Ndawi Iya 7:7 - Ala Wone Peenok Peebi Mbanak

⁷ Kat keebe-kobate eyo nggabu kwak tawe wonage o. Anggur anggen luurik yugu kwak, kelak panggo-panggo aago wonage me,

Ndawi Iya 7:7 ပူးပေါင်းရင်းမြစ်များ

Ndawi 92:12

Eyo nggabu engga mili lagangge menggi kwak, Eyo nggabina Libanon mendek mili kwit agan lagangge menggi kwak, It aap iniki abe koonak nogo togop aret logogun o.

Ndawi Iya 1:13

Nelak aru-ogwe kagak oolo nggami ninikinggup me pugunik obari abe eeka kwak kat niniki kunik yi, togop aret wonage,

Ndawi Iya 1:15

Kat nore aberogon yi, abu kigirikwe lombok wonage, Kat keebe abu abet aret kigirikwe wonage, Ndi, kenegen ti, towe puume enegen waanggo kwak wonage, Eerak agandik o.

Ndawi Iya 4:5

Kelak mbere ti, rusa aagalogwe mbere kwak wonage, Kijang aagalogwe kulu'mbere waambi anggen enggela'me iri'ngga nenet nugwi kwak wonage, Eerak menggendak o.

Ndawi Iya 7:3

Kelak ti, rusa aagalogwe mbere kwak, kijang aagaluk kulu'mbere ndarak kwak, wonage,

Ndawi Iya 7:6

Kat niniki kunik yi wae. Kat abu kigirikwe mondok aberogon wonage o. At kiniki kunik eeke nogo ale'nggen mbaruwak nduk eeppege nogo ti, mondok iya aret o.

Ndawi Iya 7:8

An nen ari logonet, “Eyo nggabu ti paga lagi nage, Anggen luurik yugu ti, mbanogo nengge, eerikit lak, ao,” yinuk, yagarak o. Kelak ti, anggur anggen luurik-maarak yugu menggi kwak wonage, Kambe aagi wungge ti, eyo anggen obari abe kwak wonage,

Ndawi Iya 8:8

Nit ninawuluk kolaga ambi wonage o. At awo elak wungga'lek wonage me, “Kolaakit,” yo'nira wage kenok, ninawuluk ti ake nonggop koonogo puurak mbakop?

Yetaya 66:10

Togop me, kit o Yerutalem kiniki kunik eeko monggotak yi wae. O Yerutalem ti, agalo kwak logonet ale'nggen mbake me, kinom kinale'nggen mbakwi, Aagalogwe ambik ndarogo piigerak paga keekok yogwe, Yagan wake kagak kinom le yogo nogotak kit yi wae. At yogondak ale'nggen mbake me, kinom kiniki ale'nggen mondok alik negen mbakwi, Eeko logonip o.

Yeremiya 10:5

Kugi ogut ogobakkigirik nogo ti, nggilu yarak me aap-aap agago pegaatak nogo pogom me, At nen wone mbangge, tu nage, eeka'lek kenok, aap nen piyaninuk nogo menggaarak o. Inagugi ogut nogo nen aakumi maluk eerogo piige, Aakumi obeelom eeppiige, Eekeelik me, At eebe paga it Iterali inagabiti mbarugwaarik o,” yinuk, yegerak me, yokkiragi o.

Epetut 3:17

Kit abet mbakwi kiinok Keritut kinikime ye mbanggola unggwage, ndi, eyo omanggen nggween kole paga wuraketak nu'lek menggi kwak, kit togop aret kiniki nu'lek logonet, aakumi kinom kiniki kunik aganakwi, eeko logobagip nduk, kinake tamban eeke minggirak.

Epetut 4:13

Ti eeppinaneegerak nogo ti, nit abok aret Ala aput eeke menggerak nineenu ogo logomonggoorik, abet mbakwi paga niniki ambit a'nuk, Keritut iniki mondok koleewak obeelom wonage nogo kokwak, nit togop aret niniki kole eeppinanit wundi wage logowak nduk, unde eeppinaneegerak.