Ndawi 99:6 - Ala Wone Peenok Peebi Mbanak

⁶ Aap Ala unde inenggela'me Muta Karun inom wonogwe, “Ninogoba Ala aret,” yogo menggaarak Inenggela'me aap Tamuwen wonage, Eeko logonet, “Yeenggwa niret o,” yinuk, Aliku ALA yogo mbareegwa, inoone konembunuk, Yeenggwaarage nagagerak o.

Ndawi 99:6 ပူးပေါင်းရင်းမြစ်များ

Wundeegwaarak 14:15

Yorage mbareegi, at Aliku ALA nen Muta yoge, “Kat koone nabenak mban nonggop nduk yo'nege agandik? It aakumi Iterali ti, nawak nduk, yoret o.

Wundeegwaarak 15:25

Yogwi iinok, Muta oone nabek togon at Aliku ALA yoge mbareegi, Aliku ALA nen eyo mbanak ambi Muta titik ege mbareegi, waganogo niyoome namburogo mambereegerak paga niyo nogo ombat obeelom age mbareegi, nunggugwaarak. O time Aliku ALA nen it Iterali nogo mondok-mondok eeko logowak nduk, wone lengganogo yorage, eeko logorak wone nogo koonogo piige, inabut mbangge, eereegerak.

Wundeegwaarak 17:4

Yogo mbareegwa, Muta nen Aliku ALA yoge, “It aakumi yi, yugum paga nooriyak eekwi me, it inake an nonggop eeppiya o?”

Wundeegwaarak 32:30

Ko'lu Muta nen it aakumi Iterali yorage logonet, “Kit maluk mondok nggwok togon eekotak nogo Ala nen mbo punuk, kinom lambungge kaamun ilik, lek a? yinuk, an puurom paga kinake Aliku ALA yori lagakit o.”

Yeremiya 15:1

Yoge mbaki, Aliku ALA nen an yo'nege logonet, “It Muta Temuwen imbirak kunduk nenggaanom paga mi'na'nuk, It aakumi yi, inabuwa mbaru o, yo'neremenggaarak kwe, an nen, It aakumi yi, inabuwa mbarigin mondok lek o, yoraagin me, kat nen it yi, an wonage me nen nawak nduk wumbiyet o.