Nekemiya 1:11 - Ala Wone Peenok Peebi Mbanak

¹¹ nogoba wae. An kayeloman tamban eeke yi inom, it kayeloman mini iniki nen kayuk wuko logonet, tamban eekwi ti inom, karuk liirogon konenu o. Ndi, konengge logomenggendik, o yogondak aret an aap ti, yori unggwage neegak, E o, yuwak nduk, an kayeloman yi, nabuwa mbaru o,” yinuk, tamban eereegirak. An ti, aap endagembogut ake agi toolak wonok nega aret wonagagirak.

Nekemiya 1:11 ပူးပေါင်းရင်းမြစ်များ

Wakkagagerak 24:42

Wage nagarik, yogondak an niyo tooko menggam taati ari wa'nuk, tamban eeke logonet, Kaliku nogoba Abarakam ogoba Ala wa. An eerikit nduk, wagarak nogo, ndak-ndak eeppaniyak mbakendak kenok, ti aret eeppanu o, nogoba.

Wakkagagerak 32:11

Kat nen an yo'nege logonet, An obeelom eeppagage, kat mendek wigannarugun nogo ti, mbini-kale'ngga niyo aa'nggi paga aakumi ineenggi lingginiyak meek nogo ndak-ndak wokkege, eerigin o, yo'nereegindak nogo kwe, an noweeluk Etawu awuri inom aago wage logomenggerik, an inom, nakuwi inaagalogwe inom, ninoori wage kero, nagabiti ee'nake me, at eenggime nen nagap ndarenok nduk, yokkigi o, nogoba,” yinuk, tamban eereegerak.

Wakkagagerak 32:28

Yoge mbareegi, at aap nogo nen, Yakup yoge, “Ala inom, aakumi inom, kinom wuk eekkolage logonet, yambunogo piige menggendak me, kat kendage aa'nduk nen Yakup aret kwe, yogondak nen perak, Iterali aret yokkogo logogun o.”

Wakkagagerak 40:1

Ti abok aret eeko mbareegwa, peebi aap mbere, ambi ti, anggur amburu tooka inowe, ndi, ambi oroti woraka inowe, imbirak nen aap inogoba endagembogut Metit mendek enggaanom paga maluk eeko mbareegwa,

Wakkagagerak 40:2

aap endagembogut Pirawun nogo awuri at ame yabu eeko menggaarak amburu tooka inowe nogo inom, oroti woraka inowe nogo inom, imbirak eereegwaarak paga anini ambik age nagagerik,

Wakkagagerak 40:21

at Yutup inabi kogogwaarak eebe mbininogo yoragagerak nogo ndak-ndak at anggur amburu tooka inowe nogo eyabu aa'nduk eeke nagagerak ndak-ndak niyoowak wonok Pirawun eenggime pi nagak eeke logowak nduk, mippege,

Wakkagagerak 40:23

Eeppiige mbareegi, aap amburu tooka inowe nogo nen Yutup nogo oba abera'lek ami eerogo punuk wonagagerak.

Wakkagagerak 41:9

Yoga'lek aret eeko mbareegwa, at anggur amburu tooka inowe nogo nen at Pirawun nogo yoge logonet, “An maluk eekirak ambi yogondak abe'nagaarak me, yokkiri o.”

Wakkagagerak 43:14

At Omaawi Lombok Menggerak Ala nogo nen aap o Metit unde menggerak ti, iniki yanggonogo pemenggerak paga kit kinabuwa nen Timeyon Mbeniyamin imbirak nappiya woramenggerak kinom aret woraamunggup o. Ndi, an yi perak, napurilogwe lek arit nogwe paga niniki wakkolage logonet, kambuurak kenok ti, op mban aret o.”

2 Mbinineegwaarak 6:40

Togop aret me, nogoba Ala wae. Nit o yime logonet, tamban eekwi niinok, kenegen pe'niige, karuk liirogon konengge, eeke logot o.

Etara 1:1

Aap Koret it aakumi Peritiya mendek inowe endagembogut a'nuk, tahun aa'nduk eerak paga, at Aliku ALA nen at yoge kagak yoraga Yeremiya yoge kagak yoragagerak nogo, a'me nggelok yuwak nduk, aap Peritiya mendek endagembogut Koret nogo nen at wone lengganogo yorage menggim yorage, liiru mbanogo nappit nage, eeke logowak nduk, Aliku ALA nen inikime manabeegerak nogo yi aret.

Etara 7:6

At Etara nogo eeko logorak wone Iterali inogoba Aliku Ala nen wone yoragagerak Muta liiru mbaneegerak nogo at abok li'lak mamuneegerak me, yi wone ndi wone era'nggup-alom abok aret eenu wonagagerak. At Etara nogo Aliku ogoba Ala eenggi omaawi paga nobapporogo wonagagerak me, woraakit nduk, aap endagembogut nggino yoreegerak nogo at nen abok aret wogoreegerak.

Nekemiya 1:6

an kayeloman yi, ko'lu-kii'me kayeloman mini Iterali inake kenggaanom paga tamban eeke yi, karuk liirogon konengge, kenegen pe'niige, eeke logot o. It Iterali mendek inom, an inom, nowe-nawot inom, apit aret kat kenegen keegak maluk mban eeko logonet, wone, Yogop ee'nu ndogop ee'nu, yereegindak inom, wone lengganak inom, eeko logorak wone inom, kayeloman Muta yoreegindak nogo liirogon eerulik taganogo mbo pogoorak ti, maluk lombok aret eekoorak me, paganogo yokkigi o.

Nekemiya 2:1

Aap Aratakata nogo endagembogut wonage kagak, tahun 19 eeppunuk, ambi eerak tut Nitan penenak paga aap endagembogut enggaanom paga niniki puru aago wonageelik kwe, ne ti eyom paga niniki puru aago logonet, at ake anggur amburu pipuk eerak nogo wonok at iri nage mbareegi,

Nekemiya 2:8

ndi, Ala awi wurik wonagagim koorok o kota pak wurik enegen kunik me aap endagembogut awi wurik me unggwage logowam tunggambe mbaniyak ake inom, o kota pak ambe mbaniyak ake inom, an logorak nawi wuriyak ake inom, aap endagembogut unde menggim eyoongga arum menggerak Atap nen eyo wo'niruwak nduk, at ake inom liiru mbanogo wo'nege, eeriyak op nombakendak kenok, eeru o,” yinuk, yoreegirak. Yoge mbareegi, at Ala nabuwa mba'nuk, eenggi nggorek paga nobappanogo wonage kagak yoreegirak me, aap endagembogut yoreegirak nogo liippege nagagerik, liiru mbanogo wo'nereegerak.

Ndawi 106:46

It aakumi keele maarogo piinok wonogwe nogo nen It inabuwa mbaruwak nduk, eeppiige nagagerak.

Ndawi 130:2

Ala wae. Noone yokkege yi, karuk konengge, Yeenggwa nenok nduk nabuwa warak nggo-nggo logonet, Nggino yokkege yi, liippanege, Eeru o.

Ndawi 86:6

Kaliku ALA wae. An tamban eeke yi, karuk konengge, Nabuwa mbarenok nduk, Noone nggwok paga yokkege yi, liippanege, Eeru o.

Kini Wuppiige 1:29

It nogo nen yi wone ndi wone ineenu ariyak nogo ineebi mbakwi, Aliku ALA ayuk wuriyak uugwe mbaka'lek wonogwe,

Kini Wuppiige 21:1

Aap endagembogut iniki nogo ti, Aliku ALA eenggi paga wonage me, “Niyo time aret nage logowak o,” yinuk, koonogo pegetak nage menggi kwak, “Aap endagembogut iniki ndogop koonuwak o,” yinuk, eeppege menggerak.

Yeremiya 42:12

An nen it inabuwa mbake nogo neege kenok, at inabuwa nen inanggween paga logowak nduk, teppiyaagin o, yinuk, yegerak kwe,

Maleyaki 3:16

Yorage nagagerik, it aap Aliku ALA inagabiti mbako nogogwaarak nogo nen it-it wone mbanggo logonet, it nen yogwi iinok, at Aliku ALA liippege, aruk konengge, eereegerak o. It aap Aliku ALA inagabiti mbakwi, at endage tiyappogo logonet ayuk wukwi, eeko nogogwaarak nogo inendage aberak logowak nduk, at Aliku ALA enggaanom paga mbuku pirik-perek aago paga inendage liiru mbanogo pereegwaarak.

Iberani 13:18

Ninake tamban mban eeko logonip o. Nit obeelom eerit nogo logorak mban, “Ao,” mbako monggoorak me, yi eekak ndi eekak eeko logonet, maluk eekoorak ambi ninikime abe'naga'lek kenok, “Obeelom aret eerit nogo monggoorak kogo,” yinuk, mbako ogoorik o.