Ndawi Iya 2:16 - Ala Wone Peenok Peebi Mbanak

¹⁶ An niniki kunik eeke ti, eebe an mendek wonage, Ndi, an neebe ti, at mendek wonage, Eeko ogoorik o. Waambi anggen yugu enggela'me andomba ndegeninake agaarik o.

Ndawi Iya 2:16 ပူးပေါင်းရင်းမြစ်များ

Ndawi 48:14

Puut yi paga menggerak Ala nogo ti, Mondok-mondok ninogoba Ala aret me, At nen ndegenninabit wundi wage tit kagak, Kambi noorak kuli aret ari woraagin o.

Ndawi 63:1

Ala wae. 1 Kat an nogoba Ala aret o. Iri'ngga laganggeelik nggween mbuk paga logonet, Niyo abu wen-wen eeginake menggi kwak, Kat keebe lombok keyaakit lak, “Ao,” kombake, An lombok nen nimbirak lambunikit lak, “Ao,” mbake, Eeke logonet, Kwaakkabit nege agarik o.

Ndawi Iya 1:7

Kat an niniki kunik lombok eekkake nore yi wae. Kaanggumi ndomba wogoren nege menggenom nggeeme wonage? O liingge kaanggumi ndomba wimbiinok menggenom nggeeme wonage? Eeke nogo an yo'niru o. Kat koreewi inaanggumi wogoren nugwi iigak, kat inenggela'me wonage keyo, kwe mbabilu kwak an nen ya pekkeegak nda pekkeegak nege logorak op mbaken?

Ndawi Iya 2:1

An ti nggalooli anggen o Taron mendek kwak, Waambi anggen o kobappaga mendek kwak, aret agarik o.

Ndawi Iya 4:5

Kelak mbere ti, rusa aagalogwe mbere kwak wonage, Kijang aagalogwe kulu'mbere waambi anggen enggela'me iri'ngga nenet nugwi kwak wonage, Eerak menggendak o.

Ndawi Iya 6:2

At niniki kunik nogo muk eyabu yarak me nagaarak o. Nage nagaarik, obari abe eeka yarak enggela'me andomba ndegeninabit nege, Waambi anggen mbanit nege, eerikit nduk, nagaarak o.

Ndawi Iya 6:3

An niniki kunik eeke ti, eebe an mendek wonage, ndi, An neebe ti, at mendek aret wonage, eeko ogoorik o. Waambi anggen yugu enggela'me ndomba ndegeninake agaarik o.

Ndawi Iya 7:10

An neebe ti, at niniki kunik eeke ake wonage, Ndi, at nen neebe uugwe lombok nombake, Eeko monggoorak o.

Ndawi Iya 7:11

Kat niniki kunik eeke yi, mok o. Kat nimbirak yabume nogwe, Nimbirak tuunggen yarak enggela'me nogo yugwi, Eeruwok nduk nawok o.

Ndawi Iya 7:13

Eeko logonet, iri'ngga elege ndaganaka obari eeka nogo kogwe, Yi anggen ndi anggen ombat abe maan mendek inom, ngget mendek inom, Kat niniki kunik nimbirak nawok nduk teppigirak nit logowam koorok wonage nogo mbanogo nunggwi, Eeko logowok o.

Yeremiya 31:33

“Ti eyom abu aret age kenok, it Iterali paga wiganak wone ngget mendek ninom koonogo puurak nogo yi aret. Eeko logorak yoragagirak nogo inikime nabenogo piige, Inikime liiru negen mbanogo piige, Eerigin me, An nen it inogoba age, ndi, it nen an napuri ogwe, Eerugun o.

Takariya 13:9

It mbere inooke logonet, ambi teppigin nogo ti, mbuti perak at mendek mban aruwak nduk, kani paga worako mengga kwak, Mbuti emas etenggen yelok kaawak nduk, kani paga worako mengga kwak, It togop aret eerogo piyaagin o. Ti eeke neenok, it nen an nendage kunogo nggino yo'nugwi iinok, naruk konembunuk, yorage logogin o. It an napuri aret o, ari neenok, it nen kunduk, Aliku ALA ti, ninogoba aret o, yinuk, yogo logogun,” yegerak o.

Nggalatiya 2:20

An Keritut nimbirak eyo karo-karo paga nabenogo paneegwaarak me, kambeegirak. Ndi, yogondak eerit nage minggirak nogo ti, an nomaawi paga lek o. Ata, Keritut omaawi eeppanege kagak eerit nage minggirak me, an nggween paga yime neegak, at Ala aput nabuwa mba'nuk, nake kambeegerak me, at abet mbake logonet, niniki at oba panggombunuk, eerit nage agarik o.