Ndawi 97:12 - Ala Wone Peenok Peebi Mbanak

¹² Togop aret me, kit kiniki abe koonak yi wae. At Aliku ALA nen eeppinagit wage paga kinale'nggen mbakwi, At endage abu abe alik leenak kenok, “Wa!” yinuk, tiyappugwi, Eeko logonip o.

Ndawi 97:12 ပူးပေါင်းရင်းမြစ်များ

Ndawi 30:4

Kit Ala apuri ake leenak monggotak yi wae. Aliku ALA anep pogo logonet ndawi wakwi, At endage abu abe alik leenak me, tiyappugwi, Eeko logonip o.

Ndawi 30:5

Ne ambit mban at anini ninombake menggerak kwe, Ale'nggen nen obeelom eeppinanege ti perak, Eeppinanegak mban eeke kagak Kambi noorak kuli ari nagin o. Oonikiya le mban yogwe iigak O weerikit nduk eeke menggerak kwe, O weege kenok perak, inale'nggen mbako menggaarak.

Ndawi 32:11

Togop me, aap kiniki abe mendek yi wae. Aliku ALA nen eekkinake paga Ale'nggen mbako logonet, keekok yogwe, Kit abok kiniki abu koonak monggotak yi wae. Kiniki ale'nggen nen ndawi lubuk yogwe, Eeko logonip o.

Ndawi 60:6

Kat Ala kawi alik leenak menggenom nen ari logonet, “Nale'nggen paga nggween Tikem ogoorogo tumbukkirage, O Tukot Kobappaga time kuli wakkagak mbanogo wokkirage, Eerigin o.

Pilipi 4:4

“Ninowe kinom kunik logonet, kiniki ale'nggen mban mbako logonip o,” yinuk, ne mbere paga yokkiragi o, noreewi.

Iberani 12:10

Ninogobamini abe nda'ninabeegwaarak nogo nen, “Abe eeko logowak nduk eeppiyoorak yi aret kogo,” yinuk, iniki koombunuk, luulu ninaruk wako menggaarak kwe, ninogoba Ala perak, at maluk eekeelik mondok alik leenak obeelom menggi kwak, nit togop ndak-ndak aret logowok nduk, liippunuk, niniki koonninake menggerak.