Ndawi 99:5 - Ala Wone Peenok Peebi Mbanak

⁵ Togop me, Aliku ninogoba Ala tiyappugwi, At kikak nakeelik alik leenak menggerak me, At wone lengganinake menggim tebe yinuk alut eekwi, Eeko logonip o.

Ndawi 99:5 ပူးပေါင်းရင်းမြစ်များ

1 Mbinineegwaarak 28:2

Wogo mbareegwa, at endagembogut Ndawut nogo mi'na'nuk wone yorage logonet, “Kit an mendek nowe-nawot aret me, wone an yokkirage yi, kinaruk liirogon konenggo logonip o. Aliku ALA wone koonogo yo'niragagerak aloobut mbanak me yonggolak nogo akom kwi'ndak logorak inom, ninogoba Ala iyok punuk logowam inom, wuriyak nduk, maan aret ninikime nen, Wurikit togon, koonogo pereegirak o. Koonogo pereegirak nogo, wurikit nduk, yi mendek ndi mendek pipuk eerogo pege me,

Ndawi 107:32

Aakumi kuwak aago inenggela'me alut eekwi, Aakumi inoweewi wone mbanggo menggam nen at tiyappugwi, Eeko logowak o.

Ndawi 108:5

Togop me, Ala wae. Keebe mbogut irimbaga mondok tiyanak wonage, Ndi, kat kendage tiyanak nogo Nggween paga abok aret ndak wa'narit nage, Eeruwak o.

Ndawi 118:28

Kat nogoba Ala aret me, “Wa,” lombok yokkege, Kat nogoba Ala aret me, tiyappagage, Eeke logogin o.

Ndawi 132:7

Togop me, nit nen yogo logonet, “Nit at wonage menggim nogome nogwe, At abu'me tebe yi unggunuk, alut eekwi, Eeri nawok o,” Yinuk, yogo nogogurik,

Ndawi 21:13

Togop me, Kaliku ALA wae. Kat komaawi ambik menggendak me, Kendage tiyanak aret logowak o. Kat komaawi ambik me, nit ndawi wako logonet, Kat kalut eeko logogun o.

Ndawi 34:3

“Aliku ALA iya!” yinuk, ninom alut eekwi, Kit an ninom at endage tiyappugwi, Eeko logowok o.

Ndawi 99:3

At kikak nakeelik alik leenak endage mondok nggwok iya lombok me, Yi aakumi ndi aakumi at endage tiyappogo logowak o.

Ndawi 99:9

Togop aret me, Aliku ninogoba Ala tiyappugwi, At Aliku ALA ti, kikak nakeelik alik leenak me, At abuut abu abe alik leenak nogome ninendobanggun yindumbunuk alut eekwi, Eeko logowok o.

Wundeegwaarak 15:2

At Aliku ALA ti, Nomaawi inom, nendawi inom, aret wonage o. At nen aret nagap ndareegerak o. At Aliku ti, nogoba Ala aret me, Alut eeke agaarik o. At ti, an nombomini inogoba Ala aret me, Endage tiyappege agaarik o.

Yetaya 12:4

Ne ti eyom paga kit nen it yorogo logonet, “Aliku ALA, Wa, yogwi, At endage kunogo kinoone nggwok paga yogwi, At eerit wagagerak nogo yi aakumi ndi aakumi inenggela'me yoranet nugwi, At endage tiyanak lombok menggerak nogo wiganogo pit nugwi, Eeko logonip o.

Yetaya 25:1

Kaliku ALA wae. Kat nogoba Ala aret o. Yoraga'ndak mondok a'me liirogon eeke logonet, Eerubok mendek iya eeriyak maan aa'nduk nen koonogo pereegindak nogo muk aret eekendak me, Kalut eeke, kendage tiyappege, eeke agarik o.

Yetaya 66:1

Aliku ALA nen yegerak nogo yi aret. “Mbogut paga ti, noone lengganogo yorage minggim aret. Ndi, nggween paga ti, nabu'me piige minggim aret. An nawi nonggop negen wuriyak nduk yogo ogotik? Ndi, an namborowak koongge logorak nggeeme o?

Oteya 11:7

It an napuri nen an abu mbo paniyak kooneegwaarak me, An Tiyanak Lombok Minggirak nendage kumbunuk, Yeenggwa niret o, yinuk, yo'nirimenggaarak kwe, Noone onggo ambi yoraga'lek puk aret arigin o.

Ala Unde 19:2

“It aakumi Iterali wonogwe abok aret wone yoroorak nogo yi aret. Naliku inogoba Ala kikak nakeelik abu obeelom leenak minggirak me, it togop aret kikak naka'lek obeelom leenak mban aret logowak o.