Ndawi Iya 1:7 - Ala Wone Peenok Peebi Mbanak

⁷ Kat an niniki kunik lombok eekkake nore yi wae. Kaanggumi ndomba wogoren nege menggenom nggeeme wonage? O liingge kaanggumi ndomba wimbiinok menggenom nggeeme wonage? Eeke nogo an yo'niru o. Kat koreewi inaanggumi wogoren nugwi iigak, kat inenggela'me wonage keyo, kwe mbabilu kwak an nen ya pekkeegak nda pekkeegak nege logorak op mbaken?

Ndawi Iya 1:7 ပူးပေါင်းရင်းမြစ်များ

Wakkagagerak 37:16

Yoge mbareegi, at Yutup nen, “An noweewi kwaaginabit wagarak me, it kambin-ndomba nggeeme ndegeninakwi wonogwe nogo kat keenu kero yo'niru o.”

Ndawi 116:1

At Aliku ALA noone aruk konengge, Yeenggwa niruwak nduk yoge nogo liippanege, Eekerak me, Niniki kunik eeke agarik o.

Ndawi 18:1

Kaliku ALA wae. Nomaawi eerogo panege menggendak kat aret me, An niniki kunik eekkake agarik o.

Ndawi 28:1

Kaliku ALA wae. Kat nayugum kwak aret me, Noone nggwok yokkege agarik o. Noone yokkege yi, Karuk logu negen eeppunuk wonage keenok, Aakumi kambunuk nogo menggam unggwi nogwe kwak, An nage neyo, yokkege neegak, Onggo yo'nega'lek koone lek puk logorak mage o.

Ndawi 80:1

Kat Iterali ndegeninaka. Ninoone yokkugwi yi, karuk liirogon konengge, It Yutup paga wiganak ndomba negen ndegeninaka, Kerub aru-ogwe kagak oolo kwi'ndak wonage yi wae. It Eparayim inom, Mbeniyamin inom, Manate inom, Kat kabinak inoba pindanogo piige, Komaawi a'nuk, pilak ari logomenggendik, ninagap ndari wage, Eeru o.

Ndawi Iya 2:16

An niniki kunik eeke ti, eebe an mendek wonage, Ndi, an neebe ti, at mendek wonage, Eeko ogoorik o. Waambi anggen yugu enggela'me andomba ndegeninake agaarik o.

Ndawi Iya 2:3

Yi eyo ndi eyo eyonggaame wonage enggela'me eyo anggen abe wonage menggi kwak At niniki kunik eebe ti, wologwe tawe inenggela'me togop aret menggerak o. At angguna'me kwi'nariyak ninikilom mbake, At anggen ti, ombat abe lombok kage, Eeke minggirak o.

Ndawi Iya 5:10

At niniki kunik ti, Enete teretak wonage, etenggen mbeyo aago tawe wonage, Aap sepuluh ribu wonogwe inenggela'me at tiyanak lombok wonage,

Ndawi Iya 5:16

Oone ari ti, abu abe yanggik-yanggok ari, At eebe paga inom, eerit nage paga inom, abok aret abu aberogon wonage, Eerak menggerak o. O Yerutalem aagalogwe komologwe yi wae. At noreeluk niniki kunik eeke nogo ti aret me yagi o.

Ndawi Iya 5:8

O Yerutalem aagalogwe komologwe yi wae. Kit nen at an niniki kunik eeke nogo kogwe kenok, nonggop yorumunggup o? “Lek o! At kiniki kunik nogo nen kimbirak lambuniyak iniki nggilu ari mban kogoorak, yorugun o, Yinuk, kumbuk mbanogo an yo'ninip o.”

Ndawi Iya 6:2

At niniki kunik nogo muk eyabu yarak me nagaarak o. Nage nagaarik, obari abe eeka yarak enggela'me andomba ndegeninabit nege, Waambi anggen mbanit nege, eerikit nduk, nagaarak o.

Ndawi Iya 6:3

An niniki kunik eeke ti, eebe an mendek wonage, ndi, An neebe ti, at mendek aret wonage, eeko ogoorik o. Waambi anggen yugu enggela'me ndomba ndegeninake agaarik o.

Ndawi Iya 8:13

Kat yi yabu ndi yabu yarak me menggendak yi wae. Noreewi koone ari inaruk koneniyak uugwe mbakwi me, Koone konenikit nduk, yu o.

Yetaya 13:20

Lek eerogo piminggirak me, aakumi o time wonogwe, Ambiriluk ambi ye mbambatinuk mondok wonogwe, It aakumi Arap mendek ya yembanggak nugu logonet inawooliya time wuppatinuk wonogwe, It aap kambin-ndomba ndegeninaka nen inaanggumi inagari'ngga nawak nduk time piinet nugwi, Eeka'lek togop aret kagak Inapuri ndaganabit wundi wogo logogun o.

Yetaya 26:9

Oonikiya paga, “Nimbirak lambunikit lak, ao,” mbake, Ndi, o weege paga, “Keyaakit lak, ao,” mbake, Eeke minggirak. O nggween paga yime nen aakumi inowak looni wage eyom paga Kat a'me nggelok mban eeke menggendak nogo it aakumi nggween paga wonogwe abok aret ineenu arugun o.

Yetaya 40:11

Aap ambi andomba ndegeninake menggi kwak andomba ndegeninake, Ndomba aagalogwe waganogo ogome wogonake, Wogoren nage logonet, aagalogwe inelak kuninake kagak toriige, Eeke agaarik o.

Yetaya 5:1

Nore niniki kunik eeke nogo ake ndawi wake, At eyabu anggur yarak ndawi paga anep pege, Eerigin nogo yi o. Nore niniki kunik nogo puut elan me anggween mili paga anggur awi yarak wonagagerak.

Yeremiya 33:12

At Omaawi Lombok Menggerak Aliku ALA nen yegerak nogo yi aret. Aakumi inom, ndiimbu-nggwiya inom, wonogolik o kugume kota-kota enaagan-ambokan yime it aap ndomba ndegeninaka nen inandomba inagari'ngga mbanogo nenok, yonggonggologo logowak nduk, piigo logowam ambinom wonage kogo logogun o.

Mika 5:4

At eebe paga iniki ugun tayenak nu'lek aganaka aret logogin o. It aakumi o Atiyut mendek nen nit ninanggween tebenggola unggwogwe, Ninobak wurik nogo langgunogo punuk, unggwi wogwe, Eeruwok nduk, eekwi iinok, Ndomba ndegeninako mengga kwak ninoweewi ineebe 7 ilik, 8 a, pilak yogo logonet, inoba kwi'naruwak nduk, mippiyaagun o.

Matiyut 10:37

An kineebi negen nombako logonet, kinagalo a, kinogoba a, kiniki kunik eekwi kiinok ti, an ninom logorak meek aret o. Ndi, an kineebi negen nombako logonet, kinapuluk wulaga a, kolaga a, kiniki kunik eekwi kiinok kunduk, an ninom logorak meek mban aret o.

Yaya 10:11

Ndomba obeelom ndegeninaka ti, an aret o. At ndomba obeelom ndegeninaka nogo nen andomba inake kambikit mbake menggerak kwe,

Yaya 21:17

Ne mbere yoge nagagerik, ti'nuk, ne ambinom yoge logonet, “Yaya aput Timon wae. Kat an kiniki kunik ee'nake ilik, lek a?” Yoge mbareegi, at Yetut ne kenagan paga, “Kat an kiniki kunik ee'nake ilik, lek a?” yoreegerak paga, at Peterut iniki maluk age nagagerik, yoge logonet, “Nogoba o. Kat yi abok ndi abok keenu aret me, an niniki kunik eekkake nogo kat keenu aret o.” Yoge mbareegi, at Yetut nen, “Nandomba ndegeninake logot o.

1 Peterut 1:8

Kit Yetut kinigen kaga'lek kwe, kagak, kiniki kunik eekwi, ndi, yogondak at eebe kinigen kaga'lek kwe, kiniki at oba panggombunuk, abet mbakwi, eeko logonet, “Nit niniki abet mbakwi nogo, anggen yugu paga nineebe ninagap ndarigin,” mba'nuk, kiniki ale'nggen mbakwi nogo ti, mondok nggwok alik negen agaarak me, nonggop togon mbininogo yuubok aga o.

1 Peterut 2:7

Togop me, “It yugum paga o wuka nen o wuko logonet, Yugum ambi mbo pereegwaarak nogo, yugum ogowa ndoonnaga o,” yinuk, yereegerak liiru mbanak wonage me, it abet mbakwi nogo nen, “Yugum ti, nit ninake aret mippereegerak me, ia o,” mbako menggaarak. Ndi, wone ambi, “Yugum iniyogobit linggolaga kwak, Lik togon yigeebu wangga kwak, Ti, an neebe aret o,” yinuk, yereegerak liiru mbanak nogo ti, it aakumi iniki abet mbaka'lek mendek nogo nen, Ala wone woppunuk eerit naga'lek iinok, iniyogobit lik togon ngginnogwe nogo aret nduk yereegerak kogo o. It togop eeko logowak nduk, Ala nen aret kooneegerak kwe,

1 Yaya 2:19

It aap ti, aa'nduk ninom kuwak eeko nogogurak kwe, “It ti, nit mendek lek o,” yinuk, mbo pinaninuk mbaganeegwaarak. “It aap ti, nit mendek aret,” mba'netak en, ninom aret logonetak kwe, “It ti, nit mendek lek,” kin aruwak nduk, mbo pinaninuk mbaganeegwaarak o.

Urut 2:21

Yoge mbareegi, kwe Mowap mendek Urut nogo nen, “Aap nayinggelo ti nen an yo'nege logonet, Neyabu eeppanugo menggaarak nen waabuk negen jelai anggen mbanggwi ti, kinom mbanit nage keegak, age yobok ari nawak o, yinuk, yo'negerak.”