Nekemiya 10:29 - Ala Wone Peenok Peebi Mbanak

²⁹ abok aret inoweewi inengga warak ninom a'nuk, yogo logonet, “Eeko logorak Ala nen ayeloman Muta yoge kagak, yo'niragagerak liiru mbanak nogo mugurok nogwe, ndi, Aliku ninogoba Ala nen, Yogop ee'nu ndogop ee'nu, yereegerak inom, eeko logorak wone yugu inom, wone lengganak inom, abok aret liirogon eerit nogwe, eeko logogun o. Ndi, eeka'lek niinok, pulunogo pinaniyak op aret o,” yinuk, kumbuk mbanuwok nduk, niniki ambit eeppunuk, wone abuk nggaruk togon koonogo pereegurak ninendage nogo ti aret.

Nekemiya 10:29 ပူးပေါင်းရင်းမြစ်များ

2 Endagembogut 10:31

at Yeku nen eeko logorak Aliku Iterali inogoba Ala wone yugu nogo iniki panggombunuk, liirogon eerit noolik. Yerobeyam nen maluk eerit nage nagagerak paga Iterali maluk eerit nogo nogogwaarak nogo, at Yeku kunduk ndak-ndak eerit nage nagagerak.

1 Mbinineegwaarak 9:2

Ti'nuk peebi, inaa'nduk lombok iniyokan inanggween wonogogwam inawi kota-kota ari wogogwaarak nogo ti, it Iterali ando we ugun mendek inom, Ala unde inom, Lewi mendek inom, Ala awi wurik me yabu eeko menggaarak inom, aret wogogwaarak.

2 Mbinineegwaarak 6:16

Togop aret me, Kaliku aakumi Iterali inogoba Ala wae. Kat kayeloman an nogoba Ndawut yoge logonet, Kat an nenggaanom kiniki koonak obeelom mban eeke menggendak kwak, kapuri ndaganabemenggendak nen eeko logorak wone an yoragagirak nogo, ndak-ndak liirogon mban eekwi iinok, an nenggaanom paga aakumi Iterali inarum logonet, wone lengganogo yorage logorak nogo ti, kat kapuri mban aret inendagembogut logonet, eeko logogun o, yinuk, wone koonogo yoreegindak nogo, a'me nggelok yuwak nduk, liirogon aret eeke logomunggun o.

Nekemiya 13:25

mberirage, pulunogo piige, it aap ineebe mande negen yawi inooke, ineeruwak wiirogo nappiige, eeke nagagirik, yorage logonet, “Ninapuri komologwe ti, it inapuri wologwe wogorogwe, ndi, it inapuri komologwe nit ninapuri wologwe kolaawak nduk, wo'nirogwe, ndi, nit kunduk kologwe, eeko logogun mondok lek o, yinuk, Ala endage kumbunuk, wone kumbuk mbaninip o.

Nekemiya 7:46

It aap Ala awi wurik me yabu eeko menggaarak wogogwaarak nogo ti, Tika, Katupa, Tabawot,

Nekemiya 8:2

Yogo mbareegwa, tut 7 penenak tanggal 1 paga it kuwak ari wogogwaarak aap inom, kumi inom, it wone op woorak abok aret inom, inigen iigak, aap Ala unde Etara nen eeko logorak wone yugu liiru mbanak nogo wonok wage nagagerik,

Nekemiya 8:3

it aakumi abok inenggaanom paga mbiningge logowak nduk, eyo tiyarogon ndoonogo pereegwaarak nogo paga aap liiru mbangga Etara nogo ari lagangge mbareegi, eenggi abe'nggan pa'nggwe aap Matika, Tema, Anaya, Uriya, Kilikiya, Maateya, mi'ndak wonogwe, ndi, eenggi kwaare'nggan pa'nggwe aap Peraya, Mitayen, Malikiya, Katum, Katabarana, Takariya, Metulam mi'ndak wonogwe, eekwi iigak, aap inom, kumi inom, it wone op woorak inom, tu unggwogo menggam endage Niyo enaame tini ogobakkigirik nogome kwi'nari wogogwaarak inenggaanom paga at Etara nen wone lengganak liiru mbanak nogo mbiganeegerak. Aap Etara nogo eyo tiyarogon ndoonak paga liiru mbanak mbigangge inigen kogo nogogwaarik, it abok aret mi'nogogwaarak. Mi'na'nuk wonogo logonet, it abok aret abu liippunuk, waganggwi iigak, at Etara nogo o kuubondendok nen nok o liingge kuli eeko logorak wone yugu liiru mbanak nogo, oone nggwok paga mbiningge nagagerak.

Nekemiya 9:38

Alom ti paga nit abok aret niniki ambit eeppunuk eeko logorak wone abuk nggaruk togon koonogo liiru mbambunuk, it ninarum menggaarak ninoweewi inom, ninogobamini Lewi mendek inom, it kat keebe unde ninogobamini inom, nen ineenggi amburu pugun o,” yinuk, Ala yoreegwaarak.

Ndawi 105:45

Ti eereegerak nogo ti, Eeko logorak wone lengganak nogo ndak-ndak eekwi, Ndi, wone, “Yogop ee'nu ndogop ee'nu,” yugu nogo Liirogon mugurok nogwe, Eeko logowak nduk, Eereegerak o. Aliku ALA tiyappogo logowok o.

Ndawi 119:106

“A'me nggelok eeko logorak koone yugu nogo An porogo logonet eerit nage logokit o,” yinuk, Kumbuk mbaneegirak me, ndak-ndak eerit nage agarik o.

Ndawi 8:1

Kaliku ninogoba ALA wae. Kat kendage o nggween paga yime abok aret Abu tiyanak mondok ndak warak wonage me, ia o! Mbogut irimbaga kunduk, Kendage tiyanak logowak nduk eerogo pege,

Ndawi 8:9

Kaliku ninogoba Ala wae. Kat kendage nggween paga yime abok aret Abu tiyanak mondok ndak warak wonage me, iya o!

Yetaya 14:1

Aliku ALA ari nogo, kage logonet, “An nen at Yakup paga wiganak inabuwa mbake, Napuri Iterali ambinom leenogo piinok, iname wonogogwam logowak nduk, iniyokan piya wage, Eerigin o. Piya woraminggirak wonogwe me, it aap nggiru iya wogwe, At Yakup ombowologwe wiganak inom lambunna'nuk wonogwe, Eeko logogun o.

Yeremiya 26:4

Naliku ALA yagarak ambi yoroorak yi aret. Eeko logorak nawone yugu eeko logowak nduk, lengganogo yoragagirak nogo, konembunuk mugurok naga'lek mbo pugwi,

Yeremiya 34:15

O yogondak iluk yi aret, Nit maluk aret eekoorak o, yinuk, mbo pogo nagaarik, an nenggaanom paga obeelom mban eerit nogwe iigirak ti, an nawi wurik nendage kumbunuk yogo menggam nenggaanom paga time inalitak lombok nen, Ninoreewi wondet agago piyaawok o, yinuk, koonogo punuk, inoreewi wondet eerogo piigaarak kwe,

Yetikiyen 36:27

An nen Naberiniki inikime mambiige, wone lengganogo yorage minggirak nogo mugurok nawak nduk, eeppiige, ndi, eeko logorak noone yugu nogo liippunuk eeko logowak nduk, eerogo piige, eerigin o.

Ala Unde 20:26

It an napuri lombok logowak nduk, an kikak nakeelik abu obeelom Naliku an ALA nogo nen yi aakumi ndi aakumi iigak, it Iterali mban leenogo piyareegirak me, it an nake leenak aret logowak o.

Maleyaki 4:4

“Puut Korep paga nen it aakumi Iterali abok aret yoraawak nduk, wone lengganak inom, eeko logorak wone yugu inom, nayeloman Muta yoge mbareegi, liiru mbaneegerak nogo abeko logowak o.

Linggineegwaarak 5:21

Yoge logomenggerik, at an neebe unde nogo nen kwe nogo kumbuk mbangge logonet, pulunogo patiyak wone yuurak nogo yi aret. An eekirak kagak, naana'le mbanggolage neenok, an pulunogo paniyak niyo yi nengge paga naanogum piike, nambulok togo'mbet nabe eerogo pege, eeruwak o. Ndi, nambulok togo'mbet nabe eerogo pege, naanogum piirogo pege, eeke kenok, niriwi nen pulunogo panugwi, Kwe yi, mbabilu o, yinuk, yo'nugwi, eeko logowak nduk, Aliku ALA nen eeppiyoorak ti, op aret o, yinuk, kumbuk mbanggi o, yinuk, yuwak nduk, yoruwak o. Yoremenggerak kwe nogo nen, Togop eeriyak op aret, ari kenok,

Yaya 1:17

Ala nen wone lengganogo yoge kenok, Muta nen yo'niragagerak kwe, Ala iniki kunik nen eeppinanege, “Ala ndogop menggerak o,” yinuk, liirogon paganogo yo'nirage, eereegerak nogo ti, Yetut Keritut aret o.

Yaya 15:14

Kit an noone, Yogop ee'nu, ndogop ee'nu, yokkirage nogo aret eekwi kiinok ti, kit an noreewi aret kinombarigin o.

Yaya 7:19

Ala wone yugu nogo at Muta nen liiru mbanggiragagerak nogo lek a? Mbanggiragagerak aret kwe, wone eebe nogo kit abok aret eeka'lek logonet, nonggop nduk an nooriyak nduk eeko ogotik?”

Nappiigak 11:23

At Mbaranabat nogo iniki kwi'ndak me, iniki abet mbake logonet, yungguppegak eeke logolik Aberiniki inikime mondok liinik wonage me, nappereegwaarak. Nappereegwaarak nage nagagerik, at Ala iniki kunik en eeppiige nogo enegen kage nagagerik, iniki ale'nggen ambik a'nuk, “Kit kiniki mondok nu'lek logonet, ninogoba Yetut oba panggombunuk logonip o,” yinuk, inaruk wake nagagerak. Inaruk wake inom wonage me, ambi nabek unggwagak mban eeko logonet, Ala apuri ambik aret ogogwaarak.

Nappiigak 17:34

Wungge mbareegi, at o Areyopagut wone amburu mbangga mendek ambi Ndiyonitiyut inom, kwe endage Ndamarit inom, it ando inom, Pawulut inom lambunggo nogogwaarik, abet mbareegwaarak.

Nappiigak 23:21

yokkiri wogwe iinok, koneniyak abu lek o. It Yakuri mendek ineebe 40 ando inom nen, At Pawulut waka'lek kagak, mbi inom, yi inom, nit noorak mondok lek o, yinuk, Ala endage kumbunuk, kumbuk mbambunuk enaarak logonet, kat ari keyo mban inaruk agaarik o,” yoreegerak.

Oroma 12:9

Kiniki laakot logonet, kiniki kunik aganako logogup o. Ata, inabuwa nen kiniki kunik aganako logonip o. Yi maluk ndi maluk eekwi ti, kineebi mbako logonet, obeelom eeriyak kenok mban kinikilom mbako logonip o.

Pelaareegerak 33:4

Eeko logorak wone yugu an Muta yo'nereegindak It Yakup apuri kuwak eerak unde eekkologogwaarak nogo liippugwi, Eeko logowak o.

Pelaareegerak 5:1

Muta nen aakumi Iterali mendek abok aret wiiragagerak kuwak ari wogo mbareegwa, yorage logonet, “Kit nowe-nawot Iterali mendek yi wae. Wone lengganak inom, eeko logorak wone inom, o yogondak kinaruk paga pinagage yi, kit nen liirogon mamunggologwe, kinikime liirogon woppunuk eerit nogwe, eeko logomunggup nduk, yokkirage me, kit kinaruk liirogon aret konenggo logonip o.

Pelaareegerak 5:32

Togop me, at Aliku kinogoba Ala nen wone lengganogo yokkiragagerak ti, mugurok nogo logonet kina agigan ogwe, ogugan ogwe, eeka'lek wone ti abok aret liirogon eeko logomunggup o.