Ndawi Iya 7:5 - Ala Wone Peenok Peebi Mbanak

⁵ Kanobak ti, puut Karemen tiyanak kwak wonage, Keeruwak ti, aap inendagembogut inayum yawenak kwak wonage, Eerak wonage me, Nendagembogut an nen keeruwak abe kenok, neenggi paga mbenak-mbenak eekkeyoorak mban ee'nake menggerak o.

Ndawi Iya 7:5 ပူးပေါင်းရင်းမြစ်များ

Wakkagagerak 32:26

Worok yege mbareegi, aap nogo nen ari logonet, “O muk aret kilim nagakerak me, naakit nduk, keenggi teppanu o.” Yoreegerak kwe, at Yakup nen, “Kale'nggen noba panega'lek me, teppagagin lek o.”

Ndawi 68:24

Ala wae. It kawim tebenogo piinok, Mbigin-mbigin eerogo piinok wogoren wage nogo ninigen nakkeegwi, Kendagembogut ninogoba Ala wae. Mbigin-mbigin eerogo piinok, Kalut eeko menggam alik leenak nogome Wogoren unggwi nage keegwi, Eekwi niigak,

Ndawi 87:2

Aliku Ala nen it Yakup mendek wonogo menggam inikilom mbake kwe, Kota Tiyon tu unggwogo menggam perak, Iniki kundugu lombok mbake menggerak o.

Kini Wuppiige 5:19

Kit kinakuwi ti, Rusa eebe amuni mbanak kwak, kinom abe wonogwe, Rusa kwak kijang amuni mbanak nege kwak kinom nugwi, Eeko logomunggup me, Kinakuwi inelak paga kiniki kwippinagagwi, Kinabuwa lombok kinombakwi paga yilunogo pinagagwi, Eeko logowak o.

Ndawi Iya 1:17

Nit ninawi ti, eyo nggabina arelen paga wurabak wurik wonage, Ninawi pelan nogo ti, eyo ndiindi paga warak wonage, Eerak menggerak o.

Ndawi Iya 4:1

Nore abu aberogon yi, kat abu kigirikwe me iya o! Kat abet aret kigirikwe lombok wonage, Kenegen yum paga nobarak wonage nogo ti, towe puume enegen waanggo kwak aret wonage, Keeruwak ti, kambin puut Nggileyat paga nen ineeruwak yaganak-taganak eerit wambi wogo mengga kwak wonage,

Ndawi Iya 4:4

Kenggaanok ti, wim eeka yi mendek ndi mendek pegak at Ndawut nen o abe nggorek wureegi kwak wonage, O time aap wakaa'ngget inanggeemu seribu tugunik kwak, kayiinggen togop aret yirik wonage,

Ndawi Iya 5:11

Anobak mbuti emas at mendek mban kwak wonage, Eeruwak towe ya'ngge-ya'ngge eeruwak mili nogu eerak kwak yoguk-yagak ari,

Yetaya 35:2

O karume waambi anggen tuk mbilenggen eerit nage kenok, ale'nggen nen ndawi wake, keekok ari, eerigin o. O Libanon iri'ngga kwit agan lagit nage kenok, “Wi!” irogo mengga kwak, Puut Karemen inom, o Taron inom, iri'ngga-kale'ngga abe lombok menggi kwak, O karume togop aret eerogo pemenggerak paga at Aliku ALA abu tiyanak wonage, Ninogoba Ala abinak pindan-pindan eeke, Eeke nogo Aakumi inigen kaagun o.

Mika 7:14

Kaliku ALA wae. Keyate negen kapuri kiniki kundugu ndomba kuwak aago kwak logonet, Eyonggaame iri'ngga abu mili nenet nugu menggam wonogwe nogo, yawi paga teeriren nege logot o. O aa'nduk togon iri'ngga mbanogo nenet nogo nogogwam O Mbatiyan paga, o Nggileyat paga, nenet nugu logowak nduk, teppiyet o.

Linggineegwaarak 21:26

It aakumi Amori inowe endagembogut Tikon nogo nen it Mowap mendek inowe endagembogut aa'nduk wonagaarak nogo imbirak wim eeke logonet, anggween niyo Aronon kuli tebeneegerak nogo o Ketibon time aret unde wonagagerak.

Matiyut 28:20

yi wone ndi wone yokkirage nagarak nogo ndak-ndak eeko logowak nduk, mamunirogwe, eerit nugu logomunggup o. Ndi, yogondak kuli nen nok, age yobok kuli paga an mbo pinagagin lek mondok-mondok ninom aret logogin o,” yinuk, yoragagerak.

Epetut 1:22

Yi kugi ndi kugi inom, yi aakumi ndi aakumi inom, yi mendek ndi mendek abok aret at abu'me piinok, nit Ala apuri yi awi ndi awi kuwak eerit nogo monggoorak nogo lambuk togon ninanobak kwak ninowe tiyanak logowak nduk, mippereegerak.

Kolote 1:18

Ala apuri yi awi ndi awi kuwak eerit nogo menggaarak lambuk togon Keritut eebe negen nit aret me, ninanobak kwak ti, at aret. Ndi, yi eekwi ndi eekwi alom unde nogo ti, at mban aret me, yi mendek ndi mendek abok aret tebenak kagak, at mban tiyanak logowak nduk, kambunuk nogo menggam nen aa'nduk at aret eenik agago mippereegerak.

Kolote 2:19

Ninomanggen ambit paga nineenggi-niniyok yeregerak-peregerak abok aret ninanobak inom yinik-kunik aago logonet, nineebe tawe ogo monggo kwak, nit ninanobak Keritut ninom togop aret kunik me, at Ala nen, “Keritut eebe wigak yuwak,” mba'nuk, ee'ninake menggerak nogo kagak, it aakumi ti, iniki wogoppako logonet, inanobak Keritut nogo mbo punuk, inom kunik lek ugun nugwi me, inoone konenggo logogup o.

Wayu 1:14

towe yanggwi eeruwak abinak lan ari nogo pogom at eeruwak togop aago wonage, enegen kani omoonuk wunuk ari pogom wonage,