Nekemiya 1:3 - Ala Wone Peenok Peebi Mbanak

³ Kin wogonake mbareegi, it nen an yo'nogo logonet, “Lek o. It aakumi wogoren piya wagagerak yime nen o Yerutalem nogogwaarak wonogwe nogo, aaninggin-paaninggin inoba kwi'nagaarak wonogwe, inenggali mbakak nugwi, eeko agaarik o. Ndi, o Yerutalem ti, yugum pak wurik yinik-minik eerogo pugwi, tu unggwogo menggam pak ambe mbanak nogo kani mbelanogo pugwi, eerogo pereegwaarak wonage o,” yinuk, yo'nereegwaarak.

Nekemiya 1:3 ပူးပေါင်းရင်းမြစ်များ

1 Endagembogut 9:7

it aap Iterali inanggween wogoragagim nogome nen kineebe lek eerogo wumbinagage, ndi, an nendage ki logorak nawi wurik leenogo pakirak yi, lek eerogo mbo pege, eerigin o. Ti eeriminggirak paga yi aakumi ndi aakumi abok aret nen it Iterali in wakkagak yogwe, inagi'ndok kanggwi, eeko logogun o.

2 Endagembogut 25:10

it aap Mbaben mendek ineegin warak aago abok aret at inom o Yerutalem pak wurik langgunogo pit nogogwaarak.

2 Mbinineegwaarak 36:19

Ala awi wurik kani pege, o Yerutalem yendok-wandok yugum pak wurik nogo, langgunogo pit nage, aap yo'nggok inawi o nggwok abe wurik me, yi mendek ndi mendek abe wonage nogo inom kani pege, eereegerak.

Etara 2:1

Aap o Mbaben mendek inowe endagembogut Nebukanetat nogo o Yekura nen it aakumi keele maageren o Mbaben mbo piya nagagerak iniyokan o kota Yerutalem inom, o Yekura inom, inawi kota-kota lombok wogogwaarak ineebe

Etara 5:8

Nit o Yekura paga wogo nogoorik, at mondok iya menggerak Ala awi wukwi iigoorak nogo kat ninowe kendagembogut keenu arenok nduk, yokkiruwi o. Yugum yo'nggok paga mban wukwi, eyo nggaganak paga kobat nabenggwi, eeko logonet, it iniki ambit eeppunuk, mondok abe li'lak wukwi iigoorak o.

Nekemiya 11:3

It aakumi Iterali we ugun mendek inom, aap Ala unde inom, aap Lewi mendek inom, Ala awi wurik me yabu eeko menggaarak inom, at Talomo ayeloman mini paga wiganak mendek inom, o Yekura it inanggween paga inawi kota-kota lombok wonogwe iigak, it inanebunu Yekura mendek inom, inanebunu Mbeniyamin mendek inom, it aakumi inarum menggaarak inoweewi o Yerutalem inom wonogogwaarak inendage yi o. At Yekura anebunu mendek ti, Aap Peret paga wiganak Makalalen nen Tepata ndake, Tepata nen Amariya ndake, Amariya nen Takariya ndake, Takariya nen Utiya ndake, Ndi, Utiya nen Ataya ndake, eereegwaarak me, aap Ataya inom,

Nekemiya 2:13

O Yerutalem pak wurik yinik-minik eerogo pugwi, pak ambe mbanak kani mbelanogo pugwi, eerak nogo oonikiya ti paga aret maloppit nage logonet, tu unggwogo menggam endage, Kobappaga, ti paga wundi nanuk, niyo endage, Waalo Eneerime nogo menggam nawok nduk, tu unggwogo menggam endage, Inambeebuk Pogo Menggam ari nanuk, nugwa,

Nekemiya 2:17

Ineenggo'lek aret wonogwe me, an nen it yorage logonet, “Aaninggin-paaninggin ninoba kwi'nagaarak yi, kinigen kaanip o. O Yerutalem yinik-minik eerogo pugwi, pak ambe mbanak abok aret kani mbelanogo pugwi, eereegwaarak me, nit ninenggali mbakak logukwak, o Yerutalem pak obaane'me wuruwok o.”

Nekemiya 2:3

Nagabiti mbake nagagirik, aap endagembogut yoge logonet, “Kendage mondok-mondok ki aret logogin o. An nombomini inowak paga inawi kota nogo yinik-minik aago wonage, ndi, pak ambe mbanak tungga kani nen abok aret nengge, eekerak kagak, an nonggop togon nenete ogum lek eya logorak mbaken?”

Nekemiya 7:6

It aakumi Yekura mendek maan aap Mbaben inowe endagembogut Nebukanetat nen keele maageren o Mbaben piya nagagerak time wonogogwaarik, iniyokan wogogwaarak nogo ti, it aap Terubaben, Yetuwa, Nekemiya, Atariya, Araamiya, Nakamani, Morekayi, Mbilatan, Miteperet, Mbigawayi, Nekum, Mbaana aret. It ti wogwe me, inom wogo nogogwaarik, inawi wonogogwam lombok kota Yerutalem inom, o Yekura inom, arit wogogwaarak inendage liiru mbanak nogo yi aret. It aakumi Iterali mendek ndarak ndegek lombok wogogwaarak nogo, ineebe lambunik inendage liiru mbanak yi aret.

Etet 1:1

Aap endagembogut Akatiwerot nogo o Indiya nen nok, Etiyopiya kuli o nggwok 127 nenaarogo pit nagagerak unde logonet, wone lengganogo yorage kagak, wone agagerak nogo yi aret.

Ndawi 79:4

Togop aago wonogwe iinok, Aakumi ninom korotok wonogwe nen ninagi'ndok kanggwi, Ninaagan-ambokan menggaarak nen, “Op eeppiiga,” yinuk, Miyuk-meya eerogo pinanugwi, Eeko agaarik o.

Kini Wuppiige 25:28

Aap ambi iniki nengge nogo tebenogo pegak eekeelik ti, O kota yugum yagat wurik ndengga-ndengga wangge menggi kwak aret wonage menggerak.

Yetaya 43:28

Inoweewi nawi wurik me eeko menggaarak nogo inendage maluk eerogo piige, It Yakup mendek inenggaawak lek eerogo piyaawak nduk, koonogo pege, Ndi, it Iterali mendek meek eerogo piyaawak nduk, eeppiige, Eerigin o,” yinuk, yegerak me, yokkiragi o.

Yetaya 5:5

Neyabu anggur yarak eeriyak nogo ti, yora o. Neyabu anggur yarak eyagat wurik nogo minogo pege neenok, lek eerogo nunggwi, Yugum yagat wurik langgunogo pege neenok, nggwiya unggunuk, iniyok aan lebenogo pit nogwe, Eerugun o.

Yeremiya 24:9

An nen it mak eerogo piyaminggirak yi aakumi ndi aakumi inabu'me piigo menggam o nggween paga wonogwe abok aret inenggela'me time nugwi iinok, Inogole o, yogwe, inoba laarogo yogwe, it eekwi in wakkagak yogwe, meek eerogo piigwi, inagi'ndok kanggwi, pulunogo piigwi, eeko logowak nduk, eerogo piyaagin o.

Yeremiya 29:18

It inom wim mbanak nen inookwi, mbi abu nen kanggwi, kugilingga inoba a'nuk kanggwi, eeruwak nduk, eeppiinet nage neenok, it aakumi inabu'me piinok o nggween paga wonogwe yi abok aret nen, Inogole o, yinuk, yogwe, it aakumi inanebunu lombok inenggela'me mak eerogo piyaminggirak nogo nen pulunogo piigwi, Yi aago nugwi yi, iya, yinuk, yogwe, inagi'ndok kanggwi, miyuk-meya eerogo piigwi, eeko logowak nduk, eerogo piyaagin,” yegerak o.

Yeremiya 39:8

It aap Mbaben mendek nen aap endagembogut awi o nggwok abe wurik nogo kani pugwi, it aakumi inawi wurik kani mbelanogo pit nogwe, yugum pak Yerutalem wurik langgu-langgu eerogo wuppit nogwe, eereegwaarak.

Yeremiya 42:18

At Omaawi Lombok Menggerak Iterali inogoba Aliku Ala nen yegerak nogo yi aret. It Yerutalem wonogogwaarak nogo nanini inom, niniki aagi inom, inoba piyareegi kwak, it o Metit namenggaarak wonogwe iigak, nanini inoba piyaagin o. Inoba piige neenok, Aakumi pulunik aret, yogwe, inamineeri ne agan nage iigwi, inendage kumbunuk pulunogo piigwi, meek eerogo piigwi, eeko logogun me, inanggween yi, inigen ambinom kaagun mondok lek,” yegerak me, yokkiragi o.

Yeremiya 5:10

It inawim nogo nen napuri ineyabu anggur yarak me lagi nogo logomenggaarik, Maluk eerogo pit noorak op aret kwe, abu lek eerogo pugwaarik o. It aakumi yi, Naliku an ALA napuri lek negen iigirak me, Eno'mbak mbanogo mbo nappit nogo mengga kwak it togop aret eeppiinet nogo logowak o.

Yeremiya 52:14

it aap Mbaben mendek ineegin warak aago abok aret at inom o Yerutalem pak wurik langgunogo pit nogogwaarak.

Leendawi 1:7

O kota Yerutalem nogo aaninggin-paaninggin oba kwi'nage, andi nen yagan wake, eeke ti eyom paga O maan aa'nduk amendek obeelom mban iniki kundugu wonagagerak nogo iniki abe'nage menggerak o. Aagalogwe awim ineenggime agagerak me, it ambi nen at yeenggwaaga'lek aret wonogogwaarak o. At yigirik-noonom eerak awim nen inigen kenok, agi'ndok kanggo nogogwaarak.

Leendawi 2:9

O Tiyon tu unggwi wogo menggam taannage, Tungga nappegak-wappegak eerak inom, wa'mbit narak inom, maluk age, Eereegerak. At owe endagembogut inom, oweewi nagawan-nagawan inom, yi aakumi ndi aakumi inenggela'me mbo piya nagagerak wonogwe, Aliku ALA nen, “Yogop eeriyak,” yoraga'lek aret wonage, Ndi, Ala yorage kagak yoraga kunduk, Aliku ALA nen inabinggaanggo paga yorage nogo wagangga'lek aret wonogwe, Eeko agaarik o.

Leendawi 3:61

Kaliku ALA wae. It an ninom ogoorak nen an miyuk-meya eerogo panugwi nogo karuk konengge, Iniki ambit eeppunuk, inoone yagap wone paga an eeppaniyak o kubondendok nen nok, oonikiya ari nage kagak koonogo pugwi nogo keenu age, Eereegindak o.

Leendawi 5:1

Kaliku ALA wae. Nit ninoba agagerak nogo abe'ninake, Nit tebenogo pinaneegwaarak ninendage lek agagerak nogo kenegen pe'niige, liippinanege, Eeru o.

Ala Unde 26:31

Inawi kota abe ti, yinik-minik eerogo pege, inagugi alut eeko logowam yigirik-noonom eerogo pege, obari abe kenok niniki ale'nggen kaakit nduk nake warogo pugwi nogo kunduk wagangga'lek mbo pege, eeke neenok,

Ala Unde 26:33

Inom wim mbanak nen aakumi Iterali iname nen mugogo wumbiinok, muguren inoorit nogwe iinok, yi aakumi ndi aakumi inanebunu alitak lombok inenggela'me ma'narit nawak nduk, inom wim mbanak yonggo piyaminggirak eeppiya wogwe iinok, Iterali inawi kota abe wurik ti lek age, ndi, inanggween nogo ti, we o wogo wonage, eeke logogin o.