Ndawi Iya 3:6 - Ala Wone Peenok Peebi Mbanak

⁶ Nggami inom, obari eeka aap kunggo menggaarak nen nenggelak-kenggelak eekwi obari abe kaga inom, Oba eerak yugum ka'luk kwit agan lagangge menggi kwak O karume nen eerit wage ti, ta o?

Ndawi Iya 3:6 ပူးပေါင်းရင်းမြစ်များ

Wundeegwaarak 30:34

At Aliku ALA nen Muta ambinom yoge logonet, “Obari obeelom eeka eyo kilu negen amburu inom, tagap anggen agabolo inom, eyo wuli amburu inom, obari abu obeelom eyo tin amburu inom, ambi mbuuluk ambi nggwok lek ndak-ndak mban wagangge logomenggendik,

Kini Wuppiige 7:17

Winnaruwam obari abe aruwak nduk, eyo yibinggami inom, eyo ni inom, nggo'nggop inom, yigirogo pit nage, Eekirak o.

Ndawi Iya 1:13

Nelak aru-ogwe kagak oolo nggami ninikinggup me pugunik obari abe eeka kwak kat niniki kunik yi, togop aret wonage,

Ndawi Iya 1:3

Obari kagabolo paga aago ti, abu aberogon aret o. Kendage ti, obari abe eeka kilirik kwak aret wonage me, Komologwe tawe abok aret iniki kunik eekkako agaarik o.

Ndawi Iya 3:7

Lek o. Aap Talomo anggweendo paga wage kagak, it aap Iterali nagawan-nagawan wim eeka wakaa'ngget ineebe 60 nen wonok wogwe ti aret me, pegiyaanip o.

Ndawi Iya 4:6

O wiya kubondendok warit wage logonet, inagalu'mak awo lek eerogo pega'lek kagak, An nen puut eyo nggami ambik wonage menggim lagi nage, Puut obari abe kaga menggim lagi nage, Eerigin o.

Ndawi Iya 5:13

Agandin ti, obari abe eeka yabume yarak kwak wonage, At ambe ti, waambi anggen laambu kwak logonet, oone nggami amburu puk wanggak eeke kwak ari,

Ndawi Iya 5:5

At niniki kunik nogo ake tu paarogo pikit nduk, neenik a'nuk, Nggami amburu neenggime nen puk wanggak negen eeke, Nggami ogogwe neenggime nen nggalo agan tungga'nggi agale paga negen labuni nage, Eeke kagak,

Ndawi Iya 8:5

O karume nen kwe iniki kunik imbirak pangget-pangget aago wage ti ta o? Eyo anggen abe abu'me an nen kat keenik eeppagagirak o. Time nen kat kagalo inikime logonggake, Time nen yagan wake logonet, kat ndakkake, Eereegerak o.

Yetaya 43:19

Ata, an ngget mendek eeke yi, liippogo logowak o. An ngget mendek eeke o yogondak kin age yi, yelok kaga'lek agaarik ya? An nen tu o karume yarogo pit wage, Aakumi lek me karume niyo nage logowak nduk, koonogo pege, Eeke agarik o.

Yeremiya 31:2

“It aakumi Iterali wooluwak paga inookugak ando mbaganit o karume nanuk tat yonggonggologwe wonogwe iigak, Obeelom eerogo piyaagin o,” yinuk, Aliku ALA nen aret yegerak o.

Oteya 9:10

Aliku ALA nen ari logonet, “O karume anggur anggen yugu kogo nagaatik, inale'nggen mbako mengga kwak, It Iterali aa'nduk lombok iige nagagirik, nale'nggen ambik mbake, Eyo wuli anggen aa'nduk yugu nogo kogo nagaatik, inale'nggen mbako mengga kwak, It Iterali inombomini iige nagagirik, nale'nggen mbake, Eereegirak kwe, Puut Peyot paga woraanuk, ogole warak kugi Mba'an ake ineebe nggomoorogo pakwi, Mugurok nogo logonet, ogole warak iniki kunik eereegwaarak nogo, ineebe ndak-ndak inogole warak aret eekkologwe, Eereegwaarak o.

Matiyut 2:11

Nogo nogogwaarik, oome unggunuk, elege nogo agalo Mariya imbirak iigo nogogwaarik, ineebe tebe yinuk, elege nogo ayuk wureegwaarak. Ayuk wuko nogogwaarik, inamendek obeelom lombok mbuti emas inom, yibinggami inom, eyo mur amburu inom, kilirogo wogoreegwaarak.

Pelaareegerak 8:2

At Aliku kinogoba Ala nen tu karume wokkiren wage logonet, It aakumi yi, Yogop ee'nu ndogop ee'nu, an yorage nogo liirogon porogo wonogwe iyaamun ilik, lek a? yinuk, kinikime nano wonage nogo eenu arikit nduk, kinabut mbangge, kiniki tebenak logomunggup nduk eeppinagage, eeke kagak, tahun 40 aret eereegerak nogo kiniki abe'nip o.

Pilipi 4:18

Kit nappani wogogutak nogo, abok aret waganeegirak me, lek aga'lek wonage aret o. Ala ake pugu kani kunggwi obari obeelom kenok Ala nen, “Op wo'nega o,” yinuk, iniki ale'nggen mbake menggi kwak, kit an nake pugu aap Epapororitut nen wo'niruwak nduk nappi wogogutak nogo, wonok niri wage mbareegi, wagangge nagagirik, ndiinik-piinik agago pereegirak lek aga'lek wonage aret o.

Wayu 12:14

wake kero, o at logowam ogobakkigirogo pereegim karume nogome nawak nduk, Ala nen towe wu a'naabit kokwak, kwe nogo, a'naabit warak eeppege mbaki, wuga agan o nogome namenggerak wonage me, Ala nen arum wonage kagak, tahun kenagan eeppunuk, ambi oolo eeruwak nduk, nage kagarak.

Wayu 12:6

Pi lagangge mbaki, agalo nogo, logowam Ala nen ogobakkigirogo pereegim karume aakumi lek me time kole nagaarak wonage me, Ala nen arum wonage kagak, nogo seribu dua ratus enam puluh yit nage kagarak o.

Wayu 18:13

liboongga inom, kiinde inom, obari abe kaga inom, inagabolo abe kaawak nduk, eyo mur amburu mbenanggwi inom, eyo yibinggami amburu nogo inom, anggur amburu inom, tayitun amburu inom, gandum anggen abe yigirik inom, gandum anggen mbanak inom, tapi-ndomba inom, kuda inom, kuda nikkenok nega nggweendo inom, aakumi ayeloman logowak nduk ineebe kunggologwe inom, aakumi inogut inom, yi mendek ndi mendek anebunu pereegerak abok aret, nit kunggo monggom wonage kwe, ninamendek yi, taani nen kunggola wogo logogun o? yinuk, Ai-ao, yugun o.

Wayu 5:8

Wagangge mbaki, it aakumi nen iigulik mendek ineebe 4 nogo inom, mbogut paga wonogwe inoweewi ineebe 24 nogo inom, Ndomba Aagaluk nogo abu'me tebe yinuk,