Ndawi 99:1 - Ala Wone Peenok Peebi Mbanak

¹ At Aliku ALA endagembogut aret o. Endagembogut aret me, Yi aakumi ndi aakumi inaganak wake, Malayikat negen kerub aru-ogwe iigak, Oolo at wone lengganogo yorage menggim wonage kenok, O nggween yi, nuk-nuk ari, Eeruwak o.

Ndawi 99:1 ပူးပေါင်းရင်းမြစ်များ

2 Tamuwen 6:2

Ala aloobut mbanak abit irip-irip paga it malayikat negen kerub wonogwe iigak, Ala oolo menggerak kenok, at endage, Omaawi Lombok Menggerak Aliku ALA Aloobut Mbanako, yinuk, yogo nogogwaarak nogo, o Yekura yaga'lelo Mbaale wonage me, at Ndawut awuri inom wonok woraawok nduk, nogogwaarak.

1 Mbinineegwaarak 16:30

Kit nggween paga monggotak yi, abok aret At enggaanom paga kinaganak nuk-nuk kirage, Eeko logonip o. At o nggween yi abok aret nu'lek eerogo pereegerak me, abolok yigin lek o.

Ndawi 18:10

Malayikat kwak kerub nen piyaninuk nage, Towe wiga agan nage menggi kwak, O wiya nen wigak togon at wonok nage,

Ndawi 2:6

“At endagembogut logorak leenogo pigirak nogo Nabuut leenak Tiyon nogo paga mippigirak o,” Yinuk, yegerak o.

Ndawi 80:1

Kat Iterali ndegeninaka. Ninoone yokkugwi yi, karuk liirogon konengge, It Yutup paga wiganak ndomba negen ndegeninaka, Kerub aru-ogwe kagak oolo kwi'ndak wonage yi wae. It Eparayim inom, Mbeniyamin inom, Manate inom, Kat kabinak inoba pindanogo piige, Komaawi a'nuk, pilak ari logomenggendik, ninagap ndari wage, Eeru o.

Ndawi 82:5

Yi wone ndi wone liippega'lek kineenggo'lek wonogwe, Kit o apit paga nugwi, Obeelom eeriyak koongga'lek O yi naalop-kaalop eerogo piinet nogwe, Eeko ogotik o.

Ndawi 93:1

At Aliku ALA ti, endagembogut aret o. Aap inendage tiyanak inayum yikwi iinok, “Wi!” irogo mengga kwak, At endage abu tiyanak me, “Wi,” ugo menggaarak o. Aap wakaa'ngget eegin-omaale li'luk aago kwak, At omaawi togop aret wonage menggerak o. At o nggween mondok nu'lek eerogo pereegerak wonage agaarik o.

Ndawi 96:10

Kit yi aakumi ndi aakumi inenggela'me logonet, “Aliku ALA ti, ninowe endagembogut aret o,” Yinuk, yogo logonip o. At o nggween yi abok aret Nu'lek eerogo pereegerak me, abolok yigin lek o. Aakumi inanebunu lombok eeremenggaarak nogo, At a'me nggelok inowak loongge logogin o.

Ndawi 96:9

Aliku ALA kikak nakeelik alik leenak mondok iya lombok menggerak me, Ayuk wuko logonet, alut eekwi, Kit nggween paga monggotak yi abok aret at enggaanom paga kinaganak nuk-nuk kirage, Eeko logonip o.

Ndawi 97:1

At Aliku ALA endagembogut aret o. Endagembogut aret me, O nggween yi nen ale'nggen mbake, Niyo oolo nggween ku'mbanogo pit nagagim inale'nggen nen ndawi lubuk yogwe, Eeruwak o.

Ndawi 97:4

At nen o yabok pindanogo nappege paga o nggween eya age, O nggween yi nen enegen kenok, aganak wake,

Wundeegwaarak 25:22

Narogo pege keenok, naloobut mbanak me malayikat negen kerub ogut mbere wonogwe nogo irimbaga an nimbirak lambuni wambi wage logominggirik, it aakumi Iterali nen eeko logowak nduk, Yogop eeriyak, ndogop eeriyak, time nen aret yokkegak eeke logogin, yegerak, yoret o,” yinuk, yoreegerak.

Yetaya 19:14

At Aliku ALA nen iniki wi eerogo piiga inikime mambiyareegerak kenok, Naalop-kaalop koonit nogwe paga Aap ambi kumili aganaka amburu nenok, peyak wuke nagaatik, peyak wurik paga lagak-mbagak ari menggi kwak, It aap ti nogo nen it o Metit mendek togop eeko logowak nduk, eerogo pigaarak me,

Yeremiya 4:24

Puut-puut tiyarogon nakkanet nage logonet, ndipuk eeke kage, Puut-puut teberogon pekkanet nage logonet, abok aret na'ndo-wa'ndo eeke kage,

Yeremiya 49:21

“Tebek yigi o,” yinuk, keekok yogwe paga nggween nuk ari, Le yi-yi wo-wo yogwe nogo, niyo Laut Merah kuli ari nage, Eerigin o.

Yeremiya 5:22

It an nayuk wukwi, an paga inaganak wake, eeriyak ti, maluk mbakop?” Yinuk, yegerak o. “Niyo nggwok yenggenak laut nogo endekem kilak togon wundi waga'lek mondok-mondok kuli mbanak logowak nduk, mbini pereegirak nogo lek a? Niyo kilaarak-mogonik eeke kwe, endekem kilak togon wungge, Oone, Wo! eerogo wunabi wage kwe, kuli mbanak kagak wungge, Eeka'lek aret menggerak o.

Yeremiya 50:46

O Mbaben tebenggola unggwi waga o, yinuk, keekok yogwe paga nggween nuk ari, Le yi-yi wo-wo yogwe nogo, yi aakumi ndi aakumi wonogwe me ari nage, Eerigin o.

Yetikiyen 43:7

Konengge neegak, at nen an yo'nege logonet, “Aakumi nen ndarak yi wae. An wone lengganogo yorage, niyok punuk wonage, eeke logowam ti, yime aret o. Aakumi Iterali inenggela'me an mondok-mondok logowam yi aret me, it Iterali mendek inom, inoweewi inendagembogut inom, nogo nen kwe ogonggelo mbo punuk, aap alik inom eerit nage menggi kwak, an wonage neegak mbo paninuk alik mugurok nogwe, it inoweewi inendagembogut inabiruwak puut-puut paga yinik nogo inayuk wurit nogwe, eekwi paga nendage abu abe alik leenak maluk eerogo pogo nogogwaarak nogo ambinom eerogo pogo logogun lek o.

Lukat 19:12

“Aap nagawan aput ambi nen, O nda time nage neenok, aap nggwok nendagembogut mippanugwi iinok, woraakit o, yinuk,

Lukat 19:14

Yorage nagagerik, nagagerak. Nage kagak, it at abu'me menggaarak nen at ineebi lombok ombako logonet, Kat yi, ninowe kendagembogut a'nuk, ninarum logorak nineebi o, yinuk, yori nawak nduk, inawuri nappiyareegwaarak.

Lukat 19:27

Ndi, it ninom ogoorak logonet, At ninowe endagembogut a'nuk, ninarum logorak, Nineebi o, yagaarak nogo perak, wogoret wogo logomonggotik, nenegen neegak, inoo'nip, yoragagerak o,” yinuk, Yetut nen aakumi nogo yoragagerak.

Pilipi 2:12

Togop me, noreewi o. Kit an niniki kunik me, wone ambi yokkira o. Aa'nduk kit ninom time logonet, an noone yugu ndak-ndak eeko nogogutak nogo kokwak, yogondak neebe yime neegak, kinagap ndakkolaabagip nduk, kinagabiti nen kinaganak wake logonet, ambinom nggwiirit-nggwaarit eeko logonip o.

Wayu 11:17

“Kat komaawi lombok menggendak aa'nduk wonagagindak, yogondak wonage, ninogoba Ala nogo kat aret o. It aakumi abok inowe kendagembogut logonet, wone lengganogo yorage logokit nduk, unde agagindak nogo, Yogondak yi eyom paga aret eeke logokit nduk, mi'nagandak me, Wa, wa, yokkogo o.

Wayu 20:11

Ti eekwi iige nagarik, wone lengganogo yorage menggim eyo nggwok ndoonak yanggwi lombok lan ari nogo paga aap ambi kwi'nage kagarak. Awo kwi'nage kagak, mbogut-nggween eenggi-iyok lek, lek age mbaki, ti'nuk, peebi obaane'me ari wage koolik mondok-mondok lek aret age kagarak.

Wayu 6:14

mbuku pirik-perek eeko mengga kwak mbogut nggoguk ari logonet, pirik-perek arit nage, ndi, puut inom, niyo inikime nggween kup mbanak inom, abok aret wo'narok ambi me ari nagak eeke, eeke kagarak.