Ndawi Iya 7:11 - Ala Wone Peenok Peebi Mbanak

¹¹ Kat niniki kunik eeke yi, mok o. Kat nimbirak yabume nogwe, Nimbirak tuunggen yarak enggela'me nogo yugwi, Eeruwok nduk nawok o.

Ndawi Iya 7:11 ပူးပေါင်းရင်းမြစ်များ

Ndawi 45:12

Ti eeke keenok, o Tirut Aagalukwe nen kat kake wokkiri wagak eekwi, Aap ineenggi warak mendek nen, “Enegen niyawak o,” yinuk, kat eeppagi wogwe, Eeko logogun o.

Ndawi Iya 1:4

Togop me, nit mbet-mbet nawok nduk, an kat kambokan woraakit nen, “Omok o,” yo'niru o. Nowe kendagembogut yi wae. An wo'neren kago ogoorak me pani wagandak wonage agarik o. Kat keenok, ninale'nggen nggwok lombok mbakwi, Kat eeke keenok, niniki ale'nggen alik negen kogwe, Anggur amburu noorak ninikilom mbuuluk mbakwi kwe, kat ninoreeluk abuwa nen kiniki kunik eekendak paga kat tiyappagagwi, Eeko ogoorik o. It komologwe kat tiyappagarak ti abu obeelom aret o.

Ndawi Iya 2:16

An niniki kunik eeke ti, eebe an mendek wonage, Ndi, an neebe ti, at mendek wonage, Eeko ogoorik o. Waambi anggen yugu enggela'me andomba ndegeninake agaarik o.

Ndawi Iya 4:8

Nore yi wae. Kat nimbirak lambumbinaniyak aret me, puut Libanon nen omok o. Puut Libanon nen wambi wage, Puut Amana kirin paga nen wambi wage, puut Tenit, Keremon kirin paga nen wambi wage, Yugum ambena singa wonogo menggam nen wambi wage, Mba'ngge kwak macan iname eyonggaame nen wambi wage, Eeru o.

Ndawi Iya 7:10

An neebe ti, at niniki kunik eeke ake wonage, Ndi, at nen neebe uugwe lombok nombake, Eeko monggoorak o.

Ndawi Iya 7:12

Nimbirak kubondendok anggur awi yarak me eyo anggur agarip lagangge, ambit-mbit wake, Eyo delima ambit-mbit wappunuk, anggen yuurak eeke, Eeke kero, liippi nawok o. Nogo logomonggoorik, time nimbirak ninondogowak nik-nik yogo logowok o.