Nekemiya 10:28 - Ala Wone Peenok Peebi Mbanak

²⁸ ndi, it aap ando Ala unde inom, aap Lewi mendek inom, tu unggwogo menggam arum menggaarak inom, ndawi tiyangga inom, Ala awi wurik me eeko menggaarak inom, eeko logorak Ala wone yereegerak liiru mbanak nogo eeko logowak nduk, it aakumi inaagan-ambokan wonogwe nogo inom ogookko'nok ninom ogogurak inakuwi-inogonggelomini inom, inapuri wologwe-komologwe inom, it wone op woorak kenok

Nekemiya 10:28 ပူးပေါင်းရင်းမြစ်များ

Etara 2:70

Ndi, it aap Ala unde inom, aap Lewi mendek inom, aap ndawi tiyangga inom, tungga'nggi arum menggaarak inom, aap Ala awi wurik me yabu eeko menggaarak inom, aakumi ando we ugun mendek inom, wogo nogogwaarik, inawi kota-kota lombok ye mbanggo'net nogwe iigak, it aakumi Iterali ando nogo inawi kota-kota wonogogwam inalitik-inalitak arit nanuk, ye mbambatinuk, wonogogwaarak.

Etara 6:21

Lako nogogwaarik, it aakumi wogoren piya nagagerak wogogwaarak nogo abok aret nunggwi me, it yi aakumi ndi aakumi piya wagagerak wonogwe nogo nen inoreewi maluk eekwi nogo mbo piinok, “Nit togon Iterali inogoba Ala mugurok nogo logowok o,” yinuk, yereegwaarak nogo inom aret nunggugwaarak.

Nekemiya 10:27

Maluk, Karim, Mbaana, nogo inom,

Nekemiya 13:3

it aakumi nen wone yugu liiru mbanak nogo konenggo nogogwaarik, it Iterali mendek lek alik mendek ndarak kenok, leenogo wumbiyareegwaarak.

Nekemiya 8:2

Yogo mbareegwa, tut 7 penenak tanggal 1 paga it kuwak ari wogogwaarak aap inom, kumi inom, it wone op woorak abok aret inom, inigen iigak, aap Ala unde Etara nen eeko logorak wone yugu liiru mbanak nogo wonok wage nagagerik,

Ndawi 47:7

Ala ti, it aakumi o nggween paga wonogwe abok aret Inowe endagembogut at aret wonage me, At anep pugu ndawi waruwok o.

Wone Alom Kibingga 5:2

Iniki koonit mban nogo nagaatik, inabi aret kogo mengga kwak, wone ambik agan nage paga, “Aap yi, wi nen aret ari,” mbake, Ala mbogut paga wonage, ndi, kat nggween paga wonage, eekwi me, kat koone perak togon ari, Ala enggaanom paga kiniki liippega'lek mbet-mbet yoge, Eeriyak mage o. Ata, koone, “Yene,” mbakak yungguppegak yoge logot o.

Yeremiya 4:2

Ndi, Nit a'me nggelok mban eeppiinet nugwi, Obeelom mban eerit nugwi, Pilit lek abet aret eeko logogun o, yinuk, Neenik Minggirak Naliku ALA nendage kunogo kumbuk mbanggwi, Eekwi iinok, It aakumi inanebunu lombok nen, It eekwi ti, nit togop aret eeko logowok o, yinuk, Nale'nggen-kale'nggen yogo logonet, nendage tiyappanogo logogun o,” yinuk, yegerak me yokkiragi o.

Ala Unde 20:24

Yi aakumi ndi aakumi iigak, Naliku inogoba Ala an nen it inalik mban napuri logowak nduk, leenogo piyareegirak me, it aakumi ti, inanggween abu obeelom yilak amburu inom, nggiin amburu inom, niyo eneeri negen kila-kila wungge menggi kwak wonage nogo, Kit unde logomunggup nduk, wokkiraagin, yoragagirak nogo aret wogoraagin o.

Oroma 1:1

At Ala nen an Pawulut Keritut Yetut ayeloman nogo, nappiigak mendek logokit nduk, yonggo panege, at oone obeelom wone yoranet nege logokit nduk, leenogo panege, eereegerak me, an wone ambi yokkira o.