Ndawi Iya 8:11 - Ala Wone Peenok Peebi Mbanak

¹¹ Aap Talomo eyabu anggur yarak o Mba'an-Kamon wonage o. Eyabu anggur yarak ti, it aap unde logowak nduk, wogoragagerak me, It inalitik-inalitak nen anggen mbanak kumbunuk, wu mbuti perak seribu wogogo nogogwaarak kwe,

Ndawi Iya 8:11 ပူးပေါင်းရင်းမြစ်များ

Wakkagagerak 20:16

Yoge nagagerik, kwe Tara nogo yoge logonet, “It koreewi kinom wonogwe nogo abok nen, At kwe Tara ti, abet aret maluk eeppuulik obeelom aret porogo wonagaarak kombaruwak nduk, an kat koweeluk wu mbuti perak seribu yi wogogi o. Yi eekirak paga, Kwe yi, maluk lek abu obeelom aret, yokkogo logowak nduk eeki o,” yoreegerak.

Wone Alom Kibingga 2:4

An yi yabu ndi yabu nggwok lombok eeke logonet, yi o ndi o wurogo patit nage, neyabume anggur awi yarogo patit nage,

Ndawi Iya 1:6

An neebe mili me, ndi, Mo eyak nen neebe mili eerogo panegerak me, Kinigen malik-malok ee'nakwi ti mage o. An nawurilogwe-nowewologwe nen an mbe'nugu logonet, Anggur awi yarak me arum logokit nduk nappanegaarak kagak, Arum logonet, an neyabu anggur yarak me arum wonaga'lek eraangge mbo pigirak o.

Ndawi Iya 2:3

Yi eyo ndi eyo eyonggaame wonage enggela'me eyo anggen abe wonage menggi kwak At niniki kunik eebe ti, wologwe tawe inenggela'me togop aret menggerak o. At angguna'me kwi'nariyak ninikilom mbake, At anggen ti, ombat abe lombok kage, Eeke minggirak o.

Ndawi Iya 7:12

Nimbirak kubondendok anggur awi yarak me eyo anggur agarip lagangge, ambit-mbit wake, Eyo delima ambit-mbit wappunuk, anggen yuurak eeke, Eeke kero, liippi nawok o. Nogo logomonggoorik, time nimbirak ninondogowak nik-nik yogo logowok o.

Ndawi Iya 8:12

An neyabu anggur yarak ti perak, An mban unde logonet, nobaalombok koongge minggirak me, Wu seribu ti, kendagembogut kat Talomo wokkege, Ndi, wu dua ratus ti, it aap anggen mbanak unde wonogwe nogo wogorage, Eeke agarik o.

Yetaya 7:23

Ne ti eyom paga eyo anggur ero seribu onggo wu mbuti perak seribu paga kuniyak yarak wonagam time iri'ngga alok-palok inom, kugeele inom, ti mban niik yigin o.

Marakut 12:1

Yorage nagagerik, wone eegu laarogo yorage logonet, “Aap ambi nen anggur awi yappunuk, yagat wuke, amburu mburunogo wuraburak tenggap mendaake, ndi, tum wakak eyo ndoongge, eeke nagagerik, anggen mbanak ando it kologwe, ando at wogogwi, eeko logowak nduk, at eyabu aago me arum piinok, o nda alik me time nagagerak.