Ndawi Iya 2:9 - Ala Wone Peenok Peebi Mbanak

⁹ Niniki kunik eeke ti, Kijang kwak, rusa aagaluk kwak, wonage menggerak o. Nawi kobat nabenak unggu'me at eebe mi'ndak wonage, Ena pugagi mbanak me ya managak nage, Eyo karo-karo mbaro-karo aago eno mbanak me enggaanok wonok ari, Eeke ti, kaanip o.

Ndawi Iya 2:9 ပူးပေါင်းရင်းမြစ်များ

2 Tamuwen 2:18

Ndi, Teruya aagalogwe ineebe kenagan inendage Yowap, Abitayi, Atayen, inom time aret wonogwe me, at Abenet nogo, mbaganit nage mbareegi, mba'ngge penaame nen nggare agan nage menggi kwak, at Atayen nogo ogowa ambik me, ena agigan-ogugan aga'lek mondok nggare agan mugurok nage me,

Kini Wuppiige 5:19

Kit kinakuwi ti, Rusa eebe amuni mbanak kwak, kinom abe wonogwe, Rusa kwak kijang amuni mbanak nege kwak kinom nugwi, Eeko logomunggup me, Kinakuwi inelak paga kiniki kwippinagagwi, Kinabuwa lombok kinombakwi paga yilunogo pinagagwi, Eeko logowak o.

Kini Wuppiige 6:5

Nggwiya pigaganggaatak ineenggime nen perak togon mbagangge, Towe pigaganggaatak ineenggime nen perak togon wungge, Eeke menggi kwak Wone ti paga yilinik logukwak perak togon wungge logot o.

Kini Wuppiige 7:6

Ne ambi paga an nawi wurik me logonet, pugagi ambe mbanak me nen nena wunnage, Awe eyo karo-karo mbaro-karo aago me nen nenegen wunnage, Eeke nagarik,

Ndawi Iya 1:16

Kat niniki kunik yi, keebe puluk lombok tawe wonage, Koone yanggik-yanggok yo'nege, Eeke menggendak me, Nimbirak iri'ngga mili abe ndoonak paga ninoba nabuk-nabak winnogo logogun o.

Ndawi Iya 2:17

O wiya kubondendok wage logonet, inagalu'mak awo lek eerogo pega'lek kagak, At an niniki kunik yi, iyokan neya wage, Kijang inom, rusa aagalogwe inom, puut tiyak-tebek kagak nggare agan nugu mengga kwak, Mbe agan nowagam wage, Eeruwak lak, “Ao,” mbake agarik o.

Ndawi Iya 2:7

O Yerutalem aagalogwe komologwe kit yi wae. Kijang inom, rusa kooli penaame mendek inom, aap inoone yogonok lalok yogo mengga kwak eerukwak, “At iniki kunik imbirak inoba tayok yaga'lek iigak, ninoone yoraagun lek o,” yinuk, kumbuk mbaninip o.

Ndawi Iya 3:5

O Yerutalem aagalogwe komologwe kit yi wae. Kijang inom, rusa kooli penaame mendek inom, aap inoone yogonok lalok yogo mengga kwak eerukwak, “At iniki kunik imbirak inoba tayok yaga'lek iigak, ninoone yoraagun lek o,” yinuk, kumbuk mbaninip o.

Ndawi Iya 8:14

Kijang inom, rusa aagaluk inom, obari abe eeka puut-puut yarak me mbe agan nogo mengga kwak, Kat niniki kunik yi, mbet-mbet neya mok o.

Lukat 24:35

Iigo nogogwaarik, tu nogo logonet, eereegwaarak inom, mbi karerogo tumburirage kagak at yelok kogogwaarak nogo inom, abok aret mbininogo yorogogwaarak.

Yaya 12:41

At Yetaya wone yoragagerak nogo ti, Keritut abu tiyanak kage nagagerik, abok mbiningge logonet, yoragagerak.

Yaya 5:39

Ala wone liiru mbanak paga mondok nineenik ee'ninabigin, mba'nuk, liirogon malenggo monggotak. Ala wone liiru mbanak ti, an nabok paganak nogo liiru mbanak aret me,

Yaya 5:46

Kit kiniki Muta oba panggombunuk abet mba'netak en, at nen an nabok paganogo liiru mbaneegerak me, kiniki muk an noba panggombunuk, abet nomba'netak o.

1 Korindut 13:12

Nit yogondak wukagi yumaak me, pekkogo logonet, ninetenggen liirogon kogolik nogo pogom, ninogoba etenggen agalu'mok mban kogo monggoorak kwe, peebi at eebe ninom lambumbunuk perak, at etenggen ninigen lik togon aret kaagun o. Yogondak an ando mban neenu minggirak kwe, at nen an eeke minggirak abok aret liippaninuk eenu menggerak nogo ndak-ndak, an peebi at eeke nogo abok neenu arigin o.

Kolote 2:17

Ti eekwi nogo ti, peebi abe eeppinaniyak we ogut negen eeko nogogwaarak nogo, eebe muk eeppinaneegerak kagak eekwi me, tiyappugup o. Yogondak niniki ale'nggen eeppinaniyak eebe nogo ti, Keritut aret me, at mban tiyappogo logonip o.

Iberani 10:1

Wone Muta yoreegerak eerit nogo nogogwaarak nogo ti, eebe lek aret kwe, eebe peebi obeelom ee'ninaburak wone yugu nogo, we ogut wakkagak aret eeko nogogwaarak me, yi tahun ndi tahun tapi-ndomba nogo mendek mban warogo Ala wogogak eekaatak kwe, ti paga it wogori wogo nogogwaarak nogo obeelom ogo logolik.

Wayu 19:10

Yo'nege mbaki, abu'me tebe yinuk, alut eerikit nduk eeke me, at nen yo'nege logonet, “Togop eeriyak mage o. At Yetut wage nagagerik, Ala ndogop menggerak o, yinuk, paganogo yoragagerak wone koreewi waganggo nogogwaarik, porogo wonogwe nogo inom, kat inom, an kit pogom Ala ayeloman aret me, Ala abu'me tebe yinuk, at mban alut eeke logot o. At Yetut nen paganogo yorage nagagerak wone nogo ti, nit abok Aberiniki nen yo'nirage kagak yorogo monggoorak me nduk, yokkigi o,” yinuk, yo'nege kagarak.

Owak Loongga 5:28

Eeke kagak, Titera agalo nogo nen, Pugagi mbanak me nen wunnagak eeke logonet, Anggweendo waga'lek elaambirik nonggop nduk o? Aguda iniyogobit oone agan waga'lek nonggop aga o? Ari kenok,