Ndawi Iya 2:12 - Ala Wone Peenok Peebi Mbanak

¹² O nggween paga yime anggen laambu yugu kogwe, Ndawi wariyak agaarak me, ndawi wakwi, Ninanggween paga yime towe puume inambe man-man yogo logonet, inoone yogwe konenggwi,

Ndawi Iya 2:12 ပူးပေါင်းရင်းမြစ်များ

Wakkagagerak 15:9

Togop yoge mbareegi, at Aliku ALA nen at yoge logonet, “Kat nen tapi kooli ndarak kagak tahun 3 eerak inom, kambin ngguunok-kooli ndarak kagak tahun 3 eerak inom, towe puume inom, towe puume aagaluk inom, wonok an niri wa'nu o.”

Ndawi 74:19

Kat karowe enegen waanggo puume nogo, Waganogo nggwiya wogorage, Kapuri tebenogo piigaarak wonogwe nogo, Mondok-mondok kobak eerogo piige, Eeriyak mage o.

Ndawi 89:15

Kaliku ALA wae. It aakumi kalut eeko logonet, Inale'nggen nen ndawi lubuk yogwe, Kenggaawak abinak paga eerit nugwi, Eekwi nogo Inale'nggen aret logogun o.

Ndawi Iya 2:11

O togwi ambik eeke nogo muk lek age, Mayu wage nogo abu aret mbangge, Eekerak me, kenegen pekket o.

Ndawi Iya 6:11

An woromoolome nage nagarik, o kobappaga woromo nogo logonak kero nenegen pekkenet nege, Eyo anggur ambit-mbit wake kero, malenit nage, Eyo delima ayo wake kero, nenegen liippit nage, Eeke logonet,

Ndawi Iya 6:2

At niniki kunik nogo muk eyabu yarak me nagaarak o. Nage nagaarik, obari abe eeka yarak enggela'me andomba ndegeninabit nege, Waambi anggen mbanit nege, eerikit nduk, nagaarak o.

Yetaya 55:12

Inale'nggen mbako logonet wundi wogwe, Wogoren wage neegak, iniki ugun tayenak aret wonogwe, Eerugun o. Wogwe iigak, puut-puut tiyarogon inom, puut-puut teberogon inom, it inaame nen Inale'nggen yogo logonet, na'ndo-wa'ndo yogwe, Yi eyo ndi eyo penaame wonage nogo nen ineenggi telak yogwe, Eerugun o.

Yeremiya 8:7

Towe wiga agan nege menggerak lu nogo, o mayu wage menggim eyom ari wage kenok, kibi wonage me ari nage, Ti'nuk, o kibi age kenok, iyokan ari wage, eeriyak eyom eenu wonage, Ndi, towe puume inom, wuni'nuk inom, uuni inom, nen o kibi menggim nogwe, ti'nuk, iniyokan wogwe, eeriyak eyom liippugwi, Eeko menggaarak kwe, It an napuri perak, eeko logorak Naliku ALA nen yoragagirak nogo liippugulik kobak aret menggaarak o.

Kolote 3:16

Keritut ari nagagerak wone abok aret kiniki me mondok yagabit eerogo waganggo logonip o. Waganggo logomonggotik, kiniki warak a'nuk, Ala wone mamunirogwe, kiniki eyak wat-wat yogwe, ndi, Ala keyage wako logonet, “Nogoba wa,” yinuk, Ndawut nen ndawi pereegerak inom, ki wone ndawi inom, Ala eeke menggerak ndawi inom, abok aret warit nogwe, eeko logonip o.