Ndawi Iya 4:4 - Ala Wone Peenok Peebi Mbanak

⁴ Kenggaanok ti, wim eeka yi mendek ndi mendek pegak at Ndawut nen o abe nggorek wureegi kwak wonage, O time aap wakaa'ngget inanggeemu seribu tugunik kwak, kayiinggen togop aret yirik wonage,

Ndawi Iya 4:4 ပူးပေါင်းရင်းမြစ်များ

2 Tamuwen 1:21

Kit puut-puut Nggilobowa yi wae. Kit paga time aap kalu-kalu inanggeemu paga Aakumi inoorak inamiya lengge aago wonage, It aap wakaa'ngget nogo, Inamok Tawun anggeemu paga lenggek ari me, Yi'mbaani kunukwak amburu waka'lek wonage. Yonatan omaale wonok waga'lek namburogo nappege, Tawun awooluwak paga we wonok waga'lek amiya labunik mban wonok wage, Eeko menggaarak kwe, Kit puut-puut Nggilobowa paga inoorogo piigaarak me, Miinanggen inom, mayu inom, kineebe paga wambi wage, Ndi, kinanggween paga yi mendek ndi mendek yaremenggaarak kwe, Anggen abe yege, Eeke logogin mondok lek o.

2 Tamuwen 22:51

Nendagembogut mippaneegindak nogo Neegin tiyak yuwak nduk eeppanege, Amburu eerogo mippaneegindak nogo An Ndawut inom, napuri-nombowologwe inom, Ninabuwa nen eeppinanit wundi wage tit logomunggun o,” yinuk, ndawi paga Aliku ALA anep pereegerak nogo ti aret.

Nekemiya 3:19

at eeke nogo panggombunuk, yigin awi wurik me laganggo menggam enaame nen nok, unggut me kuli aap o Mitapa unde inowe Yetuwa aput Etet nen ogobakkigirogo pit nage,

Ndawi 144:12

Ti eeke keenok, ninapuri wologwe ti, Yi mendek ndi mendek awi yarak mbilangge nagaatik, Abe nggwok lagangge menggi kwak wonogwe, Ndi, ninapurilogwe komologwe ti, Aap endagembogut awi o nggwok abe wurik Eyak yinik paga enete abe kaawak nduk, Ayo waganogo pugu kwak wonogwe, Eerugun o.

Ndawi Iya 1:10

Kagandin paga abu kigirikwe lombok kobaanggi-kobaangge eerak wonage, Kenggaanok me kayiinggin-kayiinggen ngginuk aago wonage, Eerak me,

Ndawi Iya 7:4

Kenggaanok ti, tapi eyak nggorek abinak lan ari kwak wonage, Kenegen ti, tu ngga'nggi Mbatarabim koorok niyo yenggenak Ketiyabon kwak wonage, Kogobak ti, nggayo puut Libanon paga wurik me ena o kota Ndamatik paga wandu aago kwak wonage,

Ndawi Iya 7:5

Kanobak ti, puut Karemen tiyanak kwak wonage, Keeruwak ti, aap inendagembogut inayum yawenak kwak wonage, Eerak wonage me, Nendagembogut an nen keeruwak abe kenok, neenggi paga mbenak-mbenak eekkeyoorak mban ee'nake menggerak o.

Ndawi Iya 8:10

An ti, yugum pak wurik kwak aret wonage, Ndi, nelak ti, o nggorek wurik kwak wonage, Eerak wonage neenok, “Niniki kwippanega yi aret kagi,” yinuk, ale'nggen nombake menggerak o.

Mika 4:8

Ndomba wari wogwe iyo, nggayo paga inarum wonage, Tiyon aagalogwe yugum pak wurogo pereegi kwak puut Tiyon wonage, Eerak wonage O Yerutalem ti, Aa'nduk it yi aakumi ndi aakumi at abu'me piinok, wonagagerak kwak obaane'me ndak-ndak eerogo pege, Aap endagembogut o Yerutalem at paga logonet, wone lengganogo yorage nagagi kwak yorage logowak nduk, koonogo pege, Eerigin o,” yinuk, Aliku ALA nen aret yegerak me, yokkiragi o.

Kolote 2:19

Ninomanggen ambit paga nineenggi-niniyok yeregerak-peregerak abok aret ninanobak inom yinik-kunik aago logonet, nineebe tawe ogo monggo kwak, nit ninanobak Keritut ninom togop aret kunik me, at Ala nen, “Keritut eebe wigak yuwak,” mba'nuk, ee'ninake menggerak nogo kagak, it aakumi ti, iniki wogoppako logonet, inanobak Keritut nogo mbo punuk, inom kunik lek ugun nugwi me, inoone konenggo logogup o.

1 Peterut 1:5

Ninake pinanogo wonage kola noorak nit nogo ti, abet mbakwi niinok, Ala nen o age yobok paga ninagap ndariyak kooneegerak nogo, peebi togop ndak-ndak eeppinanikit nduk, yogondak Ala omaawi paga nggelorogon pinanogo wonage nogo, ninake aret pipuk eerogo pinaneegerak mbogut paga wonage o.