Ndawi 94:2 - Ala Wone Peenok Peebi Mbanak

² It nggween paga menggaarak inowak loongga yi wae. Pilak yu o. Pilak ari logomenggendik, It aap iniki wogoppako menggaarak nogo Eekwi onggo ndak-ndak eeppiyet o.

Ndawi 94:2 ပူးပေါင်းရင်းမြစ်များ

Wakkagagerak 18:25

Kat nen it aakumi obeelom eeko menggaarak inom, maluk eeko menggaarak inom, Ndak-ndak aret o, yinuk, abok lambuk togon inooriyak ti mage o, nogoba. Yi aakumi ndi aakumi inomaluk inom, abe inom, inowak loongga kat aret me, yiluk-yiluk inowak loongge menggerak kombarukwak me, togop eerugun o, nogoba.”

2 Mbinineegwaarak 20:12

Kat ninogoba Ala nogo lek a? It ineegin warak mondok alik negen aago ninoba kwi'nari unggwi woroorak eekwi yi, nit ninomaawi paga it eeppiyoorak meek me, kat nen aaninggin inoba kwippiyet o. Nit nen eeppiyoorak meek kenok, kat mban ninigen pekkeego o,” yinuk, tamban eereegerak.

Ndawi 31:23

Togop me, Ala apuri ake leenak monggotak yi wae. At Aliku ALA kiniki kunik eeko logonip o. It aap at oone li'luk eeka nogo At Aliku ALA enegen wogonake menggerak kwe, It iniki wogoppatit nugwi iinok perak, Eekaatak abu ndak-ndak onggo eeppiige menggerak o.

Ndawi 50:6

Yorage mbaremenggi, Mbogut nen oone nggwok paga ari logonet, “Aakumi inowak loongga ti, Ala lombok aret me, Apuri a'me nggelok mban inowak loonigin o,” Yinuk, kuum eerogo nappit nage agaarik o.

Ndawi 68:1

Ala pilak ari kenok at awim nogo ma'nogwe, Inom ogoorak muguren nage kenok kole mbaganggwi, Eeko logowak o.

Ndawi 7:6

Kaliku ALA wae. Kanini nen pilak ari, Ninom ogoorak inanini nombakwi nogo, Eeppiyoorak nduk, kena koonogo nagiige, Nawone mbanogo onggo ndak-ndak eeppiyoorak nduk, kat nogoba Ala mbet-mbet koongge, Eeru o.

Ndawi 74:22

Ala wae. It kinom wim mbanak nen inoone agan nugwi nogo, Maloppiiga'lek wonage, It kinom ogoorak nen kat tebembagarak nduk, Eeko logonet, inoone nggwok ari lagangge nogo, Liippega'lek wonage, Eeriyak mage o. Ata, pilak ari logomenggendik kawone amburu mbanggolage, It aap iniki kobak mendek nen Kubondendok nen nok, oonikiya ari nage kagak, Miyuk-meya eerogo pagagwi nogo liippiige, Eeru o.

Ndawi 82:8

Togop me, Ala wae. Yi aakumi ndi aakumi abok aret Keyate kwak kat mban unde menggendak me, Pilak ari logomenggendik, It aakumi nggween paga wonogwe yi, Inawone liirogon mbanogo inowak loonu o.

Yetaya 10:12

At Ala nen it puut Tiyon paga wonogwe inom, kota Yerutalem wonogwe inom, eeppiyoorak koonogo pemenggerak nogo worok togon eeppiige kenok, at nen, “It Atiyut mendek inowe endagembogut wogoppake, An iya, mbarit nage, eeke ti paga aaninggin oba kwippigin o.

Yetaya 2:17

Aakumi iniki wogoppakwi nogo tebenogo piige, inanggup tiyappakwi nogo at abu'me tebenogo piige, Eerigin me, Ne ti eyom paga Aliku ALA mban endage tiyak yigin o.

Yetaya 37:23

At ta meek eerogo pege? Ha! yinuk, ta agi'ndok kangge? Ta kenok, oone nggwok paga yoge? Ta kenok, iniki wogoppake? Eeke ti, At Kikak Nakeelik Alik Leenak Iterali inogoba kenok aret eeke agaarik o.

Yetaya 37:29

At anini Aliku ALA oba pege, Iniki tiyappake logonet wone ari, Eeke ti, Ala aruk me muk unggwi wagaarak me, Ala ageele paga aap ti ogobak pelenak me mambege, Ambutimanggen ambeme nggelembege, Eerogo punuk, nikkenok, tu wagam iyokan ame aret nappigin, yegerak o.

Ndaniyen 4:37

At mbogut paga time endagembogut menggerak nogo, eeke menggerak abok aret abe mban eeke, at eerit nage nogo a'me nggelok mban eerit nage, iniki wogoppakwi iinok tebenogo piige, eeke menggerak me, yogondak an Nebukanetat nen at ayuk wuke, alut eeke, endage tiyappege, eeke agarik o.

Mika 5:9

Aliku ALA nen ari logonet, “Ne ti eyom paga an nen ina guda inenggela'me wonogwe nogo lek eerogo piige, Inanggweendo wim eeka nogo pup eerogo piige,

1 Peterut 5:5

Togop me, kit aap tawe nen eeko logorak wone ambi yokkira o. Kinogobamini nen inoone yokkirogwe iinok, kinaruk liirogon konembunuk eeko logonip o. “It aakumi iniki wogoppako menggaarak kenok, Ala nen tebenogo piige menggerak kwe, Iniki tebenak wonogwe iinok perak, Inabuwa nen obeelom eeppiige menggerak o,” yinuk, yereegerak Ala wone liiru mbanak wonage me, kit abok aret kiniki tebenak logonet, yeenggwa-yeenggwa eeko logonip o.