Ndawi 94:21 - Ala Wone Peenok Peebi Mbanak

²¹ It aap ti, kuwak eeppunuk, Iniki abe koonak nogo inooriyak nduk wone koonggwi, Maluk eeka'lek ugun iigak, “Maluk eekotak o,” yinuk, inoorit nugwi, Eeko menggaarak kwe,

Ndawi 94:21 ပူးပေါင်းရင်းမြစ်များ

1 Endagembogut 21:19

Pekka nage logomenggendik, wone yoriyak nogo yi o. Naliku ALA nen aap ambi warogo punuk, anggween ndinggolegerak at Akap aret nogo lek a? At togop aret eekerak me, nggeewo nen aap Nabot amiya inamili menak nunggo menggam time at amiya togop aret nagun o, yinuk, Aliku ALA nen yegerak, yori nak o.”

2 Mbinineegwaarak 24:21

Wone ti yoragagerak paga, “Waruwok o,” yinuk, iniki ambit eeppunuk, aap endagembogut yogo mbareegwa, “Wariyak aret o,” yorage mbareegi, Aliku ALA awi wurik oore'nggam taati aret yugum paga warogo pereegwaarak.

Ndawi 106:38

Maluk eeka'lek ugun iigak, inamiya kilirogo piigwi, Inapuri wologwe inom, komologwe inom, Ineebe inoorogo piinok, it Kanan mendek inagugi inake ogorogwe, Eeko nogogwaarak. Inamiya kilirogo piigo nogogwaarak paga o ti abok aret maluk eerogo pereegwaarak.

Ndawi 22:16

Yi nggeewo ndi nggeewo ineyak nde agan wangge'nakwi, Aap a'nggan wogonaka nen wanggeppaninuk wonogwe, Neenggi-niyok pulu warogo panugwi, Eekaarak me,

Ndawi 56:6

Nenggaawak mbet-mbet lek eerogo panuwok nduk, Wone kote koonogo pugwi, “Nonggop ari kaamun?” yinuk, molok nirit nugwi, An nage neegak, inigen wo'neren nogwe, Eeko menggaarak.

Ndawi 59:3

Kaliku ALA wae. An kat koone tagangge, maluk eeke, Eeka'lek neegak, Maluk eeppanuwok nduk it aap inogogun ambik iniki ambit eeppunuk, wone kote mbanggwi, Neebe lek eerogo panuwok nduk, Ambe nggagambunuk wonogwe, Eekwi yi, iyet o.

Wundeegwaarak 23:7

Aap ambi nen eerulik kagak, Eekerak aret o, yogwe iinok, inoone inom nabeniyak mage o. Aakumi maluk eekwi iinok, an teppiyaagin lek me, aap ambi maluk eerulik kagak warogo pugwi, ndi, An abet aret maluk ti eerulik o, ari kagak, Eekendak aret o, yinuk, warogo pugwi, eeriyak mage o.

Kini Wuppiige 1:11

It nen yokkogo logonet, “Aap ambi kok pippunuk, waruwok nduk, enaari nogwe, Aap ambi maluk eeka'lek ugun nage me, amendek ndinggologwe,

Kini Wuppiige 1:16

It aap ti, “A puk-puk,” yaga'lek perak togon maluk eerit nogwe, Aap inamiya mbet-mbet wunabit nogwe, Eeko menggaarak o.

Kini Wuppiige 17:15

Aap maluk eekerak kagak, “Eerulik o,” yogwi, Maluk eerulik aap abe kagak, “Maluk eekendak o,” yogwi, Eekwi ti, Imbirak Aliku ALA nen eebi lombok mbake menggerak.

Yeremiya 26:15

Ti op aret kwe, wone yi, kit konenggwi kiigak yokkirage logokit nduk, Aliku ALA nen abet aret nappani wagaarak me, noorogo panugwi kiinok, an maluk eeka'lek neegak noorumonggotak namiya kinoba pakwi, it aakumi o kota yime wonogwe inoba piigwi, ndi, o kota yi kunduk, oba aret pugwi, eerumunggup, mbako logonip o,” yinuk, yoragagerak.

Yetikiyen 22:12

ndi, o kota enggela'me time aap inooruwak nduk, inonggo nggerenogo nunggwi, eeko agaarik o. At nen awu wogoragaatak porogo wonogwe, Onggo wo'ninip, yorage, at awu porogo wonogwe nogo paga ambik aret nabenogo kolage, oone omaawi paga aakumi wi-wi eerogo piige logonet, inamendek wagangge, eeke logonet, an noone yugu nogo at mondok kobak eerogo pereegerak o, yinuk, Naliku ALA nen aret yagi o.

Yetikiyen 22:27

It aap inoweewi inengga warak o time inenggela'me wonogwe nogo ti, nggwiya it noorak mendek nibinogo nonggo mengga kwak logonet, aakumi inamendek kolaawok nduk, ineebe inoorogo piinet nogwe, inenggaawak lek eerogo piigwi, eeko agaarik o.

Yetikiyen 22:6

It Iterali inoweewi nagawan o kota time enggela'me wonogwe nogo, inalitik-inalitak nen inendage tiyanak paga aakumi inoorogo piinet nogwe ti, liippiyet o.

Ndaniyen 6:8

Togop me, ninogoba kendagembogut wae. It aap Meriya mendek inom, Peretiya mendek inom, wone eeko logorak lengganogo pugu nogo ti, lek ageelik mondok wonage menggerak nogo ndak-ndak, wone yokkogoorak yi, liiru mbanogo wumbemenggendak nogo alik age kero, kat togop aret liiru mbanogo keenggi amburu punuk, wumbege logot o.”

Matiyut 27:1

O weege mbareegi, it Ala unde inoweewi abok inom, it aakumi inogobamini inom, Yetut wari yak wone amburu mbambunuk,

Matiyut 27:4

“Ai. At maluk eerulik kagak, an nen warubagip nduk, onggo mbanggirak me, maluk aret eekirak o.” Yorage mbareegi, it nen, “Wone ti, nit ninoba agaarak mbaken? Ti kat kobaalombok aret o.”

Nappiigak 7:52

Kit kinombomini nen Ala yorage kagak yoraga nogo piyak-payak eeginako logolik ambi ta mbakop? Lek aret o. It aa'nduk lombok Ala yorage kagak yoraga nen, At maluk eekeelik iniki abe koonak menggerak nogo woraagin o, yinuk, abok paganogo yorogo nogogwaarak nogo inooko nogogwaarak. Ndi, yogondak kit nen mban aret at eebe onggo nggerembunuk wakotak o!

Yakobut 5:6

It aakumi maluk eekeelik nogo nen wone onggo yokkiraga'lek iigak, kit nen mban pilit wone inoba piinok, inooko nogogutak nogo o.

Wayu 17:6

It Ala apuri ake leenak inom, Yetut eeke nagagerak wone mbo pega'lek mondok mugurok nogo menggaarak ineebe inom, kwe nogo nen inooppiinok, inamiya anggur amburu negen nenok, kumili kunggerak kage nagarik, “Wi!” mbakirak.