Ndawi 96:9 - Ala Wone Peenok Peebi Mbanak

⁹ Aliku ALA kikak nakeelik alik leenak mondok iya lombok menggerak me, Ayuk wuko logonet, alut eekwi, Kit nggween paga monggotak yi abok aret at enggaanom paga kinaganak nuk-nuk kirage, Eeko logonip o.

Ndawi 96:9 ပူးပေါင်းရင်းမြစ်များ

2 Mbinineegwaarak 29:28

It ndawi wakwi, oone nggwok eeka trompet nogo oone pu eekwi, aakumi kuwak aago abok aret inendobanggun yindumbunuk, Aliku ALA ayuk wukwi, eekwi iigak, ake kani kuneegwaarak nogo kani yubuk togon nenggegerak.

2 Mbinineegwaarak 29:29

Ake warogo kani kuneegwaarak nogo kani yubuk togon nengge mbareegi, aap endagembogut inom, aakumi inom wonogogwaarak abok aret inom, inendobanggun yindumbunuk, Ala ayuk wureegwaarak.

2 Mbinineegwaarak 29:30

Ayuk wuko nogogwaarik, aap endagembogut Kitikiya inom, at inom eeko menggaarak inom, nen it Lewi mendek yorogo logonet, “At Ndawut inom, abinggaanggo kaga Atap inom, nen ndawi pereegwaarak nogo paga Aliku ALA alut eeko logonip o,” yorogogwaarak ndawi wakwi iigak, it abok aret inale'nggen nen Ala endage tiyappugwi, inendobanggun yindumbunuk, ayuk wukwi, eereegwaarak.

Etara 7:27

Ndi, liiru an Etara nake mbaneegerak nogo woppunuk, pekkage nagarik, “Ala wa,” yinuk, yoge logonet, “Kaliku ALA kawi wurik o Yerutalem wonage nogo obeelom eerogo puwak nduk, aap endagembogut inikime mambege, ndi, kat an nabuwa mba'nuk aap endagembogut inom, inom wone koongga inom, inom eeko menggaarak inendage warak nagawan-nagawan inom, abok aret yeenggwa niruwak nduk, eeppiige, eekendak me, Kaliku ninombomini inogoba Ala kendage tiyappagage agarik o.” Ari nagarik, at Aliku nogoba Ala eenggi nggorek paga nobappanogo wonagagerak me, nogogumbuk a'nuk, aakumi Iterali inenggela'me nen inoweewi ninom woraakit nduk, kuwak eeppiinok, ninom wogogurak ti aret.

Ndawi 110:3

Kat komaawi tiyak ari eyom paga It kawuri wim eeka nen inobaanggi-inobaangge abe lombok li'luk eekko'nok Inale'nggen paga kinom wim eeri unggwogwe, Kubondendok konaananggen luuri wage menggi kwak, “Ninom wim eeruwi o,” yinuk, kawuri aap tawe nogo kiyo'me ari wogwe, Eerugun o.

Ndawi 114:7

Yugum obaane'me niyo yenggenogo pege, Yugum lunik me nen yi eneeri wungge logorak eerogo pege, Eereegerak me, Kat o nggween yi wae. Kat kogoba enggaanom paga, At Yakup ogoba Ala enggaanom paga, Kat kaganak wake logot o.

Ndawi 29:2

Aliku ALA endage abu iya me, tiyappugwi, At kikak nakeelik alik leenak mondok iya lombok menggerak me, Ayuk wuko logonet alut eekwi, Eeko logonip o.

Ndawi 33:8

Aliku ALA oone ari kagak, abok aret age, “Yogop a'nip o,” ari kagak, Abok aret nu'lek arit wage, Eereegerak me, It nggween paga yime wonogwe abok aret At Aliku ALA inagabiti mbakwi, Yi aakumi ndi aakumi yi o ndi o wonogwe nogo Abok aret at ayuk wukwi, Eeko logowak o.

Ndawi 76:11

“An yogop eeke logokit o,” yinuk, Aliku kinogoba Ala endage kumbunuk, Kumbuk mbanumonggotak nogo ndak-ndak aret eekwi, It aakumi kinaagan-ambokan koorok wonogwe nogo, Abok aret at ayuk wukwi ake pugu nogo wogori wogwe, Eeko logowak o.

Ndawi 76:7

It aakumi abok aret kat keenok, Inamineeri ne agan nage menggerak me, Kat kanini inoba piige keegak, Aap ta nen ko wappunuk logogin mbaken? Lek aret o.

Ndawi 99:1

At Aliku ALA endagembogut aret o. Endagembogut aret me, Yi aakumi ndi aakumi inaganak wake, Malayikat negen kerub aru-ogwe iigak, Oolo at wone lengganogo yorage menggim wonage kenok, O nggween yi, nuk-nuk ari, Eeruwak o.

Yetikiyen 7:20

It mbuti perak paga, emas paga, inobaanggi-inobaangge abu kigirikwe eerogo punuk, tiyappatit nugu nogogwaarak nogo, nggoorogo ti paga ogole warak mendek inagugiwak nogo eerogo pugwi, inagugi ogut ogole warak mendek ogobakkigirogo pugwi, eeko nogogwaarak me, it ineraaket nen, Ogole warak me, Iya, yuwak nduk, eerogo pigin o.

Ndaniyen 11:45

Woraanuk, niyo nggwok yenggenak laut nogo peenok wonage, ndi, puut abe alik leenak nogo peenok wonage, eerak kagak, oolo time at endagembogut me, awooliya mondok iya lombok wurigin kwe, at lek ariyak eyom panggoni wage kenok, aakumi ambi nen at yeenggwaaga'lek iigak, enggaawak lek arigin o,” yinuk, yegerak o.