Ndawi Iya 2:14 - Ala Wone Peenok Peebi Mbanak

¹⁴ Yugum ambe nggaganak puut eegwa'me narowe puume kumaarak wonage me, Kat kenete abu kigirikwe me, keyaakit nen kin age, Koone abu abe me, konenikit nduk, koone ari, Eeke logot o.

Ndawi Iya 2:14 ပူးပေါင်းရင်းမြစ်များ

Ayup 9:16

Noone nggwok paga yoge neenok, Yu o, yo'neremenggerak kwe, Noone liirogon konenuwak mba'nuk yo'nirigin, an mba'netak lek o.

Ndawi 110:3

Kat komaawi tiyak ari eyom paga It kawuri wim eeka nen inobaanggi-inobaangge abe lombok li'luk eekko'nok Inale'nggen paga kinom wim eeri unggwogwe, Kubondendok konaananggen luuri wage menggi kwak, “Ninom wim eeruwi o,” yinuk, kawuri aap tawe nogo kiyo'me ari wogwe, Eerugun o.

Ndawi 22:3

Kat Kikak Nakeelik Alik Leenak wonage, It Iterali mendek kalut eekwi enggela'me wonage, Eeke menggendak o.

Ndawi 45:12

Ti eeke keenok, o Tirut Aagalukwe nen kat kake wokkiri wagak eekwi, Aap ineenggi warak mendek nen, “Enegen niyawak o,” yinuk, kat eeppagi wogwe, Eeko logogun o.

Ndawi 50:23

It aap an, Wa, yo'nogo logonet, Warogo wo'nugwi paga nendage tiyappanugo logogun o. Ndi, it inaru koonogo pakwi iinok ti, Inagap ndariyak wone nogo An nen ineenu eeppiige logogin o,” yinuk, yorage logogin o.

Ndawi 68:13

It ando inandomba inawi wurik me kumaarak inagabiti mbakak wonogwe iigak, It an napuri Iterali ando nogo Towe puume ogut eerak a'naabit paga mbuti perak nabenak kwak, Eeruwak paga mbuti emas pindan-pindan aago kwak, Eerak wonogo logonet eereegwaarak.

Ndawi 74:19

Kat karowe enegen waanggo puume nogo, Waganogo nggwiya wogorage, Kapuri tebenogo piigaarak wonogwe nogo, Mondok-mondok kobak eerogo piige, Eeriyak mage o.

Wundeegwaarak 3:6

Yoge nagagerik, ambinom yoge logonet, “Kombomini Abarakam inom, Itak inom, Yakup inom, inogoba Ala nogo ti, an aret o,” yinuk, yoreegerak nogo at Muta aruk konengge nagagerik, Ala enegen pekkoorak agabiti nen enete nobakkolagagerak.

Kini Wuppiige 15:8

Aap maluk mendek nen ake warogo Aliku ALA wogogwi nogo, at eebi lombok mbake menggerak kwe, Aap iniki koonak nen tamban eekwi iinok perak, koneniyak inikilom mbake menggerak.

Ndawi Iya 1:15

Kat nore aberogon yi, abu kigirikwe lombok wonage, Kat keebe abu abet aret kigirikwe wonage, Ndi, kenegen ti, towe puume enegen waanggo kwak wonage, Eerak agandik o.

Ndawi Iya 1:5

O Yerutalem aagalogwe komologwe yi wae. An ti, neebe mili aret kwe, kigirikwe aret agarik o. Aap Kerat mendek inawooliya wurik mili kwak, Aap Talomo awi yum pugagi ambe mbanak me tugunik menggi kwak, An togop aret wonage agarik o.

Ndawi Iya 1:8

Kumi inenggela'me kolaga abu kigirikwe lombok kat yi, Kat keenggo'lek kenok, ndomba iniyok pit nogwe nogo muguren nage, Ndomba ndegeninaka inawooliya wurik me koorok time kaanggumi kambin inaagalogwe nogo ndegeninabit nage, Eeke logot o.

Ndawi Iya 5:2

An nogo yege logonet kwe, niniki woonik mban wonage me, Oone ari negen naruk konembunuk, “A puk! Ti an niniki kunik nogo nen tu puk-puk eeke kwa?” mbake neegak, At nen ari logonet, “Niniki kunik eekkake niriluk wae. Kat an narowe puume kwak, koba ambi aga'lek kigirikwe wonage o. An nanobak paga konaananggen luurogo pege, Oonikiya neeruwak paga miin anggen luuke, Eekerak me, tu paa'neyet o.”

Ndawi Iya 8:13

Kat yi yabu ndi yabu yarak me menggendak yi wae. Noreewi koone ari inaruk koneniyak uugwe mbakwi me, Koone konenikit nduk, yu o.

Yetaya 2:21

Aliku ALA nen nggween yi, na'ndo-wa'ndo eerikit nduk mi'na'nuk, Abu tiyanak pi wakugak obaanggi-obaangge li'luk ee'nuk wage, Aakumi inamineeri ne agan noorak mendek eeppiige, Eeke kenok, Aakumi nen yugum ndoome unggwit nogwe, Yugum ambe nggaganak tiyarogon me lagit nogwe, Eerugun o.

Yetaya 51:3

Naliku ALA nen it Tiyon mendek iniki eyak wappiige, Ndi, o Tiyon yigirik-noonom eerogo pereegwaarak nogo abuwa mbake, Eeke logonet, O Tiyon karume wonage nogo o Eren kwak eerogo pege, Ndi, anggween mbuk nogo Naliku ALA neyabu yarak kwak eeppege, Eeke neenok, Nale'nggen-kale'nggen yogwe, Inale'nggen nen noone-koone yogwe, Ya-wa yogwe, ndawi nili-kili tiyanggwi, Eekwi iyaagun o.

Yetaya 6:5

Kage nagarik, an nen ari logonet, “Nambe paga maluk mban ari, ndi, an aakumi inambe paga maluk mban yogwe nogo inenggela'me wonage, eeke logonet, at Omaawi Lombok Menggerak endagembogut Aliku ALA nenegen abe nen kagarak paga kambigin aret me, nabuwa o!”

Yetaya 60:8

O wiya nen ndugwi wonok nggarek ari, Towe puume wiga agan awina unggwi nage, Eeke menggi kwak, It aap togop eerit nugwi ti, taani o?

Yeremiya 48:28

Eeke nagagerak aret me, It o Mowap wonogwe ti, inawi kota-kota mbo punuk, yugum eraanu-eraanu time arit nanuk logowak o. Towe wuni'nuk yugum ndo ambeme inawi wuppunuk mengga kwak, it togop aret logowak o.

Yeremiya 49:16

Aakumi inaganak waruwak nduk eerogo piige, Iniki wogoppatit nage, eeke nagagerak paga, at aret ambokan lagambatinuk, Yugum eraanu-eraanu me time wonage, puut-puut tiyarogon time unde eeppatinuk wonage, eeke menggerak ti, Towe pen ware kwak at awi tiyarogon wurit wonage kwe, An nen minogo wuppi woraagin o,” yinuk, yegerak me, yokkiragi o.

Yetikiyen 7:16

It ando inenggela'me nen peberagangge eerak mbaganit puut-puut paga ari namenggaarak wonogo logonet, it inobaalombok inomaluk paga towe puume inoone yogo mengga kwak iniki wakkologo logonet, Ai-au, yogwe,

Ndaniyen 9:7

Nogoba wae. Kat obeelom mban eeppinanege menggendak kwe, nit aap Yekura mendek inom, aakumi Yerutalem mendek inom, aakumi nit Iterali mendek nen kat koone liirogon eerulik paga yi o ndi o mbo pinaneegindak aakumi inenggela'me mak aago nda wonogwe inom, koorok wonogwe inom, nit abok aret ninenggali mbakak yogondak wonogo ogoorik o.

Obaya 1:3

It inawi puut tiyarogon yugum ambe nggaganak me wuppunuk wonogo logonet, Aap ta nen nit tebenogo nggween paga wuppinani woroorak mbakop? Lek aret o, yinuk, Iniki tiyappakwi paga inambokan laganggologo agaarik o.

Matiyut 10:16

Wone ambinom yorage logonet, “Kit ndomba kokwak yi, it aakumi nggeewo endekem mendek pogom wonogwe me, inowagam nappinagage agarik o. Nappinagaminggirak inenggela'me logonet, waalo yimela-nimela nege menggi kwak nugu logonet, towe puume enegen waanggo pogom nugu logomunggup o.

Matiyut 3:16

“E o,” yinuk, yiime wuppege mbareegi, Yetut yiime nen awo wundi wage kagak, mbogut keyaappege mbareegi, Aberiniki towe puume pogom wiga agan Yetut oba nabi wage kagagerak.

Kolote 1:22

Keritut nen wokkiren Ala enggaanom unggwi nage mbaremenggi, Ala nen, “Kit an napuri nake leenak logonet, maluk eeka'lek obeelom aret monggotak me, an noone kinoba pinagagin lek o,” yinuk, yokkiraawak nduk, at eebe aap aret age nagagerik, ninake kambeegerak nogo paga lambunogo pinaneegerak me, yogondak lambunik aret ogoorik o.

Iberani 10:22

niyo abe mili-mili paga ninabin koorogo pinanege, ndi, maluk eeko nogogurak ninikime aberak logokwak, lek eerogo pinanikit nduk, at amiya paga werenogo pinanege, eereegerak me, “Abet aret panggo yi ungguurak, yegerak,” mba'nuk, niniki mondok abe paga at owagam panggo yi ungguwok o.

Iberani 4:16

yogondak aaninggin ambi ninoba age kenok, ninabuwa mbake logonet, iniki kunik en eeppinanege kaawok nduk, ninagabiti mbaka'lek at Ala iniki kunik en eeppinanege menggim nogome panggo yi ungguwok o.

1 Peterut 3:4

Ata, kumi inobaabut abu yanggonak iniki kwi'ndak nogo, alik ogolik mondok porogo wonogwe iinok, at Ala nen, “Kwe yi, ia o!” yinuk, iniki kundugu eeginake menggerak me, kit kinobaabut togop aret logonip o.

Yurat 1:24

Ninowe Yetut Keritut eereegerak paga ninagap ndareegerak at Ala nogo nen nit abet mbareegurak nogo mbo punuk, alik eerit nogwe niyo, ninarum liirogon logomenggerik, “Kit wone ambi kinoba wonage lek abu obeelom aret me, nowagam mi'nari woraanip o,” yinuk, yo'nirage mbaremenggi, nit niniki ale'nggen mbakak at mondok tiyanak menggerak enggaanom mi'nari nawok nduk, wo'niren pinani nagin aret me, yi aakumi ndi aakumi aa'nduk nda'nogogwaarak inom, yogondak ndarak inom, peebi nda'nariyak inom, nit abok ninogoba ambit ninagap ndaka kat aret me, kat aap nggwok kendagembogut komaawi ambik yi aakumi ndi aakumi abok kabu'me logonet, kat koone mban konenggwi, kat kendage mban tiyappagagwi, eeko logowak o. Amin.

Wayu 5:8

Wagangge mbaki, it aakumi nen iigulik mendek ineebe 4 nogo inom, mbogut paga wonogwe inoweewi ineebe 24 nogo inom, Ndomba Aagaluk nogo abu'me tebe yinuk,