Ndawi Iya 1:16 - Ala Wone Peenok Peebi Mbanak

¹⁶ Kat niniki kunik yi, keebe puluk lombok tawe wonage, Koone yanggik-yanggok yo'nege, Eeke menggendak me, Nimbirak iri'ngga mili abe ndoonak paga ninoba nabuk-nabak winnogo logogun o.

Ndawi Iya 1:16 ပူးပေါင်းရင်းမြစ်များ

Ndawi 110:3

Kat komaawi tiyak ari eyom paga It kawuri wim eeka nen inobaanggi-inobaangge abe lombok li'luk eekko'nok Inale'nggen paga kinom wim eeri unggwogwe, Kubondendok konaananggen luuri wage menggi kwak, “Ninom wim eeruwi o,” yinuk, kawuri aap tawe nogo kiyo'me ari wogwe, Eerugun o.

Ndawi 45:2

Aap ando obeelom negen iigak, Kalik perak, abu obeelom lombok wonage, Koone abu abe yanggorogon mban ari, Eeke menggendak me, Ala ale'nggen koba pagareegerak Mondok-mondok aret wonage agaarik o.

Ndawi Iya 1:15

Kat nore aberogon yi, abu kigirikwe lombok wonage, Kat keebe abu abet aret kigirikwe wonage, Ndi, kenegen ti, towe puume enegen waanggo kwak wonage, Eerak agandik o.

Ndawi Iya 2:3

Yi eyo ndi eyo eyonggaame wonage enggela'me eyo anggen abe wonage menggi kwak At niniki kunik eebe ti, wologwe tawe inenggela'me togop aret menggerak o. At angguna'me kwi'nariyak ninikilom mbake, At anggen ti, ombat abe lombok kage, Eeke minggirak o.

Ndawi Iya 2:9

Niniki kunik eeke ti, Kijang kwak, rusa aagaluk kwak, wonage menggerak o. Nawi kobat nabenak unggu'me at eebe mi'ndak wonage, Ena pugagi mbanak me ya managak nage, Eyo karo-karo mbaro-karo aago eno mbanak me enggaanok wonok ari, Eeke ti, kaanip o.

Ndawi Iya 3:7

Lek o. Aap Talomo anggweendo paga wage kagak, it aap Iterali nagawan-nagawan wim eeka wakaa'ngget ineebe 60 nen wonok wogwe ti aret me, pegiyaanip o.

Ndawi Iya 5:2

An nogo yege logonet kwe, niniki woonik mban wonage me, Oone ari negen naruk konembunuk, “A puk! Ti an niniki kunik nogo nen tu puk-puk eeke kwa?” mbake neegak, At nen ari logonet, “Niniki kunik eekkake niriluk wae. Kat an narowe puume kwak, koba ambi aga'lek kigirikwe wonage o. An nanobak paga konaananggen luurogo pege, Oonikiya neeruwak paga miin anggen luuke, Eekerak me, tu paa'neyet o.”

Ndawi Iya 5:5

At niniki kunik nogo ake tu paarogo pikit nduk, neenik a'nuk, Nggami amburu neenggime nen puk wanggak negen eeke, Nggami ogogwe neenggime nen nggalo agan tungga'nggi agale paga negen labuni nage, Eeke kagak,

Ndawi Iya 7:6

Kat niniki kunik yi wae. Kat abu kigirikwe mondok aberogon wonage o. At kiniki kunik eeke nogo ale'nggen mbaruwak nduk eeppege nogo ti, mondok iya aret o.

Takariya 9:17

Ti aago logogun nogo ti, abu abe kigirikwe lombok me, iya! Gandum nunggwi paga inapuri wologwe mbet-mbet tawe ogwe, Anggur amburu ngget toolak nunggwi paga inapuri komologwe inagabolo piyok togon tawe ogwe, Eerugun o.