Ndawi 99:2 - Ala Wone Peenok Peebi Mbanak

² Aliku ALA o Tiyon time endage nggwok aret wonage, At abu tiyanak lombok me, Yi aakumi ndi aakumi at abu'me piinok wonage, Eeke menggerak o.

Ndawi 99:2 ပူးပေါင်းရင်းမြစ်များ

Ndawi 113:4

Yi aakumi ndi aakumi inirimbaga Aliku ALA tiyanak lombok wonage, Mbogut irimbaga at tiyanak lombok wonage, Eerak menggerak o.

Ndawi 47:3

Yi aakumi ndi aakumi ninabu'me piya wage, Aakumi nggween paga nit ninoone mban konenggo logowak nduk, eerogo piige, Eereegerak o.

Ndawi 47:8

At Ala wone lengganogo yorage menggim alik leenak nogo paga kwi'ndak logonet, Yi aakumi ndi aakumi wone lengganogo yorage agaarik o.

Ndawi 50:2

Puut Tiyon abu kigirikwe lombok paga nen Ala abinak pindanogo nappit wage, Eeke agaarik o.

Ndawi 66:7

At omaawi ambik logonet, Wone mondok-mondok lengganogo yo'nirage, Yi aakumi ndi aakumi enegen wogonake, Eeke menggerak me, It aap at eeke ineebi mbaka nogo nen, “At tebembuwok,” mbarugwaarik o.

Yetaya 12:6

Kit o Tiyon monggotak yi wae. At Kikak Nakeelik Alik Leenak kit Iterali kinogoba kinenggela'me wonage ti, mondok iya me, Kiniki ale'nggen nen keekok yogwe, ndawi wakwi, Eeko logonip o,” yinuk, yorogo logomunggup o.

Yetaya 14:32

It eeppiyamenggaarak nogo aakumi ambi nen, Pegiya nanip o, yinuk, Yoramenggaarak it yora wogwe iinok, It nen onggo ngge yoraagun? Lek o. Aliku ALA nen o Tiyon alom kwippereegerak me, nit at apuri yagan wako nogogurak nogo O time nineebe op logowok nduk, eeppinanggerak, yorogo logogun o, yinuk, ari kagarak me, yokkiragi o,” yoragagerak.

Linggineegwaarak 23:21

At Aliku inogoba Ala nen it inenggela'me wonage, It inowe endagembogut inenggela'me wonage kenok iniki ale'nggen nen keekok yogwe, Eeko menggaarak me, At Yakup ombowologwe wiganak paga aaninggin mendek inoba age, Iterali nogo nen, Nonggop eekkolaawi, yinuk, yogwe, Eekwi iyoolik o.