Nekemiya 1:10 - Ala Wone Peenok Peebi Mbanak

¹⁰ Nit aakumi kat kapuri kayeloman mini yi, kat komaawi nggwok paga inom, keenggi omaawi paga inom, wondet eerogo pinaneegindak me,

Nekemiya 1:10 ပူးပေါင်းရင်းမြစ်များ

Ndawi 136:12

At eenggi omaawi paga eerit nage, Eenggi titik eerogo nappege, eereegerak me, “Wa,” yogo logonip o. Ninabuwa mbake ti, itok kunik wonage o.

Ndawi 74:2

O maan aa'nduk togon it aakumi Kat kapuri lombok logowak nduk leenogo piige, Keyate kwak kat mendek logowak nduk, wondet eerogo piige, Eereegindak nogo abeke, Ndi, kat wonagaginom puut Tiyon nogo abeke, Eeru o.

Ndawi 89:14

Obeelom eeppiinet nage, a'me nggelok eeke, Eeke menggendak nogo Kat wone lengganogo yorage menggenom ti paga panggonak kagak, Aakumi inabuwa nen iniki kunik aganake, Yoraga'ndak li'luk eeppiinet nage, Eeke menggendak kabok nogo Aa'nduk wiganinuk nage kagak ambo'me wage menggendak o.

Wundeegwaarak 13:14

Ndi, peebi ne ambi paga kinapuri nen, Kit eekwi yi, wone eebe ngge nduk eeko ogotik? Yokkirogwe iinok, kit nen yorogo logonet, At Pirawun iniki omaawi logonet nit wundi woraawok nduk, teppinaniyak eebi mbake nagagerik, pippinanogo wonage mbareegi, Aliku ALA nen aakumi Metit mendek inapuri manggu ndarak inom, inaanggumi ndaka'lek me aa'nduk ndarak inom, inooke nagagerik, eenggi omaawi paga o Metit nen wo'niren wundi wagagerak kenok, ninaanggo ndaka'lek iyaalok lombok nda'nogwe iinok, at Aliku ALA ake leenogo pugwi, ndi, ninapuri aap manggu ndarak Aliku ALA wogoriyak ineebi mbakwi iinok, inobaane'me wu aret pugwi, eeko monggoorak o.

Wundeegwaarak 13:16

Yi eekwi nogo ti, at Aliku ALA eenggi omaawi paga o Metit nen wo'niren wundi wagagerak nogo nineenu agak mendek aberak logowok nduk, nineenggi paga inom, ninenggaawak paga inom, ligi negen te'mulunogo pogo ogoorik o, yinuk, yorogo logonu o,” yoragagerak.

Wundeegwaarak 13:3

Yoge mbareegi, at Muta nen it aakumi Iterali yorage, “Kit aakumi Metit mendek inayeloman eerak wonogwe me nen ne yi paga aret Aliku ALA eenggi omaawi paga wokkiren wundi woramenggerak me, ne yi paga ari wage kenok, abeko logonet, laago nggwok aret lako logomunggup o. Lako logonet, oroti piiruwak nduk, pogo menggaarak ragi nogo yi mendek ndi mendek enggela'me punuk, amok mbanogo nonggo logorak mage o.

Wundeegwaarak 13:9

At Aliku ALA eenggi omaawi paga kit o Metit nen wokkiren wundi wagagerak kenok, laago yi lako logorak me, at Aliku ALA nen, eeko logorak wone lengganogo yokkiragagerak kinikime mondok-mondok porogo logorak yereegerak aberak logomunggup nduk, kineenggi paga inom, kinenggaawak paga inom, ligi negen te'mulunik aret logowak o.

Wundeegwaarak 15:13

It inagap ndarogo piigendak nogo, Inabuwa nen obeelom mban eeppiige logonet wogoren nage, Komaawi paga pigiren nggween abu obeelom punogo piyareeginom nogome piya nage, Eerumunggun o.

Wundeegwaarak 32:11

Yoreegerak kwe, at Muta nen at Aliku ogoba Ala iniki yanggoniyak nduk, yoge logonet, “Kaliku nogoba ALA wae. Kat keenggi omaawi paga eerubok mendek eeke logonet, kapuri o Metit nen wogoren wundi wagandak kwe, nonggop nduk kanini inoba eeppiyoorak ari agandik?

Wundeegwaarak 6:1

Yoge nagagerik, Ala nen Muta ambinom yoge logonet, “Naliku ALA an aret o.

Wundeegwaarak 6:6

it an napuri lombok ogwe, ndi, an inogoba Ala aret age, eerigin me, it aakumi Metit mendek inake yabu eeko logowak nduk, inoone omaawi paga yorogwe nogo, ineenggime nen ndinogo wondet eerogo piyaminggirak paga Naliku inogoba Ala an aret ineenu arugun o.

Wundeegwaarak 6:7

An nen Abarakam inom, Itak inom, Yakup inom, nggween wogoroorak abet mbaruwak nduk, nendage kunogo yoragagim nogome napuri piya nage logominggirik, unde logowak nduk wogoraagin o, yinuk, Naliku an ALA nen aret yagi, yegerak, yoret o,” yinuk, yoreegerak.

Yetaya 64:9

Togop me, Kaliku ALA o. Kat kanini aakumi inoba piige menggendak kuli wonage kagak nit mondok nggwok lombok ninoba kwippinanege, Nit maluk eekwi nogo mondok-mondok aberak mban wonage, Eeriyak ti mage o. Nit abok kat kapuri aret me, liippinanege logonok nduk yokkogo o, ninogoba.

Pelaareegerak 15:15

Kit aa'nduk o Metit aakumi inayeloman eeppinagago wonogwe me, Aliku kinogoba Ala nen kit wondet eerogo pinaganuk, wokkiren wundi wagagerak nogo abeko logonip o. Alom ti paga o yogondak an nen wone yi lengganogo yokkirage agarik o.

Pelaareegerak 9:29

It aakumi yi, keenggi omaawi lombok paga eeppiige, keenggi titik eeke kenok eeppiige, eeke logonet, wogoren wundi wagagindak keyate kwak kapuri kiniki kunik yi aret o, nogoba, yinuk, tamban mban eeke neegak, nogo 40 yereegirak nogo o,” yinuk, yoragagerak.