Ndawi 98:1 - Ala Wone Peenok Peebi Mbanak

¹ At Aliku ALA nen Yi eekak ndi eekak iya tit eerit nage logonet, At eenggi abe'nggan omaawi paga, At eenggi abu woloonak paga, Eegin tiyak yegerak me, Ndawi ngget at anep pugu wako logonip o.

Ndawi 98:1 ပူးပေါင်းရင်းမြစ်များ

Wakkagagerak 3:15

Ndi, kat waalo yi, kwe yi kimbirak ogoorak wonogwe, ndi, kit kimbirak ndaganabumonggotak kunduk ogoorak mban wonogwe, eeko logomunggup nduk, an Naliku Ala nen aret piyanogo pinagagi o. At kwe yi ndaremenggerak nogo nen kat kanobak aambelenogo pagage, ndi, kat nen at ndaremenggerak nogo iyok unggut keyak mbangge, eeko logomunggup o,” yoreegerak.

Ayup 40:9

An neenggi nogo ti, Ala eenggi omaawi ndak-ndak wonage mbake, Ndi, at Ala oone ngguurubu ari menggi kwak, An noone togop aret ari mbake, Eeke agandik ya?

Ndawi 105:5

Aliku ALA ayeloman Abarakam paga wiganak yi wae. At leenogo pinagareegerak Yakup ombowologwe yi wae. At Aliku ALA iya tit eerogo pit wagagerak inom, Eerubok mendek eeke nagagerak nogo inom, “Aaninggin ndogop eeppinagagin o,” yinuk, kit kinom ogoorak yoragagerak nogo inom, Abeko logonip o.

Ndawi 136:4

At alik lombok nen Eerubok mendek iya tit eeke menggerak me, “Wa,” yogo logonip o. & Ninabuwa mbake ti, itok kunik wonage o.

Ndawi 139:14

Neebe mondok iya, “Wi,” yuurak mendek Ogobakkigirogo paneegindak me, “Wa,” yokkege agarik o. Kat eerit nage menggendak ti, Mondok iya lombok an abu neenu aret o.

Ndawi 149:1

Aliku ALA tiyappogo logowok o. Aliku ALA ale'nggen kaawak nduk, Ndawi ngget pugu wakwi, Apuri ake leenak kuwak eerak inenggela'me nen at tiyappugwi, Eeko logowak o.

Ndawi 33:3

Ale'nggen kaawak nen ndawi iyaalok pugu nogo wakwi, Kinoone amburu paga nggitat eeko logonet, kinale'nggen nen keekok piyanggogwe, Eeko logonip o.

Ndawi 72:18

Iterali inogoba Aliku Ala alik en Yi eeke ndi eeke abu iya lombok eeke menggerak me, At mondok tiyappugwi,

Ndawi 77:14

Kat Ala kalik mban iya tit eeke menggendak o. Aakumi inanebunu lombok inenggela'me Kat komaawi keyaawak nduk eeppiige,

Ndawi 89:14

Obeelom eeppiinet nage, a'me nggelok eeke, Eeke menggendak nogo Kat wone lengganogo yorage menggenom ti paga panggonak kagak, Aakumi inabuwa nen iniki kunik aganake, Yoraga'ndak li'luk eeppiinet nage, Eeke menggendak kabok nogo Aa'nduk wiganinuk nage kagak ambo'me wage menggendak o.

Ndawi 96:1

Kit aakumi abok nggween paga wonogwe yi wae. Aliku ALA konenuwak nduk, ndawi wakwi, Aliku ALA liippuwak nduk, Kit ndawi ngget pugu tiyanggwi,

Ndawi 96:3

At mondok tiyanak menggerak nogo, it aakumi lombok inenggela'me mbininogo yorogwe, At iya tit eeke menggerak nogo Aakumi inanebunu lombok yoranet nugwi, Eeko logonip o.

Wundeegwaarak 15:11

Kat kikak nakeelik wonage keenok tiyappagagwi, Eerubok mendek eeke menggendak keenok, Wi, yinuk, kayuk wukwi, Eeko menggaarak me, Kat pogom ta wonage o? Yi kugi ndi kugi Kaliku ALA kat pogom ambi wonage abu lek aret o.

Wundeegwaarak 15:6

Kaliku ALA keenggi abe'nggan ti, Omaawi abu iya lombok menggerak me, Kaliku ALA keenggi abe'nggan paga nen kawim yigirik-noonom eerogo piigendak o.

Yetaya 12:5

Aliku ALA abu iya lombok eerit wagagerak me, at anep tenok-mbenok yogo logonet, ndawi wakwi, At eerit wagagerak nogo aakumi o nggween paga wonogwe abok aret ineenu eeppiinet nugwi, Eeko logonip o.

Yetaya 42:10

Kit aakumi nggween irip-irip wonogwe yi, wae. Ndawi ngget mendek Aliku ALA ake wakwi, At mban alut eekwi, Eeko logonip o. Kat niyo laut kinikime wonogwe kinom yi wae. At alut eekwi, Laut iniki me kit nggween ku'mbanak inom, it kit paga wonogwe inom, at alut eekwi, Eeko logonip o.

Yetaya 52:10

Aliku ALA nen yi aakumi ndi aakumi inenggaanom paga at eenggi abu omaawi alik leenak tiyappunuk wonage kenok, Aakumi o nggween irip-irip wonogwe abok aret ninogoba Ala ninagap ndari wage inigen kaagun o.

Yetaya 59:16

Aliku ALA nen aap ambi a'me nggelok eeke kin kaga'lek wonage, At ambi nen it yeenggwaaroorak at kaga'lek wonage, Eekwi iige nagagerik, “Iya!” mbareegerak. “Iya,” mbake nagagerik, at lombok eenggi omaawi paga inagap ndake, A'me nggelok eeppiige logonet, yeenggwaarage, Eerikit nduk, eereegerak.

Yetaya 63:5

Yeenggwa niriyak ambi wonogwe iyo, nenegen yamboninakirak kwe, lek aret iige, Yeenggwa niriyak lek iinok, Ai, mbake, Eeke nagarik, Nanini ninikime lik ari, Nanini kani kunik negen mi'nage, Eeke kagak, Nalik neenggi omaawi paga nen tebenogo piige logonet, It aakumi anggur anggen kwak niyok aambiranogo piige, Anggur amburu nenok kumili kunggo mengga kwak, nanini kaawak nduk eeppiige logonet, inamiya nggween paga kilirogo pit nage, Eekirak o,” yinuk, yo'negerak o.

Yeremiya 31:22

Kwe aagaluk wone yogetak liippegeelik at ti, Yagak-ndagak nege kagak, ne mande ari nagin o? Naliku ALA nen o nggween paga yime ngget mendek ambi eerogo pigin nogo ti, Kwe aret kwe, kwe nen aap ndegengge menggi kwak an togop aret eerogo pigin o,” Yinuk, yegerak o.

Lukat 1:49

At Omaawi Lombok Menggerak nogo nen iya tit eeppaneegerak o. At endage mondok abe alik leenak aret menggerak.

Yaya 16:33

Wone yi yokkiragi nogo ti, an ninom kunik logonet, kiniki ugun tayenak lombok logobagip nduk, yokkiragi o. It aakumi nggween paga yime menggaarak mendek nogo nen piyakkinako logogun kwe, it o nggween paga yime inomaawi menggaarak nogo muk tebenogo piigirak me, kiniki kwippunuk, nu'lek logonip o,” yinuk, yoragagerak.

Nappiigak 19:20

Ninogoba Yetut oone woppunuk togop aret eeko nogogwaarak paga, wone ti wiganinuk nage kenok, aakumi nen wone ti, liippugwi, waganggwi, eerit nogogwaarak.

Nappiigak 2:11

nit Yakuri mendek inom, it endekem mendek nit Yakuri eeko monggoorak waganeegwaarak inom, Kereta mendek inom, Arap mendek inom, nit abok aret Ala eerubok mendek nggwok lombok eekerak nogo ninoone lombok paga mbininogo yo'nirogwe abok konenggo ogoorik o,” yinuk,

Kolote 2:15

Ti eereegerak nogo ti, it wim nambuppunuk, “Nit nineegin tiyak yigi o,” yinuk, “Wi!” iraawak nduk, aakumi ineebe kugun wogoren wogo mengga kwak, at Keritut nen, “An neegin tiyak yegerak neyaawak o,” yinuk, at Tile inom, at awuri yi kugi ndi kugi inom, abok aret inomaawi lek eerogo piinok, inenggali aruwak nduk, ineebe nggwok paga o oolo yayi wogoren nege nagagerak.

Wayu 14:3

Konengge nagarik, at wone lengganogo yorage menggim menggerak eebe nogo inom, it aakumi nen iigulik mendek ineebe 4 nogo inom, ndi, it mbogut paga wonogwe inoweewi inom, wonogwe iigak, it ineebe seratus empat puluh empat ribu nogo nen inabu'me wanggeko logonet, ndawi ngget mendek wakwi iigirak. Ndi, ndawi wakwi iigirak nogo ti, it aakumi ugun nen mamumbunuk tiyaniyak abu meek o. Ata, at Ala nen, “It o nggween paga time logorak lek o,” yinuk, aap seratus empat puluh empat ribu inonggo mbaneegerak nogo nen mban tiyaniyak perak op me, tiyanggwi iigirak o.

Wayu 17:14

Ndomba Aagaluk nogo tebenogo puwok nduk, inom wim nggagambunuk namburit namenggaarak kwe, Ndomba Aagaluk nogo ti, aakumi inoweewi inowe inom, ndi, yi aap ndi aap inendagembogut inowe endagembogut inom, ti, at alik aret me, apuri miirinake nagagerik, yonggo piyareegerak inom liirogon eerit nogwe nogo, inom wunggo logonet, nggeewo awuri inom tebenogo piyaagin o,” yinuk, yo'nege kagarak.

Wayu 3:21

Ndi, it an noone mbo pega'lek mondok nu'lek porogo logonet mugurok nogwe iinok, an nogoba yo'nereegerak nogo abu worok togon eeppunuk, at wone lengganogo yorage menggim nimbirak kwi'ndak wonage nogo ndak-ndak, it kunduk an noone lengganogo yorage minggim ninom kwi'ndak logowok nduk, Neya woraanip o, yinuk, yoraagin o.

Wayu 5:9

ndawi ngget mendek wako logonet, “It aakumi inanebunu alitak lombok inom, inoone alitak lombok inom, inagabolo alitak lombok inom, yi aakumi ndi aakumi abok aret wonogwe kwe, Inenggela'me nen ambitak nggiginogo Ala apuri aruwak nduk, kat kooko mbareegwa, kamiya paga inonggo mbaneegindak ti paga mbuku pirik-perek aago keele 7 maarak nogo, kat nen waganogo piiniyak op aret o. It kat kamiya paga inonggo mbaneegindak nogo, ninogoba Ala abu'me piinok, Ala unde logonet, ake eeko logowak nduk leenogo mippiyareegindak me, Inendagembogut logonet, aakumi nggween paga ogu time wonogwe nogo wone lengganogo yorogo logogun o,” yinuk, at yogwi naruk konenggirak. Konengge nagarik, it inoweewi ineebe 24 nogo nen nggitat inom, togolowak mbuti emas paga ogobakkigirik obari abe kaga toolak nogo inom, inalitak lombok porogo logonet, ndawi paga yogwi iigirak o. Obari abe kaga togolowak mbuti emas paga toolak nogo ti, it Ala apuri ake leenak tamban eeko nogogwaarak inoone toolak negen aret kagarak.

Wayu 6:2

nenegen neegak, kuda eeruwak yanggwi lombok me, amborowak paga aap ambi kwi'ndak eegin eenggime wage mbaki, “Aakumi tebembiya nak o,” yinuk, nggare-nggare ambi yippunuk, nappege mbaki, tebenogo piinet nage kagarak.