Nekemiya 1:6 - Ala Wone Peenok Peebi Mbanak

^6-7 an kayeloman yi, ko'lu-kii'me kayeloman mini Iterali inake kenggaanom paga tamban eeke yi, karuk liirogon konengge, kenegen pe'niige, eeke logot o. It Iterali mendek inom, an inom, nowe-nawot inom, apit aret kat kenegen keegak maluk mban eeko logonet, wone, Yogop ee'nu ndogop ee'nu, yereegindak inom, wone lengganak inom, eeko logorak wone inom, kayeloman Muta yoreegindak nogo liirogon eerulik taganogo mbo pogoorak ti, maluk lombok aret eekoorak me, paganogo yokkigi o.

Nekemiya 1:6 ပူးပေါင်းရင်းမြစ်များ

1 Endagembogut 8:30

An kayeloman nggino yokkege, ndi, kapuri aakumi Iterali ina o wurik me yime na'nari wa'nuk, tamban eekwi, eekwi niinok, kat menggenom mbogut paga wonage logonet, karuk konenu o. Ndi, konengge logomenggendik, ninomaluk lek eerogo pinanumunggun o.

1 Endagembogut 8:47

keele maarak wonogo logonet, Nit abu maluk lombok eekoorak o, mba'nuk, iniki yungguk togon inomaluk mbo punuk, o keele maarogo piya namenggam nogome nen kat yokkogo logonet, Ninogoba o. Nit maluk lombok eekwi, ninobaabut maluk lombok logonet, ninggin-nanggin eekwi, eekoorak o, yinuk,

2 Mbinineegwaarak 28:10

Ndi, it kumi-aap Yekura mendek inom, Yerutalem mendek inom, o yogondak kinayeloman eerogo piyoorak mba'nuk, wogoren wogwe yi, At Aliku ninogoba Ala maluk eeppugwi lek nit op aret eeppiigwi, mba'nuk, wogoren wogo ogotik ya?

2 Mbinineegwaarak 29:6

Nit ninombomini nen Aliku ninogoba Ala liirogon mugurok nogo logolik mbo punuk, at enegen kagak maluk mban eerit nogo logonet, Aliku ALA wonage menggim nen ina nomok yogwe, Aliku ALA inambokan mbo pugwi,

2 Mbinineegwaarak 6:40

Togop aret me, nogoba Ala wae. Nit o yime logonet, tamban eekwi niinok, kenegen pe'niige, karuk liirogon konengge, eeke logot o.

Etara 10:1

At Etara nogo Ala awi wurik enaame taati ena wanduk yagak eeke logonet, tamban eeke, omaluk pagangge, le ari, eeke me, it Iterali mendek ambik lombok aago kumi-aap inom, wologwe-komologwe inom, at owagam kuwak ari wogo nogogwaarik, togop aret inoone nggwok paga leenggu maareegwaarak.

Etara 10:11

o yogondak aret kinombomini inogoba Aliku Ala enggaanom paga kinomaluk paganggo logomonggotik, Ala eeriyak iniki mbake nogo, Aret eeruwok o, yinuk, it yi aakumi ndi aakumi kinaagan-kinambokan wonogwe nogo kinom ogookkologwe, ndi, kumi alik mendek wogonakotak nogo ponggonogo wumbiigwi, ee'nip o.”

Nekemiya 1:11

nogoba wae. An kayeloman tamban eeke yi inom, it kayeloman mini iniki nen kayuk wuko logonet, tamban eekwi ti inom, karuk liirogon konenu o. Ndi, konengge logomenggendik, o yogondak aret an aap ti, yori unggwage neegak, E o, yuwak nduk, an kayeloman yi, nabuwa mbaru o,” yinuk, tamban eereegirak. An ti, aap endagembogut ake agi toolak wonok nega aret wonagagirak.

Ndawi 102:17

It kapuri tebenak logonet tamban eekwi nogo, Kena koonogo nagiige, It nggino yokkugwi nogo, Kat nen meek inombaka'lek karuk konengge, Eeke logomunggun o.

Ndawi 106:6

Ninombomini maluk eeko nogogwa kwak, nit maluk eekwi, Nit kat koone tagambunuk maluk lombok eerit nugwi, Eeko nogogurak o.

Ndawi 130:2

Ala wae. Noone yokkege yi, karuk konengge, Yeenggwa nenok nduk nabuwa warak nggo-nggo logonet, Nggino yokkege yi, liippanege, Eeru o.

Ndawi 32:5

Togop aret ee'nakerak me Maluk eekirak nogo yokkege, Nomaluk kiraappunuk wonaga'lek kin paga pege, “An nen Kaliku ALA koone tagambunuk, Maluk eekirak nogo paganogo yokkirikit o,” Yinuk, paganogo yokkege, Eeke mbaki, Kat nen nomaluk lek eerogo panggendak o.

Ndawi 34:15

Aap iniki abe koonak menggaarak nogo Aliku ALA enegen wogoren nege, Iniki puru yogo logonet yogwi iinok, at aruk liirogon konengge, Eeke menggerak kwe,

Ndawi 55:17

Kubondendok inom, liingge inom, oonikiya inom, “Ee'naburak,” neebi mbake nogo Noone nggwok paga at yoge neenok, aruk konengge, Eeppunuk,

Ndawi 88:1

Nagap ndaka Kaliku ALA yi wae. Yeenggwa nirenok nduk, liingge-oonikiya kulinik aret noone nggwok paga yokkege agarik o.

Yetaya 6:5

Kage nagarik, an nen ari logonet, “Nambe paga maluk mban ari, ndi, an aakumi inambe paga maluk mban yogwe nogo inenggela'me wonage, eeke logonet, at Omaawi Lombok Menggerak endagembogut Aliku ALA nenegen abe nen kagarak paga kambigin aret me, nabuwa o!”

Leendawi 5:7

Nit ninogobamini nen maluk eeko nogogwaarak nogo ineebe lek ogogwaarak iigak, It inomaluk onggo inoba piyoorak nogo nit aret ninoba agagerak o.

Ndaniyen 9:15

Togop me, ninogoba Ala wae. O Metit nen keenggi omaawi paga kapuri nit wo'niren wundi wagagindak o. Ndi, ti eereegindak paga kendage wigak yereegerak me, yogondak awo wigannarit nage kagak kwe, nit maluk eerit wundi wogwe, koone yugu taganogo mbo pugwi, eereegurak o.

Ndaniyen 9:20

An tamban eeke logonet, Ala yoge, nomaluk pagangge, it an mendek aakumi Iterali maluk eeko nogogwaarak nogo paganogo yoge, eeke nagagirik, at abuut abu alik leenak menggim obeelom eeruwak nduk, Aliku ninogoba Ala nggino yoreegirak o.

Ndaniyen 9:4

Tamban eeke logonet, nogoba Aliku Ala yoge, nomaluk pagangge, eereegirak nogo yi aret. “Nogoba wae. Kat abu tiyanak kayuk warak aret o. It aakumi iniki kunik eekkakwi, koone yugu liirogon porogo logonet eekwi, eekwi iinok, inabuwa mbake logonet, kinom wone koonogo pege nogo mbeyok ariilik a'me nggelok mban eeppiige menggendak, kat Ala aret o.

Ndaniyen 9:5

Nit maluk aret eekwi, koone taganogo pugwi, eekoorak o. Nit abu maluk aret eekwi, Koone ari eeriyak nineebi o, yogwe, eeko logonet, wone, Yogop ee'nu ndogop ee'nu, yo'niragagindak inom, wone lengganogo yo'niragagindak inom, taganogo mbo pogoorak o.

Ndaniyen 9:8

Kaliku ninogoba ALA wae. Nit kat kendage abet aret maluk eerogo pogoorak me, nit inom, ninoweewi inendagembogut inom, ninoweewi nagawan-nagawan inom, ninogobamini inom, ninenggali mbakak nugu ogoorik o.

Lukat 18:7

Togop ndak-ndak Ala nen at apuri miirinabeegerak nogo inoone ko'lu-kii'me at yogwi iinok, inowak loonogo inawone abe amburu mbanigin lek mbakop? Logonuk negen inawone mbaniyak mbakop?

Lukat 2:37

ti'nuk, togwe kagak tahun 84 eereegerak me, abu kweegelo aret agagerak. Ala awi wurik me nen wundi naga'lek mondok time aret liingge-oonikiya Ala ake eeke logonet, mbi nengga'lek ambe mage negen eeppunuk, tamban mban eeke nagagerak.

Epetut 2:3

It Ala wone taganogo punuk, maluk eeko nogogwaarak paga Ala anini inoba piyoorak wonogogwaarak nogo ndak-ndak, nit kunduk, togop aret niniki maan mendek nen yo'nirage kagak niniki nengge kenok mugurok nogwe, maluk eeriyak ee'ninake kenok eerit nogwe, maluk eeriyak mban koonit nugwi, eeko nogogurak paga Ala anini mondok ninoba pinaniyak aret wonogogurak kwe,

1 Timotiyut 5:5

Kwe ambi togwe aret kwe, aagalogwe nen yeenggwaaga'lek kenok, “Ala nen yeenggwaanege logowak o,” yinuk, iniki Ala paga lunik logonet, ko'lu-kii'me Ala nggino yoge, tamban eeke, eeke menggerak kenok, kwe ti, abe togwe aret o.

2 Timotiyut 1:3

An ko'lu-kii'me tamban eeke minggirak me, eeke logonet, kat koba aberak wonage me, “Nogoba Ala wa,” yinuk, yoge minggirak. An nombomini maluk abeka'lek logonet iniki abe paga Ala ake eeko nogogwaarak nogo kokwak, an ndak-ndak aret eeke minggirak o.

1 Yaya 1:9

Ndi, ninomaluk abet aret paganggwi niinok perak, at Ala yegetak mbeyok ariilik, a'me liirogon mban eeke menggerak me, nit obeelom eeka'lek maluk eerit nugwi nogo lek eerogo pege, ndi, maluk ninikime wonage nogo koo'ninake, eeke logogin o.

1 Tamuwen 15:11

“At Tawun nogo, Yogop eeke logot o, yogirak nogo, eeka'lek an mbo paninuk, alik eekerak paga, At endagembogut logorak nanonduk mippigirak o? yinuk, niniki wakkolage agarik o.” Yoge mbareegi, at Tamuwen nogo iniki puru ari logonet, oonikiya oone nggwok paga Aliku ALA yoge kagak, o aret weereegerak.