Ndawi Iya 8:6 - Ala Wone Peenok Peebi Mbanak

⁶ Kambuurak eyom panggoni wage kenok, non mbambuurak meek kwak, it aap iniki kunik aganakwi ti, togop aret wonage, Aap kwe alik ambi wagangge kenok, “An neegak, kwe alik wagangge yi, neebi a!” mbake nogo ti, Aap kambunuk nogo menggam nen wundi noorak meek menggi kwak wonage, Imbirak eeriyak aganake nogo ti, kani omoonuk wunuk agan nage menggi kwak, aganake, Eeke menggerak me, Aap ineenggi amburu pugwi kwak, an neebe mban kinikime nabenogo pake, An nanobak mban kobaak paga lumbatinuk wonage, Eeke logot o.

Ndawi Iya 8:6 ပူးပေါင်းရင်းမြစ်များ

1 Mbinineegwaarak 11:18

it aap wakaa'ngget 30 mendek ineebe kenagan nogo, konenggo nogogwaarik, it aap Pilitin mendek inawooliya wuppunuk wonogwe nogo, iigak-iigak o Mbe'lekem tu unggwogo menggam niyo nggween kabunik me nogome niyo toologo waganggo nogogwaarik, wonok Ndawut wogori wogogwaarak kwe, at nen ari logonet, “Nawuri nen, At ake ninamiya wundiyak op aret, mba'nuk, niyo yi, tooli nagaarak me, niyo toolak yi ti, inamiya kwak iya lombok me, an noorak lek o. Ata, Kaliku ALA kake o,” yinuk, at noolik nggween paga kilirogo pereegerak. It aap wim wakaa'ngget 30 mendek inoweewi ineebe kenagan nen eeko nogogwaarak nogo ti, togop aret eeko nogogwaarak o.

Ndawi 120:4

It aap wim wakaa'ngget nen Inomaale andiigwi paga kinookwi, Ndoolu kani kunik paga kinoba kwippinagi wogwe, Eeruwak nduk Yoraagin mbako logonip o.

Ndawi 63:1

Ala wae. 1 Kat an nogoba Ala aret o. Iri'ngga laganggeelik nggween mbuk paga logonet, Niyo abu wen-wen eeginake menggi kwak, Kat keebe lombok keyaakit lak, “Ao,” kombake, An lombok nen nimbirak lambunikit lak, “Ao,” mbake, Eeke logonet, Kwaakkabit nege agarik o.

Ndawi 84:2

Kaliku ALA kawoore'nggam logokit lak, “Ao,” mbake, Niniki mondok nenet unggwage, Ineenik aganaka kat Ala aret me, Nimbirak lambunikit nduk, Niniki inom, neebe inom, uugwe lombok mbarit unggwage, Eeke agarik o.

Wundeegwaarak 28:21

Yugum 12 koonogo pemenggaarak ti paga aap Iterali apuri 12 nogo inendage ambitak mban cap negen eerogo inendage ayo waganogo puwak o.

Kini Wuppiige 25:22

Ti eekwi kiinok, mo kik-kik negen kaawak nduk eeppumonggotak me, Aliku ALA nen onggo kit wokkiraagin o.

Kini Wuppiige 6:34

Aap akwe wuremenggerak nogo nen anini lombok aremenggerak me, “Onggo eeppikit,” mba'nuk, abuwa mbaka'lek logonet, eeppege logogin o.

Ndawi Iya 5:8

O Yerutalem aagalogwe komologwe yi wae. Kit nen at an niniki kunik eeke nogo kogwe kenok, nonggop yorumunggup o? “Lek o! At kiniki kunik nogo nen kimbirak lambuniyak iniki nggilu ari mban kogoorak, yorugun o, Yinuk, kumbuk mbanogo an yo'ninip o.”

Yetaya 49:16

An neenggi ogut paga kenete wakkagak eerogo pigirak yi ket o! Kowa'nagat wurik ti, an aberit nage minggirak o.

Yeremiya 22:24

Aliku ALA nen ari logonet, “It Yekura mendek inowe endagembogut Yoyakim aput Yoyakin nogo ti, Abet yo'nege kagi, mbake logowak nduk, an kanggeelik mondok neenik minggirak nendage kumbatinuk yoge yi aret. An neenggi amburu pega neenggi abe'nggan paga yirik nogo kwak at togop aret wonage menggerak kwe, kagak, eebe nggiginogo

Agayi 2:23

At Omaawi Lombok Menggerak Aliku ALA nen ari logonet, Ne ti eyom paga an Naliku ALA nen at Teyaletiyen aput an nayeloman Terubaben nogo, nobaane'me wone lengganogo yorage logowak nduk, leenogo piminggirak me, amburu cap eekak aap endagembogut eenggi oolo paga yirik menggi kwak, an namberaarenggen negen at eenggi paga yippigin o, yinuk, Nomaawi Lombok Minggirak Naliku an ALA nen aret yagarak me yoru o, yinuk, yegerak me, yokkigi o,” yoreegerak.

Takariya 3:9

Ndi, yugum kere'li-kere'lo eerak Yotuwa owagam pigirak ti, liippuwak o. Yugum ambit ti paga irip-irip obogum kunik 7 aret me, yugum ti paga ayo waganogo pege, ndi, ne ambit paga aret it o yime menggaarak nogo inomaluk lek eerogo pege, eerigin o, yinuk, Nomaawi Lombok Minggirak Naliku an ALA nen aret yagi o.

Linggineegwaarak 25:11

“An neebi nen it aakumi Iterali lek eerogo piyookwak, an mban nayuk warak logokit nduk, naana'le mbanggolage minggi kwak, aap an neebe unde Karun ombooluk Eleyatat apuluk Pinekat ti nen, It aakumi Iterali yi, Aliku ALA alik mban ayuk wuko logowak o, yinuk, mondok mi'nage nagaarik, naana'le mbangge logonet, eekerak paga nanini nen aakumi Iterali eeppiyoorak mbakirak nogo, lek eerogo punuk, niniki yanggonogo panegerak me,

Linggineegwaarak 5:14

ne ambi paga ogonggelo nogo iniki nen, Nakwe yi, aap alik ambi imbirak nogo yit nage kwa? yinuk, eebi mbake ilik? at akwe maluk eeka'lek kagak, ogonggelo nen, Aap alik ambi imbirak nogo yit nage kwa? yinuk, eebi nen punu negen mbake a? eeke kenok,

Nappiigak 20:24

Togop kwe, An neebe neenik logorak iya lek o. Ata, Ala iniki kunik en eeppinanege menggerak wone obeelom wone yorage logokit nduk, nogoba Yetut nen yabu unde eeppaneegerak nogo, mbo pega'lek worok togon eeriyak ti mban iya mbake minggirak me, eerit nage agarik o.

Nappiigak 21:13

at Pawulut nen, “Kit an nale yogwe paga niniki aaninggin aruwak nduk, nonggop nduk yogo ogotik? An Yerutalem nagin aret me, time neegak nogoba Yetut ake keele maa'nakwi iinok ti, op aret mbake agarik o. Ndi, noorugun kenok togon, op aret me, kit nonggop nduk yogo ogotik o?” yo'niragagerak.

Oroma 12:20

Ala yoge kagak aap ambi nen ari logonet, “Kinawim nogo mbi abu kenok, mbi nawak nduk, wogogwi, Niyo abu, ari kenok, niyo nawak nduk, wogogwi, Eeko logonip o. Ti eekwi kiinok, mo kik-kik negen kaawak nduk, eeppumunggup o,” yinuk, yereegerak liiru mbanak nogo ndak-ndak aret eerit nogo logonip o.

2 Korindut 11:2

Kwe aap kigin waka'lek kwak, kit an napuri togop logonet, kinogonggelo ambit Keritut aret kolaabagip nduk, abok yokkirage nagagirak nogo kagak, alik eekwi kiige nagarik, Ala apuri at oone mbo punuk, alik mugurok nogwe iinok, iniki wakkolage menggi kwak, an ndak-ndak niniki abu wakkolage agarik o.

Pelaareegerak 32:21

Mbo paninuk, nalut eekwi nobaane'me kugi ayuk wukwi iinok, Neebi o, yinuk, niniki laakot inombake, Kugi nen ambi eeppiyoorak lek kagak kugiwak aanom warogo ayuk wukwi iinok, An nanini wungge, Eeruwak nduk, Eerogo paneegwaarak me, It aakumi inendage lek alik mendek eeppiige paga napuri nen, Ao, mbakwi, Ndi, aakumi inanebunu wi-wa mendek eeppiige paga napuri nen inanini ogwe, Eeruwak nduk, Eeppiyaagin o.

2 Timotiyut 2:19

o wurik ili agago liiru mbanogo pogo mengga kwak, Ala eeriyak kooneegerak nogo, “Mondok logogin,” mbaruwak nduk, ari logonet, “An napuri kenok ti, neenu aret minggirak o.” Ndi, ambi, “Yi aap ndi aap abok aret, An Ala aput aret o, yogwe iinok, It maluk eekwi nogo mbo pogo logowak o,” yinuk, yereegerak me, it aap ti togop aret eeko menggaarak kwe, Ala nen, “Eeriyak,” kooneegerak ti, o eyak wurabak nu'lek menggi kwak, mondok nu'lek aret logogin o.

Wayu 12:11

It ninoreewi nogo nen Ndomba Aagaluk amiya wundeegerak abet mba'nuk, iniki ti paga panggombunuk logonet, Ninooriyak op aret o, yinuk, Inagabiti lek Ala wone wonok yoranet nugwi paga Tile tebenogo pugwi me,