Ndawi Iya 6:13 - Ala Wone Peenok Peebi Mbanak

¹³ Kolaga Tulam mendek yi wae. Mok o! Kiyokan mok o. Ninigen keyaawok nen kiyokan mok o. Kiyokan mok o. Wim aru-ogwe iigak, pin warit oolo unggwogwe kenok inigen mengga kwak, Kit nanonduk kolaga Tulam mendek kinigen wo'naburak mbako ogotik o?

Ndawi Iya 6:13 ပူးပေါင်းရင်းမြစ်များ

Wakkagagerak 32:2

At Yakup nen malayikat nogo iige nagagerik, ari logonet, “Yi Ala awuri yigin unde aret iigi o,” ari nagagerik, “O yi endage Makanayim o,” yinuk, tooneegerak.

Wakkagagerak 49:10

Aap endagembogut ambin mbanak Mondok kat Yekura keenggime aret wonage, Ndi, ogoba nen aput awone kilirigetak nogo Porogo wonage menggi kwak, Kat keebe paga wiganak nogo nen mban wone ti, Eenggime pipporogo wonage, Eerit namenggi-namenggi Wone Alom Unde nogo kin ari wage kenok, Yi aakumi ndi aakumi inanebunu lombok abok aret At ari kenok mban eeko logogun o.

2 Tamuwen 17:24

Ndi, at Ndawut nogo o kota Makanayim time unggwi nage me, at Abatalom nogo aap Iterali mendek inom aret niyo Yoraran enebaga wunda nogo nogogwaarik,

Ndawi 76:2

At awooliya wurik ti, kota Talem wonage, Ndi, at wonage menggim ti, puut Tiyon wonage, Eeke menggerak o.

Ndawi Iya 1:6

An neebe mili me, ndi, Mo eyak nen neebe mili eerogo panegerak me, Kinigen malik-malok ee'nakwi ti mage o. An nawurilogwe-nowewologwe nen an mbe'nugu logonet, Anggur awi yarak me arum logokit nduk nappanegaarak kagak, Arum logonet, an neyabu anggur yarak me arum wonaga'lek eraangge mbo pigirak o.

Ndawi Iya 2:14

Yugum ambe nggaganak puut eegwa'me narowe puume kumaarak wonage me, Kat kenete abu kigirikwe me, keyaakit nen kin age, Koone abu abe me, konenikit nduk, koone ari, Eeke logot o.

Ndawi Iya 6:12

Aap nggweendo wim eeka nen wim eeri wundi noorak iniki ale'nggen mbake menggi kwak, Nimbirak lambuniyak mbaka'lek neegak yini-panip niniki ale'nggen alik negen ee'nake kagarak o.

Yetaya 8:6

“It aakumi yi, niyo Tiyilowa elaganggen abolok lek wage nogo mbo punuk, Aap inendagembogut Eretin inom, aap Eremaliya aput inom, inikilom mbakwi me,

Yeremiya 3:22

“Kwe ogonggelo mbo punuk, ugun eerit nega kwak kit yi, kiniyokan neya woraanip o. Kit tu abe mbo punuk, alik paga nomorogon nogo monggotak nogo, ambinom eeko logokwak, An nen obeelom eerogo pinagagin o.” Yorage mbareegi, it nen, “E o. Ninogoba Kaliku Ala kat aret me, niniyokan kowagam wogo.

Lukat 15:10

Nogo ti ndak-ndak aap maluk eeko menggaarak ambiriluk ambi nen maluk eeke nagagerak nogo iniki koombunuk, mbo pege kenok, it Ala yonggo nappiya wage menggerak malayikat nogo nen iniki ale'nggen aret mbako logogun o, yinuk, yokkirage agarik o,” yoragagerak.

Lukat 7:44

Yoge nagagerik, Yetut nen kwe nogo ena logurogon pekkage logonet, “Timon wae. Kwe yi, kagan ilik, lek a? An nen kame unggwi wage mbaki, niyok koorikit nduk, kat nen yi wo'nirulik kwe, at yi perak, ale amburu paga niyok miin eeke, eeruwak paga wolonnake, eekerak o.

Yaya 10:16

An nandomba anggenogo yime mban wonogwe lek o. Ando alik ambime wonogwe me, wogonabit nage logominggirik, inom piya woroorak aret me, piya woraaminggirak logonet, it an noone konenggwi, ndi, ineebe ambi lambunik iigak, an nalik aret ineebe ndegeninake, eeke logogin o.

Yaya 9:7

Nabembege nagagerik, “Wulaga! Kat yi yenggenak Tilowam koori nak o.” Yoge mbareegi, koori nage nagagerik, enegen obeelom a'nuk wagagerak. (Yi yenggenak Tilowam yereegerak nogo ti, nit ninoone paga, Nappereegim, aret o.)

Oroma 3:29

At Ala ti, it Yakuri mendek mban inogoba mbakop? It endekem konenggulik mendek inogoba lek me nduk, yogo ogotik? Lek o. At Ala ti, it endekem mendek kunduk inogoba aret o.

Oroma 7:23

wone yugu alik ambi niniki me wonage nogo nen pilak ari logonet, wone abe yugu niniki me nen eeriyak mbakitak nogo tebenogo pegak eeke me, an keele maarak negen logonet, “Maluk eeriyak,” yo'nege wone yugu ti mban eeke minggirak o, obak!

Nggalatiya 5:17

Niniki maan mendek nen Aberiniki warikit mbake, ndi, Aberiniki nogo nen niniki maan mendek warikit mbake, eeko logonet, imbirak wim negen ogoorak togon wonogwe me, kit eeriyak mbarumonggotak nogo, eeriyak meek aret kaamunggup o.

Iberani 7:2

Ale'nggen oba pege mbareegi, Abarakam nen ndininuk wagagerak nogo, “Kinamendek 10 wonage kenok ambi yendenogo an nake panu o,” yinuk, Ala nen yereegerak nogo ndak-ndak yendenogo Ala ake aap Meliketerek nogo wogoreegerak. Aap Meliketerek endage toonak nogo ti, alom mbere wonage. Ambi ti, “Iniki Abe Koonak Logonet Eeka Endagembogut o,” yinuk, yogwe, ndi, ambi, at o Talem endagembogut wonagagerak me, endage ambi, “Aakumi Iniki Ugun Inale'nggen Mbakwi Inogoba Endagembogut o,” yinuk, yogwe, eeko nogogwaarak.

Owak Loongga 21:21

Enaarak kinigen wonogwe me, it Tilo mendek inapuri komologwe wundi wa'nuk, kwirabik-kwirabok agan wogwe iinok, pilak yogo logonet, kinalitak lombok komologwe Tilo mendek ti, Nakwe yi aret o, yinuk, pikko'nok it Mbeniyamin wonogo menggam kiname aret namunggup o.