Ndawi Iya 8:10 - Ala Wone Peenok Peebi Mbanak

¹⁰ An ti, yugum pak wurik kwak aret wonage, Ndi, nelak ti, o nggorek wurik kwak wonage, Eerak wonage neenok, “Niniki kwippanega yi aret kagi,” yinuk, ale'nggen nombake menggerak o.

Ndawi Iya 8:10 ပူးပေါင်းရင်းမြစ်များ

Wakkagagerak 6:8

“Mondok lek eerogo piyaagin,” yereegerak kwe, at Nu alik perak, Aliku ALA ale'nggen oba pege logonet, ili eerogo teppikit mbareegerak.

Kini Wuppiige 3:4

Togop eeke keenok, Ala enegen keege, aakumi inigen keegwi, eeko logonet, Inale'nggen koba pagagwi, “Aap yi obeelom o,” yinuk, yogwe, Eeko logogun o.

Ndawi Iya 4:4

Kenggaanok ti, wim eeka yi mendek ndi mendek pegak at Ndawut nen o abe nggorek wureegi kwak wonage, O time aap wakaa'ngget inanggeemu seribu tugunik kwak, kayiinggen togop aret yirik wonage,

Ndawi Iya 4:5

Kelak mbere ti, rusa aagalogwe mbere kwak wonage, Kijang aagalogwe kulu'mbere waambi anggen enggela'me iri'ngga nenet nugwi kwak wonage, Eerak menggendak o.

Ndawi Iya 8:11

Aap Talomo eyabu anggur yarak o Mba'an-Kamon wonage o. Eyabu anggur yarak ti, it aap unde logowak nduk, wogoragagerak me, It inalitik-inalitak nen anggen mbanak kumbunuk, wu mbuti perak seribu wogogo nogogwaarak kwe,

Yetaya 60:10

It aap inambik nen at eyagat pak wurik wonagagi kwak wurogo pugwi, It inoweewi inendagembogut nen ayeloman a'nuk ake eekwi, Eeko logogun o. Aa'nduk nanini nen wake nagagirak kwe, yogondak perak, abuwa nen niniki kunik eeke logogin o.

Yetikiyen 16:7

Yoge nagagirik, iri'ngga yabume lagangge menggi kwak, at eebe tawe eeke neegak, eebe nggwok age, owak nggik ari, enete abu kigirikwe age, eereegerak o. Eeke nagagerik, elak abu aret wungge, amoori abu aret wungge, eereegerak kwe, agali yirik lek we agap mbelanak aret wonagagerak o.

Lukat 1:30

Mbake mbareegi, at malayikat nogo nen at yoge logonet, “Mariya wae. Kagabiti mbarugun o. Ala kabuwa mbake logonet, ale'nggen koba pagarak koonggerak me,

Epetut 1:6

Ninabuwa mbake logonet, at aput iniki kunik nen wo'niragagerak nogo paga, amendek mondok alik negen ngginu-ngginu eerogo wo'nirage menggerak me, nit mondok at alut eeko logowok o.

1 Timotiyut 1:16

alom ti paga at nabuwa mba'nuk teppaneegerak. Peebi it aakumi ineenik mondok logorak mbaremenggaarak nogo nen iniki at oba panggombunuk, abet mbakwi paga waganggo logorak nogo, in wakkagak eeko logorak an neebe aret o. Nit nen Keritut Yetut maluk eeppugwi kwe, onggo mbet-mbet eeppinanege lek liippunuk eeppinanege menggerak nogo, maluk eeka abe iyagalo an neebe nogo paga kin aruwak nduk, nabuwa mba'nuk, teppaneegerak.