Ndawi Iya 3:7 - Ala Wone Peenok Peebi Mbanak

⁷ Lek o. Aap Talomo anggweendo paga wage kagak, it aap Iterali nagawan-nagawan wim eeka wakaa'ngget ineebe 60 nen wonok wogwe ti aret me, pegiyaanip o.

Ndawi Iya 3:7 ပူးပေါင်းရင်းမြစ်များ

1 Endagembogut 14:27

Wonok nage mbareegi, nggeemu ogobakkigirik wonok nagagerak nogo, obaane'me at endagembogut Erekabeyam nen mbuti tembaga paga ogobakkigirogo punuk, it aap inowe endagembogut awi o nggwok abe wurik tungga paga arum menggaarak inoweewi nogo nggeemu ti, unde eeppiyareegerak.

1 Endagembogut 9:22

Togop eeginake nagagerak kwe, it aakumi Iterali mendek perak, ayeloman eeginake logolik. It Iterali mendek nogo ti, ineegin warak logorak inom, at inom yabu eeko logorak inom, inoweewi inendage warak logorak inom, ineegin warak inoweewi logorak inom, nggweendo wim eeka unde logorak inom, nikkenok nega kuda unde logorak inom, ti mendek unde eeppiyareegerak.

2 Endagembogut 6:17

Yoge nagagerik, Elita tamban eeke logonet, “Kaliku nogoba ALA o. At enegen kaawak nduk, enegen tobo eerogo pu o.” Yoge mbareegi, at Aliku ALA nen ayeloman nogo enegen tobo eeppereegerak paga puut paga time kuda inom, nggweendo kani kunik negen inom, at Elita wonage me, enaagan-ambokan wanggeppunuk wonogwe iyareegerak.

Nekemiya 4:13

it aakumi inawuri ndegek lombok inobaloowi inom, inawooluwak inom, ineegin inom, porogo logonet tum wako logowak nduk, an nen yugum pak uum pega'lek ambokan nogome piinet nagagirak.

Ndawi Iya 1:16

Kat niniki kunik yi, keebe puluk lombok tawe wonage, Koone yanggik-yanggok yo'nege, Eeke menggendak me, Nimbirak iri'ngga mili abe ndoonak paga ninoba nabuk-nabak winnogo logogun o.

Ndawi Iya 3:6

Nggami inom, obari eeka aap kunggo menggaarak nen nenggelak-kenggelak eekwi obari abe kaga inom, Oba eerak yugum ka'luk kwit agan lagangge menggi kwak O karume nen eerit wage ti, ta o?

Ndawi Iya 3:8

It abok aret ti, oonikiya inamineeri ne agan naga mendek nen aganake kero, Inalitik-inalitak wim inigen amburu mbanak nen mbuti wooluwak li'luk eeppunuk wogwe, Mbuti wooluwak ineenggime nutik wogwe, Eeko agaarik o.

Ndawi Iya 3:9

Aap endagembogut Talomo nen aret at anggweendo ogobakkigirogo pake, Eyo Libanon mendek paga ogobakkigike, Eeke logonet,

Iberani 1:14

Ndi, it malayikat ti nonggop negen menggaarak mbakop? Lek o. It nogo aakumi inogoma ninigen iiga'lek nogo pogom logonet, Ala ake eeko menggaarak me, Ala nen aakumi inagap ndaruwak nduk, leenogo piyareegerak nogo, yeenggwaaraawak nduk, yonggo nappiige menggerak it aret o.

1 Tamuwen 14:52

Ndi, at Tawun eenik wonage logonet, anggon-panggon tit kagak, aap Pilitin mendek inom wim kulinik-kalinik mondok iya tit eeke nagagerak. Eeke logonet, it aap Iterali mendek wakaa'ngget kero mban at awuri ineegin warak logowak nduk, enegen yomboonogo leeninake nagagerak.

1 Tamuwen 28:2

Yoge mbareegi, at Ndawut nen, “Nambukwi paga mban an kayeloman eeke neyaamunggun o.” Yoge mbareegi, Akit nen onggo ari logonet, “Ti kenok, kat nen neebe narum mondok logonok nduk, mippagagi o,” yoreegerak.

1 Tamuwen 8:16

At eyabu eeppiigak yuurak nduk kit kinayeloman kumi-aap wogonake, kinaanggumi tapi-keledai abu obeelom kero mban wagangge,