Ndawi Iya 7:10 - Ala Wone Peenok Peebi Mbanak

¹⁰ An neebe ti, at niniki kunik eeke ake wonage, Ndi, at nen neebe uugwe lombok nombake, Eeko monggoorak o.

Ndawi Iya 7:10 ပူးပေါင်းရင်းမြစ်များ

Ayup 14:15

Wone onggo yokkirikit nen kat nen an wii'nege, Ogobakkigirogo paneegindak an nogo nabuwa mbake, Eeke logonet,

Ndawi 147:11

It aap at inagabiti ombakwi kenok perak, Aliku ALA nen inikilom mbake, Iniki kunik eeginabit wundi wage nogo Yi aap ndi aap iniki ti paga lunik wonogwe iinok, Ale'nggen inombake, Eeke menggerak o.

Ndawi Iya 2:16

An niniki kunik eeke ti, eebe an mendek wonage, Ndi, an neebe ti, at mendek wonage, Eeko ogoorik o. Waambi anggen yugu enggela'me andomba ndegeninake agaarik o.

Ndawi Iya 6:3

An niniki kunik eeke ti, eebe an mendek wonage, ndi, An neebe ti, at mendek aret wonage, eeko ogoorik o. Waambi anggen yugu enggela'me ndomba ndegeninake agaarik o.

Ndawi Iya 7:11

Kat niniki kunik eeke yi, mok o. Kat nimbirak yabume nogwe, Nimbirak tuunggen yarak enggela'me nogo yugwi, Eeruwok nduk nawok o.

Yetikiyen 24:16

“Aakumi nen ndarak yi wae. An nen ne ambit liingge aaninggin lombok ambi koba kwippagage logonet, at kiniki kunik lombok menggendak nogo aret waagin o. Wagangge neenok, kat nen at aleendawi piyangge, aleenggu maake, ndi, kenegen paga kale amburu wuppi wage, eeriyak mage o.

Yaya 17:24

Ai, nogoba o! Mbogut-nggween yi awo wakkaga'lek kagak, kiniki kunik ee'nake logonet, tiyappaneegindak wonagagirak nogo kwak, An keya wage neenok tiyappaneme-nggendak wonage me, it aap wo'nereegindak yi nen, neyaawak nduk, an nawam time ninom logowok lak, ao, mbake agarik o.

Nappiigak 27:23

An Ala aput me, abu'me logonet, at obaalombok eeke minggirak nogo nen yonggo nappiya wage menggerak malayikat ambi kii'me oonikiya neya wage nagaarik, yo'nege logonet,

Nggalatiya 2:20

An Keritut nimbirak eyo karo-karo paga nabenogo paneegwaarak me, kambeegirak. Ndi, yogondak eerit nage minggirak nogo ti, an nomaawi paga lek o. Ata, Keritut omaawi eeppanege kagak eerit nage minggirak me, an nggween paga yime neegak, at Ala aput nabuwa mba'nuk, nake kambeegerak me, at abet mbake logonet, niniki at oba panggombunuk, eerit nage agarik o.