Ndawi Iya 3:4 - Ala Wone Peenok Peebi Mbanak

⁴ Logonuk lek aret it mbo piinok, at niniki kunik eeke nogo kwaakkage nagarik, eebe pippunuk, At mbo pega'lek wonok nugwa nagalo ame nanuk, At nda'nake nagagim o ko ogoorak me unggwi nagarak o.

Ndawi Iya 3:4 ပူးပေါင်းရင်းမြစ်များ

Wakkagagerak 32:26

Worok yege mbareegi, aap nogo nen ari logonet, “O muk aret kilim nagakerak me, naakit nduk, keenggi teppanu o.” Yoreegerak kwe, at Yakup nen, “Kale'nggen noba panega'lek me, teppagagin lek o.”

Kini Wuppiige 4:13

An wone mamunggege yi, mbo puurak mage o. Ata, nggirik-nggerok porogo wonage, Wone yi eeke paga keenik logorak me, liirogon unde wake, Eeke logot o.

Kini Wuppiige 8:17

It aakumi iniki kunik ee'nakwi nogo an nen niniki kunik eeginake, It an kwaa'nabit nugwi nogo kwaa'neyaawak nduk, neebe nigiige, Eeke minggirak o.

Ndawi Iya 1:7

Kat an niniki kunik lombok eekkake nore yi wae. Kaanggumi ndomba wogoren nege menggenom nggeeme wonage? O liingge kaanggumi ndomba wimbiinok menggenom nggeeme wonage? Eeke nogo an yo'niru o. Kat koreewi inaanggumi wogoren nugwi iigak, kat inenggela'me wonage keyo, kwe mbabilu kwak an nen ya pekkeegak nda pekkeegak nege logorak op mbaken?

Ndawi Iya 6:12

Aap nggweendo wim eeka nen wim eeri wundi noorak iniki ale'nggen mbake menggi kwak, Nimbirak lambuniyak mbaka'lek neegak yini-panip niniki ale'nggen alik negen ee'nake kagarak o.

Ndawi Iya 7:5

Kanobak ti, puut Karemen tiyanak kwak wonage, Keeruwak ti, aap inendagembogut inayum yawenak kwak wonage, Eerak wonage me, Nendagembogut an nen keeruwak abe kenok, neenggi paga mbenak-mbenak eekkeyoorak mban ee'nake menggerak o.

Ndawi Iya 8:2

Kat ninondogowak nik-nik yogwe mamunnabenok nduk, An nen wokkeren nagalo ame an nda'nake nagagim pagi nage, Anggur amburu obari abe mendek inom nenggelak-kenggelak eerogo punuk, nanok nduk wokkege, Delima anggen amburu inom wokkege, Ee'netak o.

Yetaya 45:19

Wone an yorage nogo kote kumaarogo yorage, An o yumaak me lombok logonet yorage, An aanom warogo kwaa'nabit nugu logowak nduk, Yakup paga wiganak nogo yorage, Eerulik o. An ti, Naliku ALA aret me, wone abet mban ari, An wone koonak mban mbangge, Eeke minggirak o,” yinuk, yegerak me, yagi o.

Yeremiya 29:13

Iniki mbere lek ambit a'nuk, kwaa'nabit wogo logomenggaarik, an kwaa'neyaagun,” yegerak o.

Leendawi 3:25

It aakumi Aliku ALA iniki lunik wonogwe, Iniki nen at mugurok nugwi, Eekwi iinok, At nen obeelom eeppiige menggerak o.

Matiyut 28:9

Yetut inom aabuk ogo nogogwaarik, it yorage logonet, “Niriwi wa,” yorage mbareegi, it kumi nogo owagam panggo yi nogo nogogwaarik, iyok ineenggi pippunuk, ayuk wurogo alut eereegwaarak.

Matiyut 7:7

Yorage nagagerik, ambinom yorage logonet, “It aakumi nggino yorogwe iinok, wogorogwe, kwaakwi iinok, kwaakkologwe, Tu paa'niyet, yorogwe iinok, paariigwi, eeko menggaarak me, nggino yogwi kiinok, wokkirage, kwaakwi kiinok, kwaakkirage, Tu paa'niyet o, yogwi kiinok, paakkiige, eeke kaabagip nduk, kit nen nggino yogwi, kwaarit nugwi, Tu paa'niyet, yogwi, eeko logonip o.

Oroma 8:35

Keritut ninom kunik lombok wonogwe me, ta nen ogoorogo ninalitak eeppinanigin mbakop? Andi-pandi ninoba kwi'nage, aaninggin-paaninggin ninoba age, piyak-payak eerogo pinanugwi, mbi noogelo ee'ninake, ninageerok ndinggologo logonet, we ninagap mbelanak eerogo pinanugwi, wim kurumbi yo'nirogwe, karugum ne eerogo ninookwi, ti mendek abok aret ninoba aremenggerak paga nen Keritut ninom ogoorogo pinanigin mbakop? Mondok lek o.

Nggalatiya 4:26

Ndi, o Yerutalem agi mbogut paga nogo ti, at akwe abe wogo nogo kokwak me, at Tara nen wone yugu abet mbareegerak paga aagaluk ndareegerak kokwak, nit kunduk, “Yogop ee'nu, ndogop ee'nu,” yereegerak nogo eekwi paga lek o. Ata, abet mbakwi paga o Yerutalem agi mbogut paga mendek ogoorik o.