Ndawi Iya 8:2 - Ala Wone Peenok Peebi Mbanak

² Kat ninondogowak nik-nik yogwe mamunnabenok nduk, An nen wokkeren nagalo ame an nda'nake nagagim pagi nage, Anggur amburu obari abe mendek inom nenggelak-kenggelak eerogo punuk, nanok nduk wokkege, Delima anggen amburu inom wokkege, Ee'netak o.

Ndawi Iya 8:2 ပူးပေါင်းရင်းမြစ်များ

Kini Wuppiige 9:2

Wuke nagagerik, wam warogo lake, Anggur amburu ombat abe inom nenggelak-kenggelak eerogo pege, Eeppunuk, Mbi noorak pipuk eerogo pereegerak.

Ndawi Iya 3:4

Logonuk lek aret it mbo piinok, at niniki kunik eeke nogo kwaakkage nagarik, eebe pippunuk, At mbo pega'lek wonok nugwa nagalo ame nanuk, At nda'nake nagagim o ko ogoorak me unggwi nagarak o.

Ndawi Iya 4:10

Niriluk o. Noreeluk o. Kiniki kunik ee'nake me, nale'nggen ambik ee'nake, Anggur amburu noorak ti, ninikilom aret kwe, Kiniki kunik ee'nake ti perak, ninikilom nggwok lombok mbake minggirak o. Obari abe eeka obari ti, ninikime mbuuluk yo agan nage kwe, Obari abe koba aago nogo ti, ninikime mondok yo agan unggwage menggerak o.

Ndawi Iya 7:12

Nimbirak kubondendok anggur awi yarak me eyo anggur agarip lagangge, ambit-mbit wake, Eyo delima ambit-mbit wappunuk, anggen yuurak eeke, Eeke kero, liippi nawok o. Nogo logomonggoorik, time nimbirak ninondogowak nik-nik yogo logowok o.

Ndawi Iya 7:9

Ndi, kambe paga keyak mbannake nogo ti, anggur amburu abe kwak wonage, Eerak logowak o. Anggur amburu nogo ti, lek aga'lek at niniki kunik eeke yi, nogo yege kagak kwe, Ambe paga neyak toguk-toguk mban eeke logogin o.

Ndawi Iya 8:1

“Kat nagalo nen elak kunggabeegerak niriluk logonok lak ao,” kombake agarik o. Niriluk logonetak en kat nimbirak endekem lambumbunuk kagandin neyak mbanggake neenok, Aakumi nen meek eerogo paninetak lek o.

Yaya 5:39

Ala wone liiru mbanak paga mondok nineenik ee'ninabigin, mba'nuk, liirogon malenggo monggotak. Ala wone liiru mbanak ti, an nabok paganak nogo liiru mbanak aret me,

Nggalatiya 4:26

Ndi, o Yerutalem agi mbogut paga nogo ti, at akwe abe wogo nogo kokwak me, at Tara nen wone yugu abet mbareegerak paga aagaluk ndareegerak kokwak, nit kunduk, “Yogop ee'nu, ndogop ee'nu,” yereegerak nogo eekwi paga lek o. Ata, abet mbakwi paga o Yerutalem agi mbogut paga mendek ogoorik o.

2 Timotiyut 3:15

Ala yereegerak wone liiru mbanak paga Keritut Yetut abet mbakwi niinok, ninagap ndariyak nineenu ee'ninaburak wone wulaga mbuuluk paga kat keenu agagindak nogo, abeke logonet, nggirik-nggerok porogo logot o.

2 Peterut 1:19

Ti yereegerak kenok, o maan it aap Ala nen wone yorage kagak yorogo nogogwaarak nogo a'me lik yi wagak eeke kogo nogogurik, nit niniki abet mbakwi nogo, mondok nu'lek eerogo pinanegak eeke kogogurak o. O weerikit nduk, kilim nagake kagak, ndowan ambiret abinak ndelenak-welenak ari kogo monggoorak nogo, wundi waga'lek kagak, o apit me ndi wuninogo pogootak eya kenok, niniki ale'nggen age menggi kwak, kinikime awo eya eekkinabi waga'lek kagak, wone yo'nirogo nogogwaarak nogo kiniki kunik eekkologo logonet, liippogo logorak ti, op lombok aret o.

Wayu 19:10

Yo'nege mbaki, abu'me tebe yinuk, alut eerikit nduk eeke me, at nen yo'nege logonet, “Togop eeriyak mage o. At Yetut wage nagagerik, Ala ndogop menggerak o, yinuk, paganogo yoragagerak wone koreewi waganggo nogogwaarik, porogo wonogwe nogo inom, kat inom, an kit pogom Ala ayeloman aret me, Ala abu'me tebe yinuk, at mban alut eeke logot o. At Yetut nen paganogo yorage nagagerak wone nogo ti, nit abok Aberiniki nen yo'nirage kagak yorogo monggoorak me nduk, yokkigi o,” yinuk, yo'nege kagarak.