Ndawi Iya 6:8 - Ala Wone Peenok Peebi Mbanak

⁸ Nendagembogut nakuwi 60 wonogwe, nakuwi luulu wogo 80 wonogwe, Komologwe aap kigin wogonaka'lek ineebe ambik ineenggi lingginiyak meek lombok wonogwe, Eerak menggaarak kwe,

Ndawi Iya 6:8 ပူးပေါင်းရင်းမြစ်များ

1 Endagembogut 11:1

Aap endagembogut Talomo nogo Pirawun apuluk iniki kunik wonage kagak, kumi Iterali lek kumi alik it Mowap mendek inom, Amon mendek inom, Erom mendek inom, Tiron mendek inom, Ket mendek inom, apit aret iniki kunik eeginabeegerak.

1 Endagembogut 11:3

Perenggolage nagagerik, akuwi aap inendagembogut inapuri tujuh ratus aret wogonake, ndi, akuwi luulu wogo ti, tiga ratus wogonake, eereegerak paga iniki nomoneegerak.

2 Mbinineegwaarak 11:21

Ndi, Erekabeyam nogo akuwi abe wogo inom, luulu wogo inom, iniki kunik aganake nagagerak kwe, aap Abatalom apuluk kwe Maaka nogo perak, iniki kundugu lombok eeke nagagerak. At akuwi abe wogo ti, 18 wonogwe, akuwi luulu wogo ti, 60 wonogwe, apuri wologwe 28 wonogwe, ndi, komologwe 60 wonogwe, eerak aret wonogogwaarak.

Ndawi 45:14

Ayum enete yabenggek-ndabenggek aago yirik kat kendagembogut wonage me, Wonok woroorak nduk eekwi, Oreewi komologwe tawe at ambokan wogwe, Eerit kat kendagembogut kowagam wogo logonet,

Ndawi 45:9

It kumi kake eekwi kiniki kunik aganake inenggela'me Aap inendagembogut inapurilogwe inom aret wonogwe, Ndi, keenggi abe'nggan kakwe kwe nggwok nogo Ayum mbuti emas o Opit mendek paga ogobakkigirik yirik mi'ndak wonage, Eeko agaarik o.

Ndawi Iya 1:3

Obari kagabolo paga aago ti, abu aberogon aret o. Kendage ti, obari abe eeka kilirik kwak aret wonage me, Komologwe tawe abok aret iniki kunik eekkako agaarik o.

Wayu 7:9

Ti eeke kage nagarik, it aakumi inanebunu inalitak lombok inom, inoone alitak inom, inagabolo alitak inom, inenggela'me nen ambitak nggigik kuwak eereegwaarak nogo ti, ineebe ambik ineenggi lingginiyak abu meek iigirak. It aakumi ti, inambogoyum nggorek yanggwi negen yippunuk eyoongga kalenak wik-wik eeko logonet, at wone lengganogo yorage menggim eyo ndoonak paga kwi'ndak wonage nogo inom, Ndomba Aagaluk nogo inom, imbirak inabu'me mi'na'nuk,