Ndawi Iya 6:11 - Ala Wone Peenok Peebi Mbanak

¹¹ An woromoolome nage nagarik, o kobappaga woromo nogo logonak kero nenegen pekkenet nege, Eyo anggur ambit-mbit wake kero, malenit nage, Eyo delima ayo wake kero, nenegen liippit nage, Eeke logonet,

Ndawi Iya 6:11 ပူးပေါင်းရင်းမြစ်များ

Wakkagagerak 2:9

Pege nagagerik, at Aliku Ala nen, “Yi eyo ndi eyo abu obeelom eyoonggen-kalenggen ombat abe yit nage kenok, nonggo logowak o,” yinuk, igale awi abok aret mbilanogo wundit nawak nduk, eereegerak. Ndi, igale wundit nagagerak enggela'me oolo time eyo ambi ineenik aganaka inom, eyo ambi maluk-obeelom ineenu agak inom, laganeegerak.

Wakkagagerak 40:10

Eyo nogo eno'mbak kenagan paga wonage. Ndi, eno'mbak kenagan nogo paga agarip awo lagit wage kagak, anggen ayo wappunuk, anggen aret yege nagaarik, mbet-mbet na'mbu age kagarak o.

Ndawi Iya 5:1

Niriluk o. Noreeluk o. An neyabu me unggwi nage, Namendek obari abe kaga kuwak eeke logonet, nggami inom kuwak eerogo pege, Nanggiin ta'mbanak inom, nanggiin amburu inom, nengge, Nanggur amburu inom, nayilak amburu inom, nengge, Eekirak o. Togop me, niniri-ninore yi wae. Mbi nunggwi, anggur amburu nunggwi, ee'nip o. Amburu ndonggorogon nenok, inale'nggen aganake menggi kwak, niniki-kiniki kunik logonet, kinoba ndonggo yuwak nduk eerit nogo logonip o.

Ndawi Iya 6:12

Aap nggweendo wim eeka nen wim eeri wundi noorak iniki ale'nggen mbake menggi kwak, Nimbirak lambuniyak mbaka'lek neegak yini-panip niniki ale'nggen alik negen ee'nake kagarak o.

Ndawi Iya 6:2

At niniki kunik nogo muk eyabu yarak me nagaarak o. Nage nagaarik, obari abe eeka yarak enggela'me andomba ndegeninabit nege, Waambi anggen mbanit nege, eerikit nduk, nagaarak o.

Ndawi Iya 7:12

Nimbirak kubondendok anggur awi yarak me eyo anggur agarip lagangge, ambit-mbit wake, Eyo delima ambit-mbit wappunuk, anggen yuurak eeke, Eeke kero, liippi nawok o. Nogo logomonggoorik, time nimbirak ninondogowak nik-nik yogo logowok o.

Ndawi Iya 7:13

Eeko logonet, iri'ngga elege ndaganaka obari eeka nogo kogwe, Yi anggen ndi anggen ombat abe maan mendek inom, ngget mendek inom, Kat niniki kunik nimbirak nawok nduk teppigirak nit logowam koorok wonage nogo mbanogo nunggwi, Eeko logowok o.

Marakut 11:13

Mbi abu eeke mbareegi, at Yetut nogo nda nen eyo wuli ambi engga mili lubu ari enegen nakkage nagagerik, “Eyo nogo anggen yugu ilik, lek a?” yinuk, alome panggorogon pekka nage nagagerik, anggen yuurak eyom awo ari waga'lek me, engga mban enegen kagagerak.

Lukat 13:7

Yugu lek mban ka nage nagagerik, at ayeloman eyabu unde nogo yoge logonet, Eyo wuli yi nogo anggen yugu mbanikit nduk, pekka waga'mban eeke neegak, tahun kenagan eereegerak kwe, anggen yugu lek mban me, nggween aanom warogo logokwak, muurogo nappu o.

Yaya 15:16

Kit nen an mii'nabulik o. Ata, an nen aret kit miikkinake nagagirik, kit anggen ambik mondok logorak mendek yi'nogo logobagip nduk, leenogo pinagareegirak o. Ti eerit nugu logonet, Ti mendek wo'niraawak o, yinuk, an nendage kumbunuk nogoba nggino yogwi kiinok, at nen wokkiraagin aret o.

Nappiigak 15:36

Nogome wonogogwaarik, ti'nuk, peebi at Pawulut nen, “Yi awi ndi awi ninogoba Yetut eeke nagagerak wone nogo yoranet nogo nogogum nogome ninoreewi Ala apuri nogo, Nonggop wonogwe iyaamun? Pegiinet nawok o,” yinuk, at Mbaranabat yoreegerak.