Ndawi Iya 5:2 - Ala Wone Peenok Peebi Mbanak

² An nogo yege logonet kwe, niniki woonik mban wonage me, Oone ari negen naruk konembunuk, “A puk! Ti an niniki kunik nogo nen tu puk-puk eeke kwa?” mbake neegak, At nen ari logonet, “Niniki kunik eekkake niriluk wae. Kat an narowe puume kwak, koba ambi aga'lek kigirikwe wonage o. An nanobak paga konaananggen luurogo pege, Oonikiya neeruwak paga miin anggen luuke, Eekerak me, tu paa'neyet o.”

Ndawi Iya 5:2 ပူးပေါင်းရင်းမြစ်များ

Wakkagagerak 29:20

Yoge mbareegi, Yakup nogo kolaga Araken woorak nduk, yabu eeke kagak, tahun 7 eereegerak kwe, kolaga ti lombok koloorak iniki pereneegerak me, tahun 7 eereegerak kwe, “We ne mande wonage agarik,” mbareegerak.

Ndawi 119:1

It maluk inoba lenggenak lek logonet eerit nugwi, Aliku ALA wone Muta liiru mbaneegerak nogo mugurok nogwe, Eeko menggaarak kenok, inale'nggen aret mbakwi,

Ndawi 81:10

O Metit nen wokkiren wundi wagagirak Naliku kinogoba Ala an aret o. An aret me, towe oo'nu inambe a aago wonogwe me Inagalo kumunuk mbanogo inambeme piya wage menggi kwak, An togop aret eeppinagage logorak mbakirak kwe,

Kini Wuppiige 23:26

Napuluk yi wae. Kiniki an paga panggombege, An eerit nage nogo kenegen liippaninuk eeke, Eeke logot o.

Ndawi Iya 1:16

Kat niniki kunik yi, keebe puluk lombok tawe wonage, Koone yanggik-yanggok yo'nege, Eeke menggendak me, Nimbirak iri'ngga mili abe ndoonak paga ninoba nabuk-nabak winnogo logogun o.

Ndawi Iya 2:10

Niniki kunik eeke nogo nen wone an yo'nege logonet, “Nore aberogon yi, mi'naru o. Nore abu kigirikwe yi, nawok nen omok o.

Ndawi Iya 2:14

Yugum ambe nggaganak puut eegwa'me narowe puume kumaarak wonage me, Kat kenete abu kigirikwe me, keyaakit nen kin age, Koone abu abe me, konenikit nduk, koone ari, Eeke logot o.

Ndawi Iya 2:8

Komologwe kinabulok o! Niniki kunik oone agan wage ti, koneninip o. Puut-puut paga ku'mbo wanggak wage, Puut teberogon paga mbo laganggak wage, Eerit wage yi, kaanip o.

Ndawi Iya 3:1

Oonikiya an nogo yege minggim logonet, At an niniki kunik eeke nogo, “Mandenom woramenggi?” yinuk, tokkagarak o. Niniki luunik tokkage wonagarak kwe, nowagam waga'lek aret kagarak o.

Ndawi Iya 4:7

Kat nore abu aberogon yi, Kenete kigirikwe lombok wonage, Keebe paga kawiindi-kawiinde eerak lek abu abe wonage, Eerak menggendak o.

Ndawi Iya 4:9

Niriluk o. Noreeluk o. Niniki abu mbanggen o. Kenegen ne ambit pilak yagandak paga, Kenggaanok me kayiinggen mendaarak ambiriluk pindanggegerak paga, Niniki mbanggendak o.

Ndawi Iya 5:11

Anobak mbuti emas at mendek mban kwak wonage, Eeruwak towe ya'ngge-ya'ngge eeruwak mili nogu eerak kwak yoguk-yagak ari,

Ndawi Iya 5:6

At niniki kunik eeke ake tu paarogo pigirak kwe, At eebe eenggi-iyok lek, lek aret agaarak kagarak o. Oone yo'negerak nogo, “Konenikit lak ao,” mbakirak kwe, Mbaganggerak mbaki, an nen kwaakirak kwe, at eebe kaga'lek aret wonage, Wiigirak kwe, oone yo'nega'lek aret wonage, Eekirak o.

Ndawi Iya 6:9

Kat narowe puume kwak koba ambi aga'lek keebe abu kigirikwe alik mbeenak aret menggendak o. Kat kagalo aagaluk ambolom ndakkabeegerak me, kabuwa lombok mbake menggerak o. Komologwe korewologwe nen inigen keenok, “Kale'nggen o,” yinuk, yokkugwi, Nendagembogut an nakuwi abe wogo inom, luulu wogo inom, nogo nen kat tiyappagagwi, Eeko agaarik o.

Ndawi Iya 7:9

Ndi, kambe paga keyak mbannake nogo ti, anggur amburu abe kwak wonage, Eerak logowak o. Anggur amburu nogo ti, lek aga'lek at niniki kunik eeke yi, nogo yege kagak kwe, Ambe paga neyak toguk-toguk mban eeke logogin o.

Ndawi Iya 8:7

Aakumi iniki kunik aganakwi nogo ti, niyo ambik lombok nen tebenogo pege, Niyo wu'nuk wage logonet, wonok nage, Eeriyak meek o. Ndi, aap ambi nen iniki kunik ambi eeka'lek kenok, amendek abe ame wonage nogo abok aret waganogo kuniyak nduk eeremenggerak kwe, kuniyak meek me, aakumi nen at agi'ndok kanggo logogun o.

Yetaya 50:6

It an nooriyak eekwi iinok, nambot wogorage, Namboro wiiriyak eekwi iinok, nena koonogo nagiige, It meek eerogo panugwi, inawoori lengge eerogo panugwi, eekwi iinok, nenete kumaakkolaga'lek aret wonage, Eekirak o.

Yetaya 52:14

At enete ti, aap inete aret kwe, wakwi paga nano inete negen eerogo pege, Ndi, eebe aap aret kwe, wakwi paga nano negen age, Eereegerak me, It aakumi abok aret nen, Iya! yinuk, ineenggi ineyak mbanggologogwaarak.

Ndaniyen 8:18

At awo yo'nege kagak, nambuluk yipuk nggween paga ngginnagagirak wonage me, at nen an neebe pi'nake nagagerik, mippaneegerak.

Takariya 4:1

Aap ambi nogo yege me, eenik eeppogo mengga kwak, at nimbirak wone mbanggoorak malayikat nogo iyokan ne ambi neya wage nagaarik, an neenik eeppaninuk,

Matiyut 8:17

Ti eereegerak nogo ti, at Ala nen yoge kagak yoraga Yetaya nen ari logonet, “At nen andi-pandi ee'ninake nogo wagangge, Ndi, kugi andi lombok ee'ninake nogo lek eerogo pinanege, Eereegerak o,” yinuk, yoragagerak nogo, a'me lik yuwak nduk, aakumi obeelom aganake nagagerak.

Marakut 1:35

O kilim nagabikit nduk apit eeke kagak, Yetut eenik a'nuk wundi nage nagagerik, aakumi ineebe lek me time tamban eeri nagagerak.

Lukat 22:44

Eyak wappege mbareegi, iniki abu puru agan unggwage kagak, abuwa warak nggo-nggo tamban ambinom eereegerak. Eeke kagak, liigak wundeegerak nogo amiya anggen kilirik pogom nggween paga wambit nagagerak.

Lukat 6:12

Ti eyom paga Yetut tamban eerikit nduk, puurom lagi nagagerak. Lagi nage nagagerik, oonikiya Ala yoge tit kagak, o weereegerak.

Lukat 9:32

Mbanggwi iigak, aap Peterut oreewi inom abu nogo yuurak eeginabeegerak kwe, ineenik ogo nogogwaarik, Yetut abinak pindanggage kagak aap mbere Yetut inom wonogwe iyareegwaarak.

Yaya 10:4

At andomba lombok abok aret wogoret wundi nanuk, at aa'nduk nage kagak, at andomba nogo oone konenak me, at ambokan mugurok nogo menggaarak.

Nggalatiya 2:20

An Keritut nimbirak eyo karo-karo paga nabenogo paneegwaarak me, kambeegirak. Ndi, yogondak eerit nage minggirak nogo ti, an nomaawi paga lek o. Ata, Keritut omaawi eeppanege kagak eerit nage minggirak me, an nggween paga yime neegak, at Ala aput nabuwa mba'nuk, nake kambeegerak me, at abet mbake logonet, niniki at oba panggombunuk, eerit nage agarik o.

Wayu 14:4

It aap ti, kumi wogonakulik me, kumi inom mondok lambunulik aret menggaarak. Yi mendek ndi mendek aa'nduk mendek Ala ake pogo mengga kwak, aakumi ando iigak, it nogo mban Ala inom, at Ndomba Aagaluk inom, inake leenak logowak nduk, inonggo mbanogo inagap ndareegerak me, Ndomba Aagaluk nogo mban inom nugu menggaarak.

Wayu 3:20

An tunggambe paga mi'ndak logonet, tu puk-puk eeke nogo liippanuwak o. Aap ambi an tu puk-puk eeke nogo, aruk konembunuk, tu paa'neege kenok, an ka unggwage logominggirik, nimbirak niniki ambit lambunik nore-kore logonet, mbi nonggo logogun o.

Wayu 3:4

Togop kwe, it Taririt mendek ando mbuuluk mban inayum mili eekkolaga'lek obeelom mban eerit nugwi me, Kit obeelom aret o, yinuk, inayum laambu abe yirik ninom nugu logogun o.