Ndawi 94:22 - Ala Wone Peenok Peebi Mbanak

²² Kaliku ALA ti, Nagap ndarak logorak yugum pak wurik kwak wonage, Kat nogoba Ala ti, Neebe op logorak yugum lunik kwak wonage, Eeke menggendak me,

Ndawi 94:22 ပူးပေါင်းရင်းမြစ်များ

Ndawi 18:2

At Aliku ALA ti, an nayugum kwak, Nayugum pak wurogo pereegi kwak, An nagap ndaka, aret menggerak o. At nogoba Ala ti, Aakumi nen an nookwi iyo, Yugum lunik kwak abu'me pani unggwage, Nggeemu pogom mulunogo panit nege, Omaawi paga nagap ndarogo panege, Yugum pak wurogo pereegi kwak eerogo panit nege, Eeke menggerak o.

Ndawi 59:9

Nomaawi eeppanega yi wae. Kat nogoba Ala nabuwa lombok mbake, Ala wae. Kat nayugum pak wurik kwak wonage, Eeke menggendak me, An kat paga panggonak wonage agarik o. Tu ni'neren nage, It meek eerogo panugwi nogo kat eeppiige nenegen iinok, “Kayik a! Op togon eeppiigi,” yikit nduk eeppiige, Eerumunggun o.

Ndawi 62:2

Nayugum nu'lek menggi kwak inom, nagap ndaka inom, pak wurik kwak inom, Ti, Ala mban aret me, Niniki mondok kwi'ndak nu'lek aret agarik o.

Ndawi 62:6

Nayugum nu'lek menggi kwak inom, Nagap ndaka inom, pak wurik kwak inom, Ti, Ala mban aret me, Niniki mondok kwi'ndak nu'lek aret agarik o.

Ndawi 62:8

Kit aakumi kinanebunu lombok yi wae. Nineebe op logorak abu'me ari unggwaga ti, Ala aret me, Neetik-neetak Ala paga panggonak wonogwe, Kiniki mbako monggotak nogo abok aret at enggaanom paganogo pugwi, Eeko logonip o.

Ndawi 9:9

Kaliku ALA nen it tebenogo piinok wonogwe nogo nobaarogo piige, “Nonggop eeruwi?” yinuk, iniki piirik wonogwe iinok, kumaarogo piige, Eeke menggendak o.

Ndawi 94:10

At yi aakumi ndi aakumi inaruk wake menggerak nen Maluk onggo eeppiiga'lek wonage, At mamuniraga nogo nen eenggo'lek wonage, Eeke menggerak mba'nuk yogo ogotik ya? Lek o!

Yetaya 33:16

It aap puut tiyarogon yugum pak wurogo pereegim iniki ugun tayenak wonogo mengga kwak wonogwe iigak, Inambi pipuk eerak wonage, inaniyo lek arigin lek wonage mban wonage, Eeke kagak nonggo logogun o.