Ndawi Iya 7:13 - Ala Wone Peenok Peebi Mbanak

¹³ Eeko logonet, iri'ngga elege ndaganaka obari eeka nogo kogwe, Yi anggen ndi anggen ombat abe maan mendek inom, ngget mendek inom, Kat niniki kunik nimbirak nawok nduk teppigirak nit logowam koorok wonage nogo mbanogo nunggwi, Eeko logowok o.

Ndawi Iya 7:13 ပူးပေါင်းရင်းမြစ်များ

Wakkagagerak 30:14

Ne ambi gandum mbanggwi eyom paga at Uruben nogo nen yarak me time nage nagagerik, elege ndaganaka iri'ngga kwaakkage nagagerik, mbaninuk wonok agalo Leya wogori wage mbareegi, at Araken nen Leya yoge logonet, “Kat kaagaluk nen elege ndaganaka iri'ngga wonok kiri wagaarak nogo, an ambi wo'niru o.”

Ndawi Iya 2:3

Yi eyo ndi eyo eyonggaame wonage enggela'me eyo anggen abe wonage menggi kwak At niniki kunik eebe ti, wologwe tawe inenggela'me togop aret menggerak o. At angguna'me kwi'nariyak ninikilom mbake, At anggen ti, ombat abe lombok kage, Eeke minggirak o.

Ndawi Iya 4:13

Kat keyabu yarak ti, anggen mbilanit nage nagaatik, eyo delima mban yabu yarak me wundit nage, Anggen ombat abe mban yit nage, Tuunggen inom, obari abe eeka narwastu inom,

Ndawi Iya 4:16

O wiya o omarip paga pa'nggwe waka wae. Mi'naru o. O wiya o ame pa'nggwe waka yi wae. Omok o. An neyabu yarak me obari abe wonage nogo wiganinuk nawak nen warit wage logot o. At an niniki kunik eeke yi, eyabu yarak me unggwi wage, Eyo anggen ombat abe yit nage nogo at nengge, Eeke logowak o.

Ndawi Iya 6:11

An woromoolome nage nagarik, o kobappaga woromo nogo logonak kero nenegen pekkenet nege, Eyo anggur ambit-mbit wake kero, malenit nage, Eyo delima ayo wake kero, nenegen liippit nage, Eeke logonet,

Ndawi Iya 8:1

“Kat nagalo nen elak kunggabeegerak niriluk logonok lak ao,” kombake agarik o. Niriluk logonetak en kat nimbirak endekem lambumbunuk kagandin neyak mbanggake neenok, Aakumi nen meek eerogo paninetak lek o.

Yetaya 23:18

Ti eerit nage logonet kwe, at yi mendek ndi mendek kunit nage paga nabenggolage inom, onggo kolage ando inom, ti elaambirik porogo wonage, ili ari wonage, eeka'lek Naliku ALA nake leenogo pege, Naliku ALA nenggaanom paga nake eeka nen inambi ndak aret nunggwi, inayum abe kunggologwe, eeruwak nduk, inake piige, eeke logogin o,” yinuk, ari kagarak me, yokkiragi o.

Matiyut 13:52

Yogo mbareegwa, at Yetut nen, “Ti kenok, it Ala wone liiru mbanak unde abok aret at mbogut paga abu'me piyoorak wone nogo waganggwi iinok ti, aap inowe ambi nen awuri yabu eeko logowak nduk, amendek iniki kunik ngget mendek inom, maan mendek inom, pege menggim nen waganogo wumbege menggerak nogo pogom aret o,” yinuk, yoragagerak.

Matiyut 25:40

Yo'nogo mbaremengga, an nendagembogut nogo nen it nogo yorage logonet, Lek o. Kit nen an nawuri maluk-malak eeginabeegutak nogo ti, an aret ee'nabeegutak o, yinuk, abet aret yokkiragi, yoraagin o.

Yaya 15:8

Anggen ambik yi'nogo logomonggotak paga kit abet aret an noone waganggwi mendek kiyaagun me, ti paga an nogoba endage tiyak yigin o.

1 Korindut 16:2

An wage neenok, wu kuwak eerukwak, yogondak aret kit kinawu kuwak eeko logonet, tamban ambi eekak eekwi paga kinalitak lombok it inake ambit nabik ambit nabek kuwak eerogo pogo logonip o.

1 Korindut 2:9

At ambi nen ari logonet, “Inigen abe nen kogwe, oone ari inaruk konenggwi, Inikime nen, Yogop eeriyak, abe lombok koonggwi, eekulik nogo mendek aret o. At Ala nen it aap at inom iniki kunik mbako menggaarak nogo, inake pipuk-papuk agago piyareegerak wonage agaarik o,” yinuk, yereegerak liiru mbanak nogo ndak-ndak

Epetut 5:9

It eya paga logonet eerit nogo menggaarak anggen yugu nogo ti, aakumi obeelom eeppiinet nugwi, maluk eeka'lek Ala ari menggerak nogo ndak-ndak eerit nugwi, iniki mbere lek ambit logonet, inoone abet mban agan nugwi, eeko menggaarak me,

Kolote 3:17

Keritut kinabuwa nen kinake eeke menggerak me, kinogoba Ala, “Wa,” yinuk, keyage wako logonet, kinoone yogo monggotak inom, eerit nogo monggotak inom, abok aret ninowe Yetut endage tiyak yuwak nduk mban eerit nogo logonip o.

1 Peterut 4:11

Yi eekak ndi eekak eeko logonet, ninowe Yetut Keritut eereegerak paga at Ala endage tiyak yuwak nduk, kit ambi nen Ala wone yoroorak mbakwi kenok, Ala ari menggerak wone nogo aret yorogwe, ndi, ambi nen aakumi yeenggwaarogo logorak mbakwi kenok ti, Ala omaawi eeppinagage kagak yeenggwaaranet nogwe, eeko logonip o. At Ala ti, abu tiyanak mondok-mondok ayuk warak logowak o. Amin!