Ndawi Iya 5:6 - Ala Wone Peenok Peebi Mbanak

⁶ At niniki kunik eeke ake tu paarogo pigirak kwe, At eebe eenggi-iyok lek, lek aret agaarak kagarak o. Oone yo'negerak nogo, “Konenikit lak ao,” mbakirak kwe, Mbaganggerak mbaki, an nen kwaakirak kwe, at eebe kaga'lek aret wonage, Wiigirak kwe, oone yo'nega'lek aret wonage, Eekirak o.

Ndawi Iya 5:6 ပူးပေါင်းရင်းမြစ်များ

Wakkagagerak 42:28

Kage nagagerik, “Nawu mbato onggo pigirak nogo woolik muunogo negaruna yonggoppegerak wonage yi ka woraanip o.” Yorage mbareegi, at ambi nen at ambi yogak eeko logonet, “At Ala nen nit nonggop eeppinanege agaarik o?” yinuk, iniki abu ma'nage nagagerik, inagabiti nen inaganak wareegerak.

2 Tamuwen 16:10

Yoreegerak kwe, aap endagembogut nogo nen at Abitayi yoge logonet, “Kwe Teruya aagalogwe yi wae. An eeppanugwi nogo ti, kit kinobaalombok nen kooniyak lek o. At Aliku ALA nen, Ndawut pulunogo pu o, yoge paga pulunogo panugwi kenok, Nonggop nduk eeko ogotik o, yinuk, aap ta nen yoroorak mbakop?”

Ndawi 28:1

Kaliku ALA wae. Kat nayugum kwak aret me, Noone nggwok yokkege agarik o. Noone yokkege yi, Karuk logu negen eeppunuk wonage keenok, Aakumi kambunuk nogo menggam unggwi nogwe kwak, An nage neyo, yokkege neegak, Onggo yo'nega'lek koone lek puk logorak mage o.

Ndawi 30:7

Kaliku ALA wae. Nabuwa nen obeelom eeppanege paga Puut nu'lek menggi kwak eerogo panegendak kwe, Kenete kumaappatinuk wonagandak paga perak, “Nonggop nduk wonaga,” yinuk, nagabiti mbakirak o.

Ndawi 69:3

Togop ee'nake kenok, yeenggwa niruwak nduk, an noone nggwok mban ari neegak, Neebe ndeyak eerogo panege, Namili mbuk eerogo panege, Yeenggwa nirenok nduk, nogoba Ala pekkeegak mban eeke neegak, Nenegen andi eerogo panege, Eeke agaarik o.

Ndawi 77:3

Ala oba abe'nage kenok, niniki oone ari, Ninikime koonit nage neegak, Nomaawi lek ee'nabit unggwage, Eekerak o.

Ndawi 80:4

Komaawi Lombok Menggendak Kaliku ALA wae. Nit kapuri tamban eekwi niinok, Ka'luk lagangge menggi kwak, Kanini aagi wungge keegak, ne mande ari nagin o?

Kini Wuppiige 1:28

Ne ti eyom paga it aap ti nen an yo'neremenggaarak kwe, an wone onggo yoraga'lek puk age, An kwaa'nabit namenggaarak kwe, kwaa'neega'lek aret wonogwe, Eerugun o.

Ndawi Iya 5:2

An nogo yege logonet kwe, niniki woonik mban wonage me, Oone ari negen naruk konembunuk, “A puk! Ti an niniki kunik nogo nen tu puk-puk eeke kwa?” mbake neegak, At nen ari logonet, “Niniki kunik eekkake niriluk wae. Kat an narowe puume kwak, koba ambi aga'lek kigirikwe wonage o. An nanobak paga konaananggen luurogo pege, Oonikiya neeruwak paga miin anggen luuke, Eekerak me, tu paa'neyet o.”

Ndawi Iya 5:4

Yoge mbaki, at an niniki kunik eeke nen tungga enoona eenggi mambunuk, tu paarikit nduk lin wake kagak, Niniki ponok-ponok eeke logonet,

Ndawi Iya 6:1

Kumi ando iigak inenggela'me abu kigirikwe kat yi wae. At kiniki kunik eeke nogo nggeeme naga o? Ninom kwaarit nawok nen at kiniki kunik eeke nogo tu ngge paga nagaarak o?

Yetaya 12:1

Ne ti eyom paga kit nen yogo logonet, “Kaliku ALA wae. Aa'nduk kanini abet aret ninoba pinanege nagagindak kwe, yogondak nen kanini lek age, Niniki eyak wappinanege, Eeke me, Wa, lombok yokkogo ogoorik o.

Yetaya 50:2

An wagarak kwe, aap ineebe lek aret iige, An i'mbanggirak kwe, aap ambi oone yo'nega'lek wonage, Eekaarak ti nonggop nduk? Wondet eerogo pagarak neenggi kuwagaluk mbake, Ndi, kagap ndariyak nomaawi lek mbake, Eeke agandik ya? Niyo laut yenggenak, Porok yu o, yoge neenok porok ari, Niyo wage menggim niyo lek karume aruwak o, yoge neenok, age, Eeke kenok, Niyo lek me, niyo abu nen ikan niyoome wonogwe nogo abok kanggwi, inobari alik negen aret ndi wukwi, Eeko menggaarak.

Yetaya 57:16

An neegak it aap iniki lek-lek arit unggwogwe, An ogobakkigirogo piyareegirak inambe aagi lek ogwe, Eerukwak, Maluk eekotak o, yinuk, mondok-mondok lok togon yorage, Mondok-mondok nanini inoba piige, Eeke logogin lek o.

Yetaya 58:2

It aakumi ambi mendek nen obeelom mban eerit nugwi, Inogoba Ala kwak nen, Yogop ee'nu ndogop ee'nu, yorage nogo mbo pega'lek aret eerit nugwi, Eeko mengga kwak, Eerit nugwi negen eeppunuk logonet, Ko'lu-kii'me an eeke minggirak ineenu aruwak nduk an kwaa'nabit nugwi, Ninawone amburu liirogon mbambunuk eekoorak onggo ndak-ndak eeppinaniyak o, yinuk, yo'nugwi, Ndi, inikilom negen eeppunuk logonet, nalut eeri unggwogwe, Eeko logonet,

Yetaya 8:17

At apuri Yakup paga wiganak nen enete kogwe iyo, kumaappatinuk wonage Aliku ALA nogo an tokkage, Niniki at paga panggonak wonage, Eeke agarik o.

Leendawi 3:8

Noone nggwok paga, “Yeenggwa niru o,” yinuk, yoge kwe, an tamban eeke nogo at aruk konengga'lek mbo pege,

Oteya 5:15

“Ti eeke neenok, it nen, Nit maluk aret eeko o, yinuk, inomaluk awo pagangga'lek iigak, an wonage minggim ari naminggirak wonage logogin o. Wonage neegak, it an mu'neren wogwe, Aaninggin-paaninggin inoba kwi'naremenggerak ti paga, At ninom lambunuwok lak, ao, yinuk, an kwaa'nabit nugwi, Eerugun o, yinuk, yegerak me, yokkiragi o,” yoragagirak.

Oteya 5:6

At Aliku ALA ninom lambunuwok o, yinuk, Inaanggumi tapi-ndomba wonok nake pi woramenggaarak kwe, an ninom lambungga'lek aret wonogwe, It inenggela'me nen mbo piinok mbaganggirak neegwi, Eerugun o.

Takariya 7:13

At Omaawi Lombok Menggerak Aliku ALA nen ari logonet, “It wiirage neenok, Ninaruk koneniyak nineebi o, mba'nuk mbo pereegwaarak me, it nen nggino yo'nugwi iinok, an naruk koneniyak neebi o, yinuk, mbo pereegirak o.

Matiyut 26:75

Ayam oone ari mbareegi, at Yetut nen, “Ayam oone awo yaga'lek kagak, kat ne kenagan paga, Yetut ti, an neenggo'lek, yumunggun o,” yinuk, yoreegerak nogo, at Peterut iniki abe'nage mbareegi, wundi nanuk, iniki puru ari logonet, le nggwok yereegerak.

Marakut 14:72

ayam oone ne mbere paga yereegerak. Ari mbareegi, at Peterut nogo, “Ayam oone ne mbere paga yaga'lek kagak, kat nen ne kenagan paga, Yetut an neenggo'lek, yumunggun o,” yinuk, Yetut nen at yoreegerak nogo iniki abe'nage mbareegi, iniki puru ari logonet, le yereegerak.

Wayu 3:19

It aakumi an niniki kunik eeginake minggirak nogo ti, inaruk wake, iniki koonnaruwak nduk yawi inooke, eeke minggirak me, iniki koombunuk, inomaluk nggaruk togon mbo puwak o.

1 Tamuwen 28:6

Wake mbareegi, at Tawun nen, “At Aliku ALA ambi yo'niruwak,” mba'nuk, nggino yoreegerak kwe, at Aliku ALA nen onggo abi paga inom, yugum Urim paga inom, aap Ala nen yorage kagak yoraga paga inom, wone ambi abu yorulik.