Ndawi Iya 7:12 - Ala Wone Peenok Peebi Mbanak

¹² Nimbirak kubondendok anggur awi yarak me eyo anggur agarip lagangge, ambit-mbit wake, Eyo delima ambit-mbit wappunuk, anggen yuurak eeke, Eeke kero, liippi nawok o. Nogo logomonggoorik, time nimbirak ninondogowak nik-nik yogo logowok o.

Ndawi Iya 7:12 ပူးပေါင်းရင်းမြစ်များ

Ndawi 122:5

It aap Ndawut paga wiganak inendagembogut nen wone lengganogo yorogwe, Aakumi apit inowak loonggwi, Eeko logonet, Kwi'nagak kinikime time pugu wonage menggerak o.

Ndawi 43:4

Ala wae. Kat nogoba Ala aret me, nappani wage keenok, niniki ale'nggen ee'nake, Nale'nggen kani negen wununogo panege, Eeke menggendak kat Ala nogo an kowagam nage, Kake warogo wakkogo menggam ari nage, Eeke logominggirik, Nggitat eeke logonet, “Wa!” lombok yokkirigin o.

Ndawi 73:25

O mbogut paga time an yeenggwa niriyak Aap alik ambi wonage mbaken? Lek aret o. Kat kalik nen aret yeenggwa nege menggendak o. Kalik aret yeenggwa nege menggendak me, O nggween paga yime aap ambi yeenggwa nege logorak an mondok mbaka'lek aret agarik o.

Wundeegwaarak 25:22

Narogo pege keenok, naloobut mbanak me malayikat negen kerub ogut mbere wonogwe nogo irimbaga an nimbirak lambuni wambi wage logominggirik, it aakumi Iterali nen eeko logowak nduk, Yogop eeriyak, ndogop eeriyak, time nen aret yokkegak eeke logogin, yegerak, yoret o,” yinuk, yoreegerak.

Kini Wuppiige 8:17

It aakumi iniki kunik ee'nakwi nogo an nen niniki kunik eeginake, It an kwaa'nabit nugwi nogo kwaa'neyaawak nduk, neebe nigiige, Eeke minggirak o.

Wone Alom Kibingga 9:10

Kambunuk namenggenom time nen yabu eekwi, eeriyak koonogo pugwi, yi wone ndi wone ineenu arit nogwe, iniki warak eekkologwe, eekulik me, yi mendek ndi mendek abok aret eeriyak kage kenok, keenggi mondok omaawi paga eerit nage logot o.

Ndawi Iya 2:13

Eyo wuliinggen yikit nduk eeke kogwe, Anggur ambit-mbit warit wage logonet, obari abe wigangge kogwe, eekwi me, Nore aberogon yi, mi'na'nuk omok o. Nore abu kigirikwe yi, nawok nen omok o,” Yinuk, yo'negerak o.

Ndawi Iya 2:15

Nit ninageyo anggur awi yarak ambit-mbit wake me, Mba'ngge nen eyo anggur yarak maluk eerogo pit nogwe ti, piginake, Mba'ngge mbuulogwe ti, piginake, Eeke logot o!

Ndawi Iya 4:13

Kat keyabu yarak ti, anggen mbilanit nage nagaatik, eyo delima mban yabu yarak me wundit nage, Anggen ombat abe mban yit nage, Tuunggen inom, obari abe eeka narwastu inom,

Ndawi Iya 4:16

O wiya o omarip paga pa'nggwe waka wae. Mi'naru o. O wiya o ame pa'nggwe waka yi wae. Omok o. An neyabu yarak me obari abe wonage nogo wiganinuk nawak nen warit wage logot o. At an niniki kunik eeke yi, eyabu yarak me unggwi wage, Eyo anggen ombat abe yit nage nogo at nengge, Eeke logowak o.

Ndawi Iya 6:11

An woromoolome nage nagarik, o kobappaga woromo nogo logonak kero nenegen pekkenet nege, Eyo anggur ambit-mbit wake kero, malenit nage, Eyo delima ayo wake kero, nenegen liippit nage, Eeke logonet,

Ndawi Iya 7:11

Kat niniki kunik eeke yi, mok o. Kat nimbirak yabume nogwe, Nimbirak tuunggen yarak enggela'me nogo yugwi, Eeruwok nduk nawok o.

Ndawi Iya 7:6

Kat niniki kunik yi wae. Kat abu kigirikwe mondok aberogon wonage o. At kiniki kunik eeke nogo ale'nggen mbaruwak nduk eeppege nogo ti, mondok iya aret o.

Yetaya 18:5

Ti yo'negerak nogo ti, eyo anggen mbaniyak eyom awo kagak ambit-mbit warak mono-mono wangge nagaatik, ayo wappunuk, Eebe kole age kagak Aliku ALA unggwi wage logonet, Waruk paga engga mononogo pege, Eno'mbak wiganinuk nage nogo mbanogo nappit nage, Eerigin me, Yinuk, yo'negerak o.

Nappiigak 15:36

Nogome wonogogwaarik, ti'nuk, peebi at Pawulut nen, “Yi awi ndi awi ninogoba Yetut eeke nagagerak wone nogo yoranet nogo nogogum nogome ninoreewi Ala apuri nogo, Nonggop wonogwe iyaamun? Pegiinet nawok o,” yinuk, at Mbaranabat yoreegerak.

Oroma 5:11

Ti eereegerak paga mban ninale'nggen mbako logorak lek o. Ata, ambi nit ninowe Yetut Keritut eereegerak nogo paga Ala ninom lambunogo pinaneegerak me, “Ala wa,” yinuk, ninale'nggen mbako logowok o.

2 Korindut 13:5

Kit abet mba'nuk, waganeegutak nogo aret mugurok nogwe ilik, lek a, nogo kinalitak lombok liippatinuk, kinabut mbanggologo logonip o. Kinabut mbanggologo logomonggotik, “Op aret mugurok nage kagi,” mbakwi kenok, “Yi Keritut Yetut ninikime wonage me eeke kagi,” mbarumunggup o. Ndi, “An mugurok nage lek kagi,” mbakwi kenok perak, “Yi Keritut ninikime lek aret kagi,” mbarumunggup o.

Epetut 6:24

Ninowe Yetut Keritut kit kiniki kunik eekwi nogo, lek aga'lek mondok kundugu wonogwe kiinok, kinabuwa mbake logonet, kinarum logogin o. An Pawulut nen abu aret yokkiragi o. Noreewi wa!

Iberani 12:15

Ala iniki kunik en obeelom eeppinaneegerak nogo mbo pugwi kiyo, liippogo logonip o. Iri'ngga ale warak mendek ambi mbiingga larak paga pegaatak me, mbiingga apit ale age menggi kwak, aap ambi kinenggela'me oone togop agan nege kenok, kit aakumi apit at oone konembunuk, maluk eeriyak koonggwi kiyo, liippogo logonip o.

Iberani 2:13

ndi, ambi ari logonet, “An niniki at paga panggonak wonage agarik o,” yinuk, yoge, ndi, ambi ari logonet, “Ala nen wo'nereegerak napuri ninom yime aret ogoorik o,” yinuk, yoge, eeke menggerak o.

Iberani 4:16

yogondak aaninggin ambi ninoba age kenok, ninabuwa mbake logonet, iniki kunik en eeppinanege kaawok nduk, ninagabiti mbaka'lek at Ala iniki kunik en eeppinanege menggim nogome panggo yi ungguwok o.