Ndawi 97:10 - Ala Wone Peenok Peebi Mbanak

¹⁰ Yoragaatak konembunuk liirogon eerit nugwi nogo Aliku ALA nen inarum wonage, Aap maluk mendek ineenggime nen inagap ndake, Eeke menggerak me, Kit at Aliku ALA kiniki kunik eeko monggotak yi wae. Maluk kineebi mbako logonip o.

Ndawi 97:10 ပူးပေါင်းရင်းမြစ်များ

Ndawi 101:3

An neegak maluk eeriyak ti, “Mage o,” yorage, Eeke logogin o. It aap an noone liippuurak ineebi mbakwi nen Eerit nugwi nogo an neebi inombake, It an ninom kunik logorak lek aret inombake, Eeke logogin o.

Ndawi 119:104

Eeko logorak koone yugu nogo Liippit unggwage minggirak paga Abe eeriyak lek kagak eerit nugwi nogo An neebi lombok mbake minggirak o.

Ndawi 119:163

It aap pilit agan nugwi ti, mondok neebi mbake, Peyak wurik kwak agan nugwi mbake, Eeke minggirak kwe, Koone Muta nen liiru mbaneegerak ti perak, Niniki kundugu lombok minggirak.

Ndawi 121:7

Maluk kinoba age kero, Aliku ALA kinarum wake, Kineebe kinookwi iyo, liirogon ndegengginake,

Ndawi 125:3

It aap maluk mendek inowaanggun aap iniki abe koonak Inanggween wogoragagerak nogo paga mondok-mondok yinik logogin lek o. Yinik logonetak en, It aap iniki abe koonak ineenggi paga nen it aap maluk eeka nogo, Maluk eeppiigo logonetak o.

Ndawi 145:20

It aakumi abok nen Aliku ALA iniki kunik eekwi iinok enegen wogonake, Eeke menggerak kwe, Aap maluk mendek perak, abok aret lek eerogo piyaagin o.

Ndawi 31:23

Togop me, Ala apuri ake leenak monggotak yi wae. At Aliku ALA kiniki kunik eeko logonip o. It aap at oone li'luk eeka nogo At Aliku ALA enegen wogonake menggerak kwe, It iniki wogoppatit nugwi iinok perak, Eekaatak abu ndak-ndak onggo eeppiige menggerak o.

Ndawi 34:14

Ndi, maluk mendek mbo punuk, Obeelom mendek kenok mban eerit nugwi, “Nonggop agago niniki ambit lambunik logorak,” koonggwi, Abu koombunuk ti aret kinomaawirogon mugurok nogwe, Eeko logonip o.

Ndawi 36:4

It nogo yogo menggam logonet kunduk Maluk eeriyak mban koonggwi, It eerit nugwi nogo ti, Obeelom lek maluk mban aret eerit nugwi, Maluk eeriyak eerinake nogo Mbo puurak mbaka'lek aret eekwi, Eeko menggaarak o.

Ndawi 91:14

At Aliku ALA nen ari logonet, “At aap ti, iniki kunik ee'nake me, agap ndake, Ala ti, an nogoba aret o, yinuk, ari me, arum wonage,

Kini Wuppiige 3:7

“An wone abok neenu aret o,” mbake ti mage o. Ata, Aliku ALA kagabiti mbake, maluk kenok ogole nen mbagangge, Eeke logot o.

Kini Wuppiige 8:13

Aliku ALA inagabiti mbakwi ti, “Maluk nineebi o,” mbakwi ti aret. Iniki wogoppakwi, Nit iya, mbakwi, Ineraambe maluk lombok eerit nogwe, Inambokan laganuwak nduk agan nugwi, Eekwi ti, An neebi lombok mbake minggirak o.

Yetaya 45:17

It Iterali yi perak, Inagap ndarak mondok-mondok logowak nduk, Kaliku ALA nen inagap ndarogo piyaagin me, Inenggali age, inendage maluk age, eeka'lek mondok-mondok obeelom aret wonogo logogun o.

Yeremiya 15:21

It aakumi maluk eeka ineenggime nen kagap ndarogo pagage, It aap iniki worokot ineenggime nen wondet eerogo pagage, Eerigin o,” yinuk, at Aliku ALA nen aret yegerak o.

Ndaniyen 3:28

Iigo nogogwaarik, aap Nebukanetat nogo nen it kuwak ogogwaarak nogo yorage logonet, “It Tarerak, Metak, Abe'nego nogo iniki inogoba Ala oba panggonak menggaarak me, An nagugi ogut aago ayuk wuriyak o, yinuk, wone lengganogo wumbigirak nogo paga it nen yogo logonet, Nit at agugi alut eerugun lek o. Ninogoba Ala mban alut eekwi, at abu'me mban tebe yinuk, ayuk wukwi, eerugun o, yinuk, kambuurak inagabiti lek aret puk agaarak paga kani omoonuk wunuk ari me nen at ayeloman mini yi, inagap ndarogo wumbiya woraawak nduk, inogoba Ala nen malayikat ambi nappi wagaarak me, it inogoba Ala endage tiyappogo logowok o.

Ndaniyen 6:22

yoge nagagerik, “Nogoba Ala nen an maluk ambi eeka'lek ugun wonage neege, ndi, kat nogoba kendagembogut kenggaanom paga kunduk, an maluk eeka'lek wonage neege, eeke nagaarik, singa inambe narogo puwak nduk, malayikat nogo ambi nappi wagaarak inambe narogo piigerak me, ineyak nibinnaka'lek an ugun agarik o.”

Amot 5:14

Kit kineenik logomunggup nduk, maluk eeriyak mbakwi nogo mbo punuk, Obeelom eeriyak mendek mban mugurok nogo logonip o. Ti eekwi kiinok, “Aliku ALA ninom wonage o,” yinuk, yogo monggotak ndak-ndak At Omaawi Lombok Menggerak Aliku Ala kinom aret logogin o.

Amot 5:15

At Omaawi Lombok Menggerak Aliku Ala nen kit Yutup mendek eegu yumbunik wonogwe nogo, kinabuwa mbake kagak eerukwak, Maluk eeriyak kineebi mbakwi, Obeelom eeriyak kiniki kunik eekwi, Ndi, inowak loonggo menggam aakumi inowak loonggo logonet, eekaatak ndak-ndak eeppiigwi, Eeko logonip o.

Oroma 12:9

Kiniki laakot logonet, kiniki kunik aganako logogup o. Ata, inabuwa nen kiniki kunik aganako logonip o. Yi maluk ndi maluk eekwi ti, kineebi mbako logonet, obeelom eeriyak kenok mban kinikilom mbako logonip o.

Oroma 7:15

An eerikit mbake nogo, eeka'lek logonet, eeriyak neebi mbake nogo aret eeke minggirak me, nonggop ee'nake kenok, eeke minggirak o, obak!

Oroma 7:24

Maluk eeriyak ee'nake nogo mban eerit nage logonet, irip paga yobok togon kambuurak aret ari nage me, “Ta nen nagap ndarigin o?” yinuk, niniki abu maluk tit aga o.

1 Korindut 8:3

Ndi, aap ambi Ala imbirak iniki kunik wonage nogo Ala nen aap ti, eenu aret menggaarak o.

2 Tetalonika 3:2

Ndi, it aakumi abok aret abet mbaka'lek me, it aap maluk eeka abu maluk lombok eerit nugwi ti nen, nit maluk eerogo pinanukwak, ninogoba nen ninagap ndaruwak nduk, ninake tamban eeko logonip o.

Yakobut 1:12

It aakumi inabut mbangge kagak nu'lek wonogwe kenok, inale'nggen aret mbako logowak o. It aakumi inabut mbangge kagak nu'lek wonogwe nogo, op eekwi iinok, nggare-nggare mendaarak yippiigo mengga kwak, “Kineenik mondok logorak mendek wokkiraagin o,” yinuk, abok yoragagerak ti, it aakumi Ala iniki kunik eekwi nogo, aret wogoraagin o.

Yakobut 2:5

Nowe-nawot o. Kit an niniki kunik me, wone yi, liirogon konenggo logonip o. It aakumi nen, “Aap ti, ineenggi lek,” inombakwi iigak, Ala nen miirinabeegerak nogo ti, ineenggi warak kwak, “Iniki mondok abet mbaruwak,” mbake, ndi, “Aap abok aret, Nogoba ao, yinuk, iniki kunik ee'nakwi iinok, nabu'me piyaagin o,” yinuk, abok yoragagerak nogo, Ala abu'me piige menggim ineyate kokwak unde eeppiige, eeruwak nduk, miirinabeegerak nogo lek a?

1 Peterut 1:5

Ninake pinanogo wonage kola noorak nit nogo ti, abet mbakwi niinok, Ala nen o age yobok paga ninagap ndariyak kooneegerak nogo, peebi togop ndak-ndak eeppinanikit nduk, yogondak Ala omaawi paga nggelorogon pinanogo wonage nogo, ninake aret pipuk eerogo pinaneegerak mbogut paga wonage o.

1 Peterut 1:8

Kit Yetut kinigen kaga'lek kwe, kagak, kiniki kunik eekwi, ndi, yogondak at eebe kinigen kaga'lek kwe, kiniki at oba panggombunuk, abet mbakwi, eeko logonet, “Nit niniki abet mbakwi nogo, anggen yugu paga nineebe ninagap ndarigin,” mba'nuk, kiniki ale'nggen mbakwi nogo ti, mondok nggwok alik negen agaarak me, nonggop togon mbininogo yuubok aga o.

1 Yaya 4:19

Aa'nduk at Ala nen nit ninabuwa mba'nuk, iniki kunik ee'ninabeegerak me, yogondak nit togon togop aret aakumi inabuwa mba'nuk, niniki kunik aganako logowok o.

1 Yaya 5:18

Aap ambi Ala nen ndareegerak kenok, at maluk eerit nageelik ti, nineenu aret o. Ala aput Yetut nen aap ti, liirogon aret porogo menggerak me, at maluk eeka nogo nen aap ti, maluk eeppuurak mondok meek aret o.

Wayu 13:8

Ndomba Aagaluk wareegwaarak nogo nen o maan mbogut-nggween yi awo wakkaga'lek kagak, aakumi o nggween paga menggaarak abok aret it inendage mondok-mondok ineenik aganaburak mbuku paga liiru mbanak wonage lek kenok, at nggeewo nogo alut eekwi iigirak.