Ndawi 96:4 - Ala Wone Peenok Peebi Mbanak

⁴ Aliku ALA ti, mondok iya lombok me, At mban tiyappogo logorak ti, op aret o. Yi kugi ndi kugi abok aret inayuk warak aret kwe, At inirimbaga lombok me, at mban ayuk wuko logonip o.

Ndawi 96:4 ပူးပေါင်းရင်းမြစ်များ

2 Mbinineegwaarak 2:4

It Iterali nen obari abe kaga kani kunggwi, ko'lu-kii'me oroti alik leenak nogo ndoonogo pugwi, ndi, kubondendok paga, o kiyoma paga, nogo 6 yippunuk, ko'lu nogo 7 yonggonggologo logorak paga, tut ngget penengge kenok eekwi paga, Aliku ninogoba Ala ninale'nggen nen laago lako logorak koonogo pugu nogo lakwi paga, ake warogo kani kunggwi, eeko logorak nogo ti, mondok-mondok eeko logorak wone koonak me, Aliku nogoba Ala endage ki logowak nduk, eeke, ndi, ti eeko logorak ake at awi wurogo pege, eerikit nduk, eeke agarik o.

Nekemiya 9:5

ti'nuk, it Lewi mendek ando Yetuwa, Karimiyen, Mbani, Katabeneya, Terebiya, Koriya, Tebaniya, Petaya, nen wone yorogo logonet, “At o aa'nduk nen nok, peebi mondok-mondok logorak Aliku kinogoba Ala endage tiyappuwok nduk, mi'nanip o,” yinuk, yorogogwaarak. Yorogogwaarak mi'na'nuk Ala yogo logonet, “At ambi nen at ambi ale'nggen oba pegak eekwi, at mbi nen at ambi endage tiyappegak eekwi, eekwi ti, iya aret kwe, kat perak, it inirimbaga kendage mondok iya tiyanak lombok aret.

Ndawi 145:3

Kaliku ALA nggwok lombok menggendak me, Kalut eeko logorak ti, op aret o. Kendage mondok nggwok lombok wonage ti, Aakumi nen liippuurak meek aret o.

Ndawi 150:2

At omaawi paga eerubok eerit nage menggerak me, tiyappugwi, At abu nggwok endage tiyanak lombok me, tiyappugwi, Eeko logonip o.

Ndawi 18:3

Nawim nen nookwi iyo, “Yeenggwa niru o,” Yinuk, noone omaawi paga Aliku ALA yoge neenok, Nagap ndarogo panege menggerak me, At endage tiyanak aret logowak o.

Ndawi 48:1

Aliku ALA abuut alik leenak menggim ninogoba Ala agota paga wonage nogo, Mondok iya aret me, at tiyappogo logorak ti, op aret o.

Ndawi 66:3

Kinogoba Ala yogo logonet, “Kat iya tit eerit nage paga ninamineeri ne agan nage, Komaawi ambik lombok menggendak paga Kawim inagabiti nen yipik agan kabu'me ari wogwe,

Ndawi 66:5

At Ala eerit nagagerak nogo liippi wogwe, Aakumi inenggela'me inagabiti warak mendek eeppiyareegerak nogo maloppugwi, Ee'nip o.

Ndawi 76:7

It aakumi abok aret kat keenok, Inamineeri ne agan nage menggerak me, Kat kanini inoba piige keegak, Aap ta nen ko wappunuk logogin mbaken? Lek aret o.

Ndawi 89:7

It kapuri alik leenak kuwak aago nen kat kayuk ambik wukwi, Kenaagan-ambokan wonogwe nogo nen iya kombakwi kwe, Kat keenok, “Mondok iya,” yinuk, Inagabiti lombok kombakwi, Eeko menggaarak o.

Ndawi 95:3

Aliku ti, mondok nggwok Ala aret wonage, Aakumi inagugi abok aret inirimbaga at endagembogut abu tiyanak aret wonage,

Wundeegwaarak 18:11

It aakumi Metit mendek iniki wogoppako logonet, aakumi Iterali eeppiigo mbareegwa, at Aliku ALA nen eeppiyareegerak ti paga, yi kugi ndi kugi inomaawi lek tebenak iigak, Aliku ALA alik mban omaawi ambik menggerak neenu agi o.”

Yeremiya 5:22

It an nayuk wukwi, an paga inaganak wake, eeriyak ti, maluk mbakop?” Yinuk, yegerak o. “Niyo nggwok yenggenak laut nogo endekem kilak togon wundi waga'lek mondok-mondok kuli mbanak logowak nduk, mbini pereegirak nogo lek a? Niyo kilaarak-mogonik eeke kwe, endekem kilak togon wungge, Oone, Wo! eerogo wunabi wage kwe, kuli mbanak kagak wungge, Eeka'lek aret menggerak o.

Ndaniyen 2:47

Yorage mbareegi, at aap endagembogut nogo nen at Ndaniyen yoge logonet, “Wone nobarak yi, kin paga yo'negendak ti paga kat kogoba Ala ti, yi kugi ndi kugi tebenak iigak, at abu tiyanak lombok wonage, it aap inendagembogut inowe aret wonage, eeke logonet, wone abu nobarak mendek kin paga yorage menggerak ti abet aret kagi o,” yinuk, yoreegerak.

Lukat 12:5

Kit kinagabiti mbarumunggup nduk, an kurumbi yokkira o. At kinagabolo mondok kinooppunuk, kani omoonuk wunuk mban ari menggim nappinagarak unde menggerak ti perak, kinagabiti mbako logonip o. At mondok kinagabiti mbako logonip o, yinuk, yokkirage agarik o.

Wayu 15:4

Ninogoba o. It taani nen kayuk wukwi, kendage tiyappagagwi, eeka'lek logogun mbaken? Lek aret o. Kat maluk eekeelik kalik leenak obeelom mban menggendak o. Kat mondok a'me nggelok mban inowak loongge menggendak ineenu me, It aakumi inanebunu lombok abok aret kowagam tebe yi wogo logomenggaarik, kalut eeko logogun o,” yinuk, ndawi wakwi iigirak.

1 Tamuwen 4:8

It inagugi omaawi mondok iya me, ineenggime nen ta nen ninagap ndarigin o. It aakumi Metit mendek o karume aaninggin-paaninggin inoba piyareegerak kambit nogo nogogwaarak nogo, inagugi ti nen aret inooke nagagerak me,