Ndawi Iya 4:3 - Ala Wone Peenok Peebi Mbanak

³ Kambe irip ti, keele maangga kunik kwak abe wonage, Kambe ti, nggawi paga nonggolak negen wonage, Kayum nobarak kagandin ti, eyo delima anggen poorak kwak koolo-koolo aago wonage,

Ndawi Iya 4:3 ပူးပေါင်းရင်းမြစ်များ

Wakkagagerak 32:10

Ari nagagerik, “An aa'nduk tu yi paga niyo Yoraran ene paga wundage logonet ti, we waanggun ambit mban neenggime aret wundagagirak kwe, yogondak perak, nineebe mbere aago wogwe me, nogoba kat kayeloman an nogo nobaabut maluk tit neegak kwe, kat nabuwa nen yo'nege nogo liippaninuk obeelom eeppanege menggendak o.

Etara 9:6

yoge, “Nogoba Ala o. Ninomaluk ambik lombok ninoba luurik wonage, ndi, ninomaluk eekoorak ti, mbogut kuli aret ari lagangge, eerak wonage paga niniki andi lombok logonet, nenggali mbakak kat nogoba nenggaawak pilarogon pekkeyoorak meek ee'nake o.

Ndawi 119:13

Eekaatak ndak-ndak eeppiigo logorak wone koone paga nen yo'nege menggendak nogo, An noone paga mbininogo yoranet nege,

Ndawi 37:30

Aap iniki warak nen yogo mengga kwak It iniki abe koonak nen inoone togop aret yogwe, Eekaatak ndak-ndak eeppiigo logorak kenok mban agan nugwi, Eeko menggaarak.

Ndawi 45:2

Aap ando obeelom negen iigak, Kalik perak, abu obeelom lombok wonage, Koone abu abe yanggorogon mban ari, Eeke menggendak me, Ala ale'nggen koba pagareegerak Mondok-mondok aret wonage agaarik o.

Kini Wuppiige 10:13

It aap iniki warak nen yogwe nogo ti, yi wone ndi wone yelok kaga nen inoone yogwe aret iigo menggaarak kwe, Muun yawi pipuk aago wonage ti, iniki kole aga'lek inomarip ake punik aret menggerak.

Kini Wuppiige 31:26

Iniki warak lombok logonet, wone kenaarogo mbangge, Oone liippunuk, yanggorogon mamunirage,

Ndawi Iya 1:5

O Yerutalem aagalogwe komologwe yi wae. An ti, neebe mili aret kwe, kigirikwe aret agarik o. Aap Kerat mendek inawooliya wurik mili kwak, Aap Talomo awi yum pugagi ambe mbanak me tugunik menggi kwak, An togop aret wonage agarik o.

Ndawi Iya 4:11

Kwe noreeluk yi wae. Nggiin ta'mbanak me nen amburu puk wanggak eeke menggi kwak, kambe paga nen koone aberogon ari, Nggiin amburu kwak, elak amburu kwak, kamili abu'me wonage, Puut Libanon obari abe menggi kwak, kayum obari abe wonage, Eeke keegi o.

Ndawi Iya 5:13

Agandin ti, obari abe eeka yabume yarak kwak wonage, At ambe ti, waambi anggen laambu kwak logonet, oone nggami amburu puk wanggak eeke kwak ari,

Ndawi Iya 5:16

Oone ari ti, abu abe yanggik-yanggok ari, At eebe paga inom, eerit nage paga inom, abok aret abu aberogon wonage, Eerak menggerak o. O Yerutalem aagalogwe komologwe yi wae. At noreeluk niniki kunik eeke nogo ti aret me yagi o.

Ndawi Iya 6:7

Kayum kagandin nobarak ti, eyo delima anggen poorak kwak koolo-koolo aago wonage,

Ndawi Iya 7:9

Ndi, kambe paga keyak mbannake nogo ti, anggur amburu abe kwak wonage, Eerak logowak o. Anggur amburu nogo ti, lek aga'lek at niniki kunik eeke yi, nogo yege kagak kwe, Ambe paga neyak toguk-toguk mban eeke logogin o.

Yetikiyen 16:63

Ndi, at eerit nege nagagerak nogo lek eerogo punuk, nimbirak lambungge neenok, at eeke nagagerak abe'nage logonet, Ndogop eeriyak mendek eekirak, ao, yinuk, mbake, ndi, mondok enggali mbarit unggwage kenok, wone ambi yigin lek mondok-mondok puk age, eerigin o, yinuk, Naliku Nitok Minggirak an ALA nen aret yagarak me, yoru o,” yinuk, wone yi abok aret an yo'nege mbareegi, yoreegirak.

Ala Unde 14:4

aap awin obeelom aremenggerak nogo, aap inagap ki wonogwe me nege logowak nduk, aap an neebe unde nogo nen towe noorak mage lek ineenik mbere inom, eyo nggabina inom, ndomba eeruwak laanak amu kunik inom, nggo'nggop engga inom, wonok woraawak nduk, yorage logomenggerik, wonok wogwe iinok,

Ala Unde 14:6

at an neebe unde nen towe eenik wonage nogo inom, eyo nggabina inom, ndomba eeruwak laanak amu kunik inom, nggo'nggop engga inom, waganogo towe niyo mili toolak irimbaga warak amiya nogo paga nggulunogo punuk,

Linggineegwaarak 19:6

Kunggwi iinok, aap an neebe unde nogo nen eyo nggabina inom, nggo'nggop engga inom, ndomba eeruwak laanak maa'ngga kunik inom, wagangge logomenggerik, tapi kani nengge me oolome nogome mbo mambuwak o.

Linggineegwaarak 4:8

yum maa'ngga anggup kunik obaga lenggenogo pugwi, ti'nuk, lumba-lumba agabolo ogombaga wunom lenggenogo pugwi, eerogo punuk, eyo eewu'nuk naga nogo nonggonogo puwak o.

Matiyut 12:35

Aap obeelom mendek nogo ti, inikime obeelom mendek yugu paga obeelom aret eeke menggerak. Ndi, aap maluk mendek nogo ti, inikime maluk mendek yugu paga maluk aret eeke menggerak.

Lukat 4:22

Yorage mbareegi, it aakumi abok aret, “Wone ti abet aret yigi o,” yinuk, at wone abe kigirikwe ari me, “Wi!” yinuk, pi wako logonet, “Yi aap Yutup aput nogo lek a?” yinuk, yogogwaarak.

Epetut 4:29

Wone maluk mendek kinambe paga nen wumbi woroorak ti mage o. Ata, it konenggwi nogo nen, “Ninabuwa nen yo'nirogwe iigo o,” yuwak nduk, aaninggin ambi inoba age kenok, iniki kole eeppiyoorak wone mban yogo logonip o.

Kolote 4:6

Yi aakumi ndi aakumi inoone yokkira wogwe iinok, onggo yorogo logonet, mbiingga ombat abe kaawak nduk, mayu eeko mengga kwak, kit togop aret kinoone ale lek inabuwa mbako logonet, yanggorogon yorogo logonip o.

Iberani 9:19

Ata, at Ala nen, “Yogop ee'nu, ndogop ee'nu,” yinuk, wone nogo abu yoge mbareegi, it Yakuri nen eebe aret eeko logowak nduk, Muta nen wone nogo abok aret mbininogo yorage nagagerik, tapi-ndomba amiya niyo inom tooppunuk, ndomba eeruwak maa'ngga warak yigirok paga kunogo tamombunuk, mbuku pirik-perek aago liiru mbanak paga inom, aakumi ineebe paga inom, abok aret werenogo nagabit nagagerak.

Yotuwa 2:18

nit o yime tebenggola unggwi wogwe niinok, kat nen keele laambu maa'ngga kunik lombok yi, waganogo wukagi ambe mbanak me nit wumbinani wagandak yi paga pugunogo punuk, kat kagalomini-kogobamini inom, kiruwi-koreewi inom, kit ndarak linik-lenok abok aret kame kuwak eeppiinok wonage kenok, teppinagagun o. Ndi, lek kenok perak, wone yokkogoorak yi, a'me lik yigin lek o.