Nekemiya 1:4 - Ala Wone Peenok Peebi Mbanak

⁴ Yo'nogo mbareegwa, naruk konengge nagagirik, kwi'na'nuk, le ari logonet, neetik-neetak mbi nengga'lek nambe mage negen a'nuk, niniki wakko'net unggwage, tamban eeke, eeke nagagirik, at mbogut paga menggerak Ala nogo yoge logonet,

Nekemiya 1:4 ပူးပေါင်းရင်းမြစ်များ

2 Tamuwen 12:16

Eeppege mbareegi, at Ndawut nogo wulaga ti paga, mbi niyo nengga'lek kagak, oonikiya age kenok, ame unggunuk, nggween paga windak mban logonet, Ala yoge nagagerak.

2 Mbinineegwaarak 6:13

At Talomo nogo nen mbuti tembaga paga eyo irip nggorek metet mbere eeppunuk, ambi oolo wakkagak ndoongge, ambe wiganak ti, ndak-ndak metet mbere eeppunuk, ambi oolo wakkagak ndoongge, ndi, irip agi tiyarogon metet ambiret eeppunuk, ambi oolo wakkagak ndoongge, eereegerak nogo, Ala awi wurik oore'nggam oolo pereegim nogome punuk, eyo ti paga lagangge nagagerik, Iterali wonogwe abok aret inenggaanom paga endobanggun yindumbunuk, eenggi mbogut paga nippege nagagerik,

Etara 1:2

“Kit Peritiya mendek an kinowe nendagembogut nen wone ambi yokkira o. At mbogut paga menggerak Aliku ALA nogo nen yi aakumi ndi aakumi inabu'me piigo menggam o nggween paga yime abok aret unde eeppanege, ndi, o Yekura kota Yerutalem time at ake awi wurikit nduk, mippanege, eereegerak me,

Etara 10:1

At Etara nogo Ala awi wurik enaame taati ena wanduk yagak eeke logonet, tamban eeke, omaluk pagangge, le ari, eeke me, it Iterali mendek ambik lombok aago kumi-aap inom, wologwe-komologwe inom, at owagam kuwak ari wogo nogogwaarik, togop aret inoone nggwok paga leenggu maareegwaarak.

Etara 9:3

Yo'nugwi nogo naruk konengge nagagirik, nayum nggorek inom, nayum neebe paga yirik inom, nibik-nobak eerogo pake, neeri-namboro wiirogo pake, eeke nagagirik, nomanggen tayok yinuk, kwi'nagagirak.

Etara 9:5

Ari nage mbareegi, niniki wakkolagagirak nogo lek eerogo punuk, nayum nggorek inom, nayum neebe paga yirik inom, nibinogo pateegirak nogo kagak aret nendobanggun yindumbunuk, neenggi Aliku nogoba Ala titik ege logonet,

Nekemiya 2:20

Yo'nirogo mbareegwa, an nen it yorage logonet, “Nit Ala ayeloman mini aret me, o yi wuruwok nduk, eekwi niigak, at mbogut paga menggerak Ala nen yeenggwa niraagin aret o. Yeenggwa niraagin kwe, kit o Yerutalem yime unde wonogwe, kinendage ambi yogwe, Kinaworak o, yogwe, eekwi lek aret me, kit kinobaalombok nen kooniyak ambi lek aret mbako logonip o,” yinuk, yoragagirak.

Nekemiya 2:4

Yoge mbareegi, at endagembogut nogo nen an yo'nege logonet, “Togop kenok, kat nen an nano eeppagarak uugwe mbaken?” Yo'nege mbareegi, an ninikime nen at mbogut paga menggerak Ala endage kunogo

Ndawi 102:15

Kaliku ALA nen o Tiyon obaane'me wurogo pege, Kat kabinak pindan-pindan aago logonet wage, Eeke keenok, Yi aakumi ndi aakumi abok aret Kaliku ALA kendage kumbunuk, inagabiti mbakwi, It aap inendagembogut nggween paga wonogwe nogo Abok nen kendage abu tiyanak keenok kayuk wukwi, Eeko logogun o.

Ndawi 136:26

At mbogut paga lombok menggerak Ala nogo “Wa,” yogo logonip o. & Ninabuwa mbake ti, itok kunik wonage o.

Ndawi 137:1

Nit niyo Mbaben aa'nggi paga time kwi'na'nuk, O Tiyon nonggop wonage nogo Oba abeppunuk le nggwok yogwe,

Ndaniyen 10:2

Nabi kage nagagirik, ne ti eyom paga an Ndaniyen nayum maluk mendek yippunuk, niniki puru aago kagak tamban kenagan eereegirak.

Ndaniyen 2:18

Yorage nagagerik, “It aap yi wone ndi wone alom ineenu nogo inooko logonet, nit ninom ninoorukwak, at o mbogut unde menggerak Ala nen ninabuwa mba'nuk wone nobarak ti, kin paga yo'niraawak nduk, tamban eeruwok o,” yinuk, yoragagerak.

Ndaniyen 9:3

Kage nagagirik, mbi nengga'lek nambe mage negen logonet, nayum maluk mendek yikkolage, nenggaawak paga purok yikut eekkolage, eeppunuk, nena koonogo nogoba Ala pekkage logonet, tamban eeke, nggino yoge, eereegirak.

Yunut 1:9

Yogo mbareegwa, it yorage logonet, “An aap Iberani mendek aret me, niyo nggwok yenggenak laut inom, nggween inom, wakkagagerak mbogut unde menggerak Aliku Ala ayuk wuke minggirak an aret o,” yinuk, yoragagerak.

Tepaniya 3:18

Aliku ALA nen ari logonet, “O kota Yerusalem aagalogwe inale'nggen nen laago lako logorak koonak nogo laka'lek kenok iniki aaninggin wonogwe, Eeka'lek kenok, aakumi nen meek eerogo piigwi iinok, inenggali mbakak nugwi, Eekwi nogo An nen lek eerogo pigin o.

Oroma 12:15

Ale'nggen yogwe iinok, kinom ale'nggen yogwe, it le yogwe iinok, kinom aret le yogwe, eeko logonip o.