Ndawi Iya 2:8 - Ala Wone Peenok Peebi Mbanak

⁸ Komologwe kinabulok o! Niniki kunik oone agan wage ti, koneninip o. Puut-puut paga ku'mbo wanggak wage, Puut teberogon paga mbo laganggak wage, Eerit wage yi, kaanip o.

Ndawi Iya 2:8 ပူးပေါင်းရင်းမြစ်များ

2 Tamuwen 6:16

Aliku ALA aloobut mbanak nogo, wonok Ndawut agota unggwi wogo logonet, at Ndawut iniki ale'nggen nen at Aliku ALA enggaanom paga ku'mbo nagak ogut-togut warit wage at akwe Tawun apuluk Mikan nogo, pugagi ambe mbanak me nen enegen wunggage nagagerik, inikime nen, “Aap yi agan wage abu neebi a!” mbareegerak.

Ndawi Iya 2:17

O wiya kubondendok wage logonet, inagalu'mak awo lek eerogo pega'lek kagak, At an niniki kunik yi, iyokan neya wage, Kijang inom, rusa aagalogwe inom, puut tiyak-tebek kagak nggare agan nugu mengga kwak, Mbe agan nowagam wage, Eeruwak lak, “Ao,” mbake agarik o.

Ndawi Iya 4:16

O wiya o omarip paga pa'nggwe waka wae. Mi'naru o. O wiya o ame pa'nggwe waka yi wae. Omok o. An neyabu yarak me obari abe wonage nogo wiganinuk nawak nen warit wage logot o. At an niniki kunik eeke yi, eyabu yarak me unggwi wage, Eyo anggen ombat abe yit nage nogo at nengge, Eeke logowak o.

Ndawi Iya 5:2

An nogo yege logonet kwe, niniki woonik mban wonage me, Oone ari negen naruk konembunuk, “A puk! Ti an niniki kunik nogo nen tu puk-puk eeke kwa?” mbake neegak, At nen ari logonet, “Niniki kunik eekkake niriluk wae. Kat an narowe puume kwak, koba ambi aga'lek kigirikwe wonage o. An nanobak paga konaananggen luurogo pege, Oonikiya neeruwak paga miin anggen luuke, Eekerak me, tu paa'neyet o.”

Yetaya 35:6

Ne ti eyom paga it aap inendop maluk nogo, rusa ku'mbonggak nege menggi kwak, ku'mbonggak nugwi, Inoone yogolik iniki apit nogo inoone warak a'nuk, inale'nggen nen keekok yogwe, Eeko logogun o. Ne ti eyom paga o karume niyo eneeri nggwok aret kilanogo wumbit wage, Karume kwe, niyo nggwok nage,

Yetaya 44:23

At Aliku ALA nen eerogo piigerak ti paga Kat mbogut yi wae. Kiniki ale'nggen nen ndawi wake, Kat nggween kiiniki yi wae. Kale'nggen nen keekok ari, Eeko logonip o. Aliku ALA nen it Yakup mendek wondet eerogo piige nagaarik, it Iterali mendek inigen kaawak nduk, Inenggela'me eeke nogo ti, Aliku ALA nen aret eeke me, Kit puut-puut inom, yi eyoongga ndi eyoongga inom, yi eyo ndi eyo inom, kit abok aret yi wae. Kiniki ale'nggen nggelok ari logonet, keekok piyanggogo logonip o.

Yetaya 52:7

It aap wone obeelom wone wonok wogwe, Lambumbagarak wone agan wogwe, Obeelom eeppagarak wone yokkiri wogwe, Kagap ndariyak wone yokkiri wogwe, Kogoba Ala ti, endagembogut aret o, yinuk, kat o Tiyon yokkugwi, Eekwi nogo Puut paga kin ari wogwe iinok, kiniki ale'nggen alik negen nggelok yigin me, iya o!

Yeremiya 48:27

At nen it Iterali mendek inagi'ndok kangge, It Iterali aap yogoot kiraaka inenggela'me inom wonogwe iinok, Mbelaappege logonet, anobak yelo-walo mban ari, Eeke logolik a?

Yaya 10:27

An nandomba ti, an noone konenggo menggaarak. An nen it neenu minggirak me, it nen an mu'neren wogo menggaarak.

Yaya 3:29

Kwe ambi aap nen wagangge kenok, kwe ti, aap waganeegerak nogo akwe aret o. At kwe kolage ore nogo ti, we inom logonet, aap kwe kolage nogo oone konengge kenok, ale'nggen ambik kage nogo pogom ti, an aret o, At eerit nage paga aakumi ambik at ka nogwe iinok, an niniki ale'nggen ambik ee'nake o.

Nappiigak 14:10

“Kiyok nggik togon mi'naru o,” yinuk, oone nggwok paga yoge mbareegi, at nogo pilak togon mi'na'nuk, nege nagagerak.

Nappiigak 3:8

pilak togon mi'nage nagagerik, nogome nege-wege eerit nege nagagerak. Nege-wege eerit nege nagagerik, ku'mbo wanggak agan Ala alut eerit Peterut Yaya inom Ala awi wurik me unggwi nagagerak

Wayu 3:20

An tunggambe paga mi'ndak logonet, tu puk-puk eeke nogo liippanuwak o. Aap ambi an tu puk-puk eeke nogo, aruk konembunuk, tu paa'neege kenok, an ka unggwage logominggirik, nimbirak niniki ambit lambunik nore-kore logonet, mbi nonggo logogun o.