Ndawi Iya 4:16 - Ala Wone Peenok Peebi Mbanak

¹⁶ O wiya o omarip paga pa'nggwe waka wae. Mi'naru o. O wiya o ame pa'nggwe waka yi wae. Omok o. An neyabu yarak me obari abe wonage nogo wiganinuk nawak nen warit wage logot o. At an niniki kunik eeke yi, eyabu yarak me unggwi wage, Eyo anggen ombat abe yit nage nogo at nengge, Eeke logowak o.

Ndawi Iya 4:16 ပူးပေါင်းရင်းမြစ်များ

Wone Alom Kibingga 1:6

O wiya o omarip paga nen warit wage nagaatik, wangge'nuk, o ame paga nen nombok-kombok warit negetak-negetak iyokan ame aret ari nage menggerak.

Wone Alom Kibingga 2:5

yabu yagat wurogo pit nanuk, iri'ngga-kale'ngga anggen laambu awi yarogo pit nage, yi eyo ndi eyo alitak lombok anggen yege menggerak awi yarogo pit nage, eereegirak.

Ndawi Iya 1:13

Nelak aru-ogwe kagak oolo nggami ninikinggup me pugunik obari abe eeka kwak kat niniki kunik yi, togop aret wonage,

Ndawi Iya 1:4

Togop me, nit mbet-mbet nawok nduk, an kat kambokan woraakit nen, “Omok o,” yo'niru o. Nowe kendagembogut yi wae. An wo'neren kago ogoorak me pani wagandak wonage agarik o. Kat keenok, ninale'nggen nggwok lombok mbakwi, Kat eeke keenok, niniki ale'nggen alik negen kogwe, Anggur amburu noorak ninikilom mbuuluk mbakwi kwe, kat ninoreeluk abuwa nen kiniki kunik eekendak paga kat tiyappagagwi, Eeko ogoorik o. It komologwe kat tiyappagarak ti abu obeelom aret o.

Ndawi Iya 2:3

Yi eyo ndi eyo eyonggaame wonage enggela'me eyo anggen abe wonage menggi kwak At niniki kunik eebe ti, wologwe tawe inenggela'me togop aret menggerak o. At angguna'me kwi'nariyak ninikilom mbake, At anggen ti, ombat abe lombok kage, Eeke minggirak o.

Ndawi Iya 2:8

Komologwe kinabulok o! Niniki kunik oone agan wage ti, koneninip o. Puut-puut paga ku'mbo wanggak wage, Puut teberogon paga mbo laganggak wage, Eerit wage yi, kaanip o.

Ndawi Iya 5:1

Niriluk o. Noreeluk o. An neyabu me unggwi nage, Namendek obari abe kaga kuwak eeke logonet, nggami inom kuwak eerogo pege, Nanggiin ta'mbanak inom, nanggiin amburu inom, nengge, Nanggur amburu inom, nayilak amburu inom, nengge, Eekirak o. Togop me, niniri-ninore yi wae. Mbi nunggwi, anggur amburu nunggwi, ee'nip o. Amburu ndonggorogon nenok, inale'nggen aganake menggi kwak, niniki-kiniki kunik logonet, kinoba ndonggo yuwak nduk eerit nogo logonip o.

Ndawi Iya 6:2

At niniki kunik nogo muk eyabu yarak me nagaarak o. Nage nagaarik, obari abe eeka yarak enggela'me andomba ndegeninabit nege, Waambi anggen mbanit nege, eerikit nduk, nagaarak o.

Ndawi Iya 8:12

An neyabu anggur yarak ti perak, An mban unde logonet, nobaalombok koongge minggirak me, Wu seribu ti, kendagembogut kat Talomo wokkege, Ndi, wu dua ratus ti, it aap anggen mbanak unde wonogwe nogo wogorage, Eeke agarik o.

Yetaya 64:1

Ai, nogoba. Kat mbogut paga tu paarogo punuk, keebe aret wura wage keegak, Puut-puut na'ndo-wa'ndo ari kane!

Yetikiyen 37:9

Inambe aagi wunaka'lek aret iige neegak, at nen an yo'nege logonet, “Aakumi nen ndarak yi wae. Inambe aagi eeriyak nogo yoret o. Inambe aagi eeriyak nogo yorage logonet, Aliku Itok Menggerak ALA nen yegerak nogo yi o. Aakumi inambe aagi ti, wiya o agi-ogu nen, aru-ogwe nen, warit wage menggim nen warit wage logonet, aakumi inoorak inowak nggininik yi, ineenik aruwak nduk, inikime unggwit woraawak o, yinuk, yoret,” yo'nereegerak me,

Matiyut 26:10

Yogwe nogo Yetut yelok iige nagagerik, it yorage logonet, “Kwe yi nen abu obeelom ee'nakerak me, nonggop nduk, mberogo ogotik?

Matiyut 26:12

Kwe yi nen amburu noba kilippanegerak nogo ti, an kangge neenok, neebe ndoome mambaniyak nogo nduk pipuk eerogo panegerak me, teppinip o.

Yaya 3:8

O wiya iniki nen aret warit nage kagak, oonebu ari mban karuk konengge kwe, alom ngga nen warit wage, nggeeme warit nage, nogo ti, kat keenggo'lek ugun kobak menggendak nogo ndak-ndak, it aakumi Aberiniki nen ndaganake nogo ti, ti pogom aret o.”

Yaya 5:8

Yoge mbareegi, Yetut nen at yoge logonet, “Wulaga! Mi'na'nuk ndoonak nogo yege menggendak nogo ko'nok nak o.”

Nappiigak 4:31

Tamban eeko mbareegwa, o it wonogwe nogo nuk ari logonet, Aberiniki inikime lik yi unggwage mbareegi, inagabiti lek logonet, Ala wone yoranet nugu nogogwaarak.

Oroma 15:28

It kuwak eerogo pogo nagaarak nogo, enaani aret wonok wogora nage logominggirik, “An eeriyak noba paneegwaarak nogo abu worok togon eeki o,” yinuk, time nen o Itapaniyot nage logonet, kit pekkiigak woraagin o.

1 Peterut 2:5

Ala nen ari logonet, “An nen yugum onggo nggwok omaawi yangguk yuurak lek mendek o Tiyon paga ndoonogo piminggirak me, Aap ambi yugum ti paga iniki oba panggombege kenok, enggali arigin lek o,” yinuk, yereegerak liiru mbanak wonage me, it aap Ala unde nen Ala awi wurik me Ala ake warogo pogo mengga kwak, kit togop aret Ala unde at ake leenak logonet, Yetut Keritut eereegerak paga Ala inikilom mbake menggerak mendek aakumi inake eeko logobagip nduk, yugum obaga lu'luk eerogo o wuko mengga kwak, Ala nen kit kineebe paga at awi wukkolage agaarik o.

2 Peterut 3:18

Ninogoba Ala iniki kunik nen eeppinanege menggerak nogo kit kiniki kole aruwak nduk, ambinom eeppinagage, ndi, at ninagap ndaka ninowe Yetut Keritut eebe kineenu aret kwe, ambinom kineenu arubagip nduk, eerogo pinagage, eeke logogin o. Yogondak nen, nok, mondok logorak kuli at eebe mondok tiyanak aret logowak o, yinuk, an Peterut nen abu aret yokkiragi o. Wa!