Ndawi 94:9 - Ala Wone Peenok Peebi Mbanak

⁹ At ninaruk ogobakkigirogo pinaneegerak nogo nen Nit yogwe nogo aruk konengga'lek wonage, Nit ninigen ogobakkigirogo pinaneegerak nogo nen Nit eekwi nogo enegen niiga'lek wonage,

Ndawi 94:9 ပူးပေါင်းရင်းမြစ်များ

Ndawi 11:4

Aliku ALA nogo at awi wurik alik leenak menggim nogome wonage, Ndi, Aliku ALA ti, wone lengganogo yorage menggim mbogut paga kwindak wonage, Eeke logonet, aakumi abok aret enegen wogonake, It eekwi nogo at enegen liippiige, Eeke menggerak.

Ndawi 17:3

“Noone paga nen maluk ambi eerigin lek o,” yinuk, wone nggaruk togon koonggirak me, Kat nen niniki kwaake, Oonikiya liippanit unggwage, An nabut liirogon mbangge, Eeremenggendak kwe, An maluk eekirak ambi lek aret kaamunggun o.

Ndawi 34:16

Aap maluk eeko menggaarak perak, Aakumi o nggween paga nen inoba aberak logokwak, Aliku ALA enggaawak omaawi paga Lek eerogo piige menggerak o.

Ndawi 44:21

Kat aakumi inikime kote koonggwi nogo Abok liippinanege menggendak me, Kat keenu aret logonetak nogo lek a?

Wundeegwaarak 4:11

Yoge mbareegi, Aliku ALA nen at yoge, “Aakumi inamili ti, ta nen ogobakkigireegerak mbaken? Aakumi inoone lek inom, inaruk logu inom, inigen obeelom inom, inigen mbuk inom, Naliku ALA an nen eeppiigeelik mbaken? Naliku ALA nen mban aret eeppiige minggirak o.

Kini Wuppiige 20:1

Anggur amburu nunggwi paga aakumi miyuk-meya eerogo piyoorak aganake, Ndi, amburu kumili aganaka nenggaatak paga ndugwi puurak eeginake, Eeke menggerak me, Aap ambi nengge nagaatik, tu alik nomo agan nage kenok, iniki lek aret mbako menggaarak.

Kini Wuppiige 20:12

Ninaruk paga konenggwi, ninigen paga kogwe, eeko logowok nduk, Aliku ALA nen imbirak ogobakkigireegerak.

Yetaya 59:1

Kit nen at Ala eenggi omaawi lek me, ninagap ndaka'lek wonage, Aruk logu me ninoone aruk konengga'lek wonage, Eeke mbako ogotik ya? Lek o!

Yetikiyen 35:13

At nen an meek nombake logonet wogoppake, Aliku ALA eeke ti neebi o, yinuk, oone puk aga'lek ugun peranogo wunabit nage, eereegerak nogo, an naruk koneneegirak o.

1 Korindut 12:17

Nineebe abok tigitogon ti, ninigen mban ogobakkigi'netak en nonggop togon ninaruk konenggo logonetak mbakop? Ndi, nineebe abok tigitogon ti, ninaruk mban ogobakkigi'netak en, nonggop togon yi mendek ndi mendek obari kogo logonetak mbakop? Togop logorak meek o.