet, ineyabu eeko logorak yugum paga wakkaanuk, mogonogo piyareegerak.

1 Mbinineegwaarak 24:7

iyaalok aap Yoyarip owagam ari nage, ambokan aap Yeraya owagam ari nage,

2 Mbinineegwaarak 2:3

Eeppiige nagagerik, at Talomo nogo nen aap o Tirut mendek inowe endagembogut Kiram wonage me wone eerogo nappiige logonet, “Nogoba Ndawut nen, An logowam nawi o nggwok abe wurikit o, ari mbareegi, eyo nggabina mbanogo nappi wage nagagindak kwak, an togon eyo nggabina mbanogo nappani wa'nu o, yinuk, yokkigi o.

Etara 3:5

Ti eeko nogogwaarik, ne ti paga at Aliku ALA ake warogo kani kunggo nogogwaarak nogo aret kani kunggwi, tut ngget penengge kenok warogo kani kunggwi, ndi, Aliku ALA nen, “Ne ndiyom paga nake warogo wo'nogo logorak o,” yinuk, punogo pereegerak nogo paga warogo wogogwi, eeko logonet, it aakumi ando iniki nen Ala ake we aret pi wogwe iinok, warogo wogogwi, eeko nogogwaarak.

Nekemiya 11:1

It aakumi inarum menggaarak inoweewi o Yerutalem wonogogwaarak. Ndi, it aakumi ando alik nogo ti, ineebe 10 wonage kenok, 9 inawi kota lombok wonogwe iigak, ambit nggigingge, 10 wonage kenok, 9 inawi kota lombok wonogwe iigak, ambit nggigingge, eerogo o kota abu leenak Yerutalem nogome inom logowak nduk, iri'ngga mbanogo wakkagak leeninabeegwaarak.

Nekemiya 13:31

Ndi, “O ndi eyom paga kani ira wogo logu o,” yinuk, koonogo piige, yi mendek ndi mendek iyaalok yugu pi wogo logowak nduk, koonogo piige, eereegirak o. “Ai, nogoba Ala o. Nabuwa mba'nuk, noba aberak logot o,” yinuk, tamban eereegirak nogo ti aret. 1

Kini Wuppiige 18:18

Wone wakwi iinok, “Alom ta eekerak?” kin kaawak nduk mbere mbanggwi, Mbere mbanggaatak inoba age kenok, wone wakwi nogo lek aret age, Eeke menggerak.

Yetaya 40:16

At Aliku ALA ti, mondok iya me, ndomba o Libanon ambik wonogwe nogo warogo ake wogogwi, Ndi, kani o Libanon ambik wonage kwe, ake ndomba warogo kani kunggak mban eekwi, Eekwi iinok, Ndomba lek age, ndi, kani kunduk lek age, Ee'ne o.

Ala Unde 24:5

Yoge nagagerik, “It aap an neebe unde nen gandum anggen abu obeelom yigirik aaninggin 12 wakkagak waganogo oroti 12 longgo warogo worappunuk,

Ala Unde 24:6

Naliku ALA nawooliya wurik me mbuti emas at mendek paga mban ndoonak nenggaanom paga wonage ti paga oroti 6 worarak nogo ambit me pit laganggwi, 6 nogo ambit me pit laganggwi, eerogo pogo logowak o.

Linggineegwaarak 28:2

“Ndogop eeko logonip o, yinuk, it Iterali yoroorak nogo yi aret o. Obari abe kage logonet, nale'nggen kaakit nduk, nake pi wa'nuk, kani kunggo logorak nogo ti, Ne ti paga pi wogo logorak, yugu nogo mugurok pi wogo logorak liippuwak nduk, yoret o.

Nappiigak 1:26

tamban eeppogo nogogwaarik, “Aap yi mippuwok a, at yi mippuwok a?” yinuk, imbirak inendage liiru mbanogo punuk, Matiyat endage mbanak nogo waganggo nogogwaarik, it aap 11 nappiyareegerak nogo inom logowak nduk at Matiyat aret leenogo mippereegwaarak.

Yotuwa 9:27

Teppiige nagagerik, ti eyom paga aret Iterali wonogwe abok aret inake eekwi, ndi, at Aliku ALA ake warogo wogogo logowam Aliku ALA nen leenogo patemenggim nogome eekwi, eeko logonet, niyo toogira nogwe, inagani wugira nogwe, eeko logowak nduk, unde eeppiyareegerak me, yogondak kunduk eekwi aret wonogwe o.