Ndawi 97:2 - Ala Wone Peenok Peebi Mbanak

² Ndugwi inom, o yumaak aago inom, At enaagan-ambokan wanggerak wonage, At nen obeelom eeppiinet nage, a'me nggelok eeke, Eeke menggerak nogo ti, At wone lengganogo yorage menggim Ti paga panggonak wonage menggerak o.

Ndawi 97:2 ပူးပေါင်းရင်းမြစ်များ

Wakkagagerak 18:25

Kat nen it aakumi obeelom eeko menggaarak inom, maluk eeko menggaarak inom, Ndak-ndak aret o, yinuk, abok lambuk togon inooriyak ti mage o, nogoba. Yi aakumi ndi aakumi inomaluk inom, abe inom, inowak loongga kat aret me, yiluk-yiluk inowak loongge menggerak kombarukwak me, togop eerugun o, nogoba.”

Ayup 23:14

Eeppaniyak koonogo pereegerak nogo aret eeppanege, Eerit noorak koonak ti mendek ambik lombok wonage nogo aret eeke, Eeke menggerak ti paga

Ayup 26:9

Tut kole etenggen nobarogo pege logonet, Andugwi paga lenggenogo pege,

Ndawi 77:19

Kat wagak karu ti, niyo nggwok laut aret o. Yi kole yenggenak laut kiiniki paga kiyok pit wagagindak kwe, Kiyok a'lip nogo aakumi inigen kaga'lek aret wonogogwaarak o.

Ndawi 89:14

Obeelom eeppiinet nage, a'me nggelok eeke, Eeke menggendak nogo Kat wone lengganogo yorage menggenom ti paga panggonak kagak, Aakumi inabuwa nen iniki kunik aganake, Yoraga'ndak li'luk eeppiinet nage, Eeke menggendak kabok nogo Aa'nduk wiganinuk nage kagak ambo'me wage menggendak o.

Ndawi 89:15

Kaliku ALA wae. It aakumi kalut eeko logonet, Inale'nggen nen ndawi lubuk yogwe, Kenggaawak abinak paga eerit nugwi, Eekwi nogo Inale'nggen aret logogun o.

Ndawi 99:4

At endagembogut mondok tiyanak wonage, Eekaatak a'me nggelok eeppiigo logorak inikilom mbake, Ndak-ndak eeppiinet nogo logorak wone lengganogo pege, Obeelom mban eerit nugwi wone inom, Eekwi a'me nggelok eeppiigwi wone inom, It Yakup paga wiganak eeko logowak nduk, Lengganogo yorage, Eereegerak o.

Wundeegwaarak 19:9

Yori lagangge mbareegi, at Aliku ALA nen Muta yoge, “An wone nimbirak mbanggwi nogo it aakumi Iterali nen inaruk konembunuk, koone yorage nogo mondok-mondok abet mbako logowak nduk, an ameraakot apit aago enggela'me keya wambi woraagin o,” yinuk, yoge mbareegi, at Muta nen it aakumi Iterali yereegwaarak nogo Aliku ALA yoreegerak.

Wundeegwaarak 20:21

Yorage nagagerik, it aakumi Iterali nogo tayorogon taati mi'ndak iigak, at Muta alik aret ameraakot yumak-lumak aago Ala wonage me panggorogon taati aret ari nagagerak.

Kini Wuppiige 16:12

Aakumi obeelom mban eerit nugwi paga aap inendagembogut wone lengganogo yorogo menggam omaawi menggaarak me, It aap inendagembogut nen aap maluk eerit nugwi nogo ineebi lombok mbako menggaarak.

Nakum 1:3

At Aliku ALA ti, iniki yanggoppunuk wonage, At omaawi mondok nggwok lombok wonage, Eeke menggerak kwe, It aap maluk eeko menggaarak inomaluk onggo eeppiyaagin lek ti lek, eeppiyaagin aret o. O wiya oone pu warit wage logonet, nombok-kombok eeke kagak at enggela'me wage, Aap tu paga nage logonet, iyok paga liirubu aa'ngga eerogo pit nage menggi kwak, At o ndugwi paga nage logonet, togop eerogo pit nage,

Oroma 11:33

Ala iniki warak lombok nen yi wone ndi wone eenu menggerak me, oba ngginik kagak obeelom eeppinanit wundi wage menggerak me, iya! At iniki koombunuk eeke menggerak nit nen kibinit ungguurak op mbakop? Ndi, at eeke menggerak nit liippit ungguurak op mbakop?